Янгиликлар

15.02.2025

Уйчи тумани 1-сектор ҳудудидаги 41-мактабда сектор раҳбарлари ёшлар вакиллари билан учрашдилар.

Таълим-тарбия, дарс жараёнлари, мактаб кутубхонасида яратилган шарт-шароитлар сектор раҳбарларининг эътиборида бўлди.

Туман ҳокими ташаббуси билан мактаб кутубхонасига янги мебель жиҳозлари топширилди. Сектор раҳбарлари ҳамда Республика маънавият ва маърифат маркази туман бўлинмаси, ёшлар ишлари агентлиги томонидан 200 дона янги бадиий адабиётлар мактаб кутубхонасига совға қилинди.

14.02.2025

Уйчи туманида “Оила ва хотин-қизлар маскани” фаолиятини давом эттирмоқа.

Туман марказида ташкил қилинган мазкур масканда касб-ҳунарга ўқитиш ва тадбиркорликка кўмаклашиш, фитнес ва рақс, психолог ва юрист, болалар, тиббиёт, оила қуриш арафасида турган ёшларни турмушга тайёрлаш хоналари мавжуд. Бу ерда  "Ибрат" ўқув марказининг  IT йўналишидаги филиали ҳам ўз фаолиятини бошлаб,   "Ёшлар дафтари", "Аёллар дафтари"га олинган фуқаролар учун ўқув курслари бепул йўлга қўйилган.

14.02.2025

Уйчи туман  ҳокимлиги мажлислар залида муҳим масала – яширин иқтисодиётни қисқартириш орқали бюджетга қўшимча маблағ яратиш бўйича туманда амалга оширилаётган ишлар таҳлил қилинди.

Йиғилишда Бош прокурор ўринбосари, Иқтисодий жиноятларга қарши курашиш департаменти раҳбари Шамсиддин Соҳибназаров, туман  секторлари раҳбарлари ҳамда бир қатор ташкилотлар раҳбарлари иштирок этдилар.

Тақдимот давомида яширин иқтисодиётни қисқартириш мақсадида ишлаб чиқилган  таклифлар  муҳокама қилинди.

Йиғилишда Бош прокурор ўринбосари томонидан бартараф этиш мумкин бўлган камчиликлар устида ишлаш бўйича аниқ чоралар белгилаб берилди. Шунингдек, бюджет тушумларини ошириш ва молиявий шаффофликни таъминлаш йўлида сектор ва ташкилотлар раҳбарларига тегишли вазифалар юклатилди.

14.02.2025

• respublika darajasida – respublika komissiyasi tarkibiga kiritilgan vazirlik va idoralar, Agentlik markaziy apparati hamda Agentlik huzuridagi Kadrlar malakasini oshirish va statistik tadqiqotlar instituti xodimlari• hududiy darajada – hududiy komissiyalar aʼzolari hamda hududiy statistika boshqarmalari xodimlari• tumanlar va shaharlar darajasida – tuman va shahar statistika boʻlimlari, tuman va shahar roʻyxatga olish boʻlimlari hamda roʻyxatga olish uchastkasi, instruktorlik va hisob uchastkalari xodimlariRoʻyxatga olish ushastkalari, instruktorlik uchastkalari va roʻyxatga oluvchi xodimlarni ushbu jarayonga tayyorlash bosqichlari • Aholini roʻyxatga olishning maqsad va vazifalari, roʻyxatga olishga tayyorgarlik koʻrish va uni oʻtkazishni tartibga soluvchi asosiy normativ-huquqiy hujjatlar, roʻyxatga olish hujjatlari tarkibi va uni toʻldirish tartibi, shuningdek, roʻyxatga oluvchi xodimlarning vazifalari, axloq normalari boʻyicha mashgʻulotlar.• Planshet qurilmalaridan foydalangan holda roʻyxatga olish varagʻi shakllarini toʻldirish, toʻplangan maʼlumotlarni markaziy maʼlumotlar bazasiga yuklash va ularning xavfsizligini taʼminlash boʻyicha mashgʻulotlar• Texnika xavfsizligi boʻyicha mashgʻulotlar• Respondentlar soʻrovini oʻtkazish, kelib chiqadigan barcha qiyinchiliklarni aniqlashtirish bilan muammoli masalalarni muhokama qilish boʻyicha amaliy mashgʻulotlar• Oʻqish yakunida xodimlarning bilimlarni oʻzlashtirganligi boʻyicha test sinovlarini tashkil etish• Oʻqish jarayonlari tugagandan soʻng xodimlarga maxsus guvohnoma, maxsus kiyim, roʻyxatga olish instrumentlari (planshet, maxsus sumka va boshqa roʻyxatga olish hujjatlari) va kanselyariya buyumlari bilan taʼminlanadi.

13.02.2025

Олий Мажлис Сенати Кенгашининг 2025 йил 28 январдаги “Халқ депутатлари маҳаллий Кенгашлари фаолиятини намунали ташкил этиш тўғрисида”ги КҚ-51-V-cонли қарорига асосан Наманган вилояти бўйича халқ депутатлари Уйчи тумани Кенгаши фаолияти намунали йўлга қўйиладиган Кенгашлар рўйхатига киритилган.

Халқ депутатлари туман Кенгаши фаолиятини намунали Кенгашга айлантириш борасида амалий ишлар бошланди. Халқ депутатлари туман Кенгаши котибияти мудири Наргиза Дедаханова бошчилигида депутатлардан бир гуруҳи бугун тажриба алмашиш мақсадида Янги Наманган туманида бўлди.

Дастлаб Янги Наманган тумани Кенгаши котибияти мудири М. Жамолитдинов фаолияти бўйича маълумотлар берди. Яратилган шарт-шароитлар, хоналарнинг замонавий техникалар билан жиҳозланиши эътирофга лойиқлиги алоҳида таъкидланди.

Халқ депутатлари вилоят Кенгаши котибияти мудири Т. Гаппаров намунали Кенгаш фаолиятини йўлга қўйиш бўйича таклифларини билдирди.

Уйчи тумани ҳокимлиги Ахборот хизмати.