Сўнгги янгиликлар
ОРОМГОҲ БОЛАЛАРНИ ЧОРЛАЙДИ
ТАБИАТГА МЕҲР БОЛАЛИКДАН УЙҒОНАДИ
УЧ АВЛОД УЧРАШУВИ
ЎҚУВ-СЕМИНАР
Янгиликлар
Уйчи тумани 3-сектор ҳудудидаги Шафтоли МФЙда яшовчи Иминжон Қобилов хонадонида учта оила бўлиб, ўн киши истиқомат қилади.
Хонадон соҳиби миришкор деҳқон. Оила бекаси Ҳайитхон опа ҳам нафақада бўлса-да бирдам тиним билмайди. Уч сотихли экин майдонида иккита иссиқхона мавжуд. Ошкўк, укропни бозорга чиқаришаётган бўлса, кўкпиёз, редиска ҳам тайёр бўлиб қолай деди. Ҳалол меҳнати билан рўзғорига барака киритаётган бу оила намунали оила ҳамдир.
Уйчи тумани 3-сектор ҳудудидаги Шафтоли МФЙда истиқомат қилувчи Ҳусанбой ота Душаев олтмиш уч ёшдалар. Отахон хонадонидаги 4 сотих экин майдонининг ҳар бир қаричидан самарали фойдаланиб, саримсоқпиёз, редиска, кўкатлар етиштирмоқда. 10 қути асалари ҳам мавжуд.
Халқ депутатлари Уйчи тумани Кенгаши депутати Гавҳархон Ҳакимова ташаббуси ҳамда 12-мактаб жамоаси, ҳомийлар ёрдами билан 3-сектор ҳудудида жойлашган мазкур мактабга кириш ҳудудида, Уйчи-Ахси автомагистраль йўлига ақлли светофор ўрнатилди. Светафор қуёш панелига ҳам ишлайди.
- Мактабимизда 1125 нафар ўқувчи ўқийди,-дейди Гавҳархон Ҳакимова. –Светафорнинг ўрнатилиши ўқувчилар хавфсизлигини таъминлашда жуда қўл келяпти. Бу хайрли ишга ҳисса қўшган барча ҳамқишлоқларимизга миннатдорчилик билдираман.
O‘zbekiston Respublikasi Prezidentining 2025-yil 3-yanvardagi "2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida"gi PQ-1-sonli qarori ijrosi yuzasidan Uychi tumani 3-sektorida bir qator ishlar amalga oshirilmoqda.
Jumladan, sektor rahbari U.Eshanov Soku mahallasida bo‘lib, amalga oshirilayotgan ishlar bilan tanishdi. Sektor rahbari va mahalla raisi tashabbusi bilan shu kuni "Rayhon" ko‘chasiga tungi yoritish chiroqlari, "Ko‘rkam" ko‘chasida yuzni tanib oladigan kameralar o‘rnatildi.
Bundan tashqari, "Xavfsiz ko‘cha" tamoyili asosida mahalla ko‘chalarini tungi vaqtlarda yoritish, har bir ko‘chaning kirish va chiqish qismiga avtotransport vositalari davlat raqamlari va shaxsni aniqlay oladigan zamonaviy kuzatuv kameralari o‘rnatish ishlarini kuchaytirish tushuntirildi.
Ўзбекистон Республикаси Президентининг 2025 йил 3 январдаги "2025 йилда Республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлари тўғрисида"ги ПҚ-1-сонли қарори ижросини таъминлаш мақсадида Уйчи тумани 1-сектор ҳудудидаги Эзгулик МФЙда маҳалла, мактаб, оила ҳамкорлигида тарғибот ишлари олиб борилмоқда.
Маҳаллаларда хавфсиз муҳитни яратиш, қонунбузарликларни ўз вақтида аниқлаш бўйича вазифалар белгилаб борилмоқда. Ёшлар, аёллар ва ишсиз фуқаролар, шунингдек, оила - турмуш муносабатлари доирасида содир этиладиган жиноятларнинг олдини олишда "Маҳалла еттилиги" ҳар бир вакилининг вазифалари белгилаб берилган. Аҳолининг ҳуқуқий онгини ошириш, маҳаллада ижтимоий-маънавий муҳит яхшилаш, жамоат жойлари ва яшаш хонадонларида хавфсиз муҳитни яратиш қонунбузарликларнинг олдини олишда муҳим аҳамият касб этади.
Моҳира ХОЛМИРЗАЕВА,туман Кенгаши депутати, Эзгулик МФЙ хотин-қизлар фаоли.