Янгиликлар

16.02.2024

Uychi tumanidagi 10-maktabda “O‘quvchi davomati - ta'limda  muhim masaladir” mavzusida ota - onalar yig'ilishi bo'lib o'tdi.

Unda maktab direktori F.Urinboev, MMIBDO’ K.Azizov, Muborak  MFY raisi R.Rahmatullaev, Oqtosh MFY raisi G.Azizova, Muborak MFY profilaktika inspektori U.Rahimov, tuman Milliy gvardiya xodimi, podpolkovnik A.Nuriddinov, ota-onalar qo’mitasi raisi SH.Rizzaeva, maktab pisixologi F.Abdullayeva, O’IBDO’ M.Faxriddinova, MFY yoshlar yetakchisi  ishtirok etdilar.

Muloqotda bugungi kunda ta'lim sohasida bo'layotgan o'zgarishlar, yoshlar o'rtasida jinoyatchilik ortib borayotgani, buning sababini ayrim ota-onalarning farzand tarbiyasiga befarqligi, majburiyatlarni to'liq bilmasliklari, darslarga o'quvchilarning sababsiz dars qoldirishlari, darsga o'z vaqtida kirmasliklari, ta'lim  maskaniga kech kelishi buyicha gapirilib, vazifalar belgilab olindi.

15.02.2024

Ушбу сана муносабати билан Уйчи туманидаги 2-мактабнинг она тили ва адабиёт фани ўқитувчиси Н.Раҳматова томонидан 8-синфлар ўртасида "Бобур ижодини ўрганамиз" деб номланган билимдонлар беллашуви бўлиб ўтди. Мактаб ўқувчилари томонидан шоирнинг ғазал ва рубоийларидан ифодали ўқилди, унинг мураккаб ҳаёт йўли хамда Бобурийлар салтанатини барпо этиши, шунингдек, ижодий мероси, "Бобурнома" мемуар асари бўйича шартлар бажарилди. Мактабнинг қўшиқчилик тўгараги аъзолари шоир ғазаллари асосида мумтоз қўшиқлар куйлашди. Беллашув якунида 8-"А синф билимдонлар жамоаси ғолиб бўлди. Ўтказилган маънавий-маърифий тадбир барчада катта таассурот қолдирди.

15.02.2024

Дарҳақиқат, шундай. Давлатимиз раҳбари раислигида ўтказилган ижтимоий соҳадаги устувор вазифаларга бағишланган йиғилишда ҳам таълим тизимига алоҳида эътибор қаратилди.

Ўзбекистон Республикаси Президентининг 2023 йил 25 декабрдаги “2024-2026 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш чора-тадбирлари тўғрисида”ги ПҚ-404-сонли қарорига асосан 36-мактаб инвестиция дастурига киритилди. 4490 миллион сўм маблағ эвазига мактабга 540 ўринли янги ўқув биноси қурилади.

Уйчи тумани ҳокими Шуҳрат Мусаев бугун мазкур мактаб жамоаси ҳамда ота-оналар билан бўлган учрашувда навбатдаги муҳим вазифалар ҳақида тўхталиб, талаб ва таклифлар асосида мактабга қўшимча янги ўқув биноси қурилиши бўйича тушунча бериб ўтди.

Ота-оналар кўрсатилаётган бундай эътибордан мамнунликларини билдиришди.

15.02.2024

Жийдакапа маданият марказида  “Сизга таъзимдамиз, муҳтарам аёллар!” деб номланган маданий-маърифий тадбир бўлиб ўтди.

Унга собиқ 6-боғча мудираси Ҳадича Йўлдошева бошчилигидаги меҳнат фахрийлари, кайвони онахонлар таклиф этилдилар. Маданият маркази ҳамда  мактабгача ва мактаб таълими бўлимига қарашли 48-ДМТТ томонидан бадиий дастур намойиш этилди.

Сўзга чиққан туман ҳокимининг ўринбосари С.Аҳмадалиева, вилоят Кенгаши депутати М.Турғунова, Республика Маънавият ва маърифат маркази туман бўлинмаси бош мутахассиси Д.Абдиқахаров, маданият маркази директори  О.Холмирзаевалар юртимизда хотин-қизларнинг ҳуқуқ-имкониятларини кенгайтириш, давлат бошқаруви ва жамиятнинг барча жараёнларида уларнинг ролини оширишга қаратилган тизимли ислоҳотлар ҳақида гапириб, хотин-қизларни эъзозлаган, қадрлаган юртнинг эса бугуни ва эртаси шубҳасиз, фаровон бўлишини таъкидлашди.

Якунда барча аёлларга бўлинманинг эътирофномаси ҳамда ҳомийларнинг қимматбаҳо совғалари топширилди.

15.02.2024

Уйчи тумани ҳокими Шуҳрат Мусаев 7-мактаб жамоаси ва ота-оналар вакиллари билан бўлиб ўтган мулоқотда давлатимиз раҳбари раислигида ўтказилган ижтимоий соҳадаги устувор вазифаларга бағишланган йиғилишдан келиб чиқадиган масалаларга эътибор қаратди.

Фуқароларнинг сайёр қабуллардаги мурожаатлари ва аҳоли таклиф-истаклари асосида амалга оширилаётган ишларни эътироф этди. Хусусан, жорий йилда инвестиция дастури асосида мактаб учун 12 млрд. 286 миллион сўм маблағ ажратилиб, 540 ўринли янги ўқув биноси қурилиши, мавжуд 1044 ўринли мактаб биноси таъмирланиши ҳақида гапириб, йиғилиш иштирокчиларини қизиқтирган саволларга жавоб қайтарди.