Янгиликлар

27.02.2025

Маълумки, Олий Мажлис Сенати Кенгашининг 2025 йил 28 январдаги тегишли қарорига асосан Наманган вилояти бўйича халқ депутатлари Уйчи тумани Кенгаши фаолияти намунали йўлга қўйиладиган Кенгашлар рўйхатига киритилган.

Кенгаш фаолиятининг намунали ташкил қилинишида ОАВ, ижтимоий тармоқлар ва ресурслардан самарали фойдаланиш мақсадида халқ депутатлари тумани  Кенгаши, туман Кенгаши котибияти томонидан 2025 йил 1-чорак учун доимий комиссиялар ва депутатларнинг фаолияти бўйича ўтказиладиган медиа режа тасдиқланди. Унга кўра, брифинг, пресс тур, матбуот анжумани ўтказилиши кўзда тутилган. Бу тадбирлар орқали Кенгаш ҳамда депутатлар фаолияти, улар томонидан амалга оширилаётган ишлар кенг оммага етказиб борилади ҳамда очиқлик сиёсати таъминланади.

Матбуот анжумани иштирокчилари, ОАВ, блогерлар вакиллари мавзу юзасидан таклифлар билдиришди ва ўзларини қизиқтирган саволларга жавоб олишди.

Уйчи тумани ҳокимлиги Ахборот хизмати.

26.02.2025

So‘nggi yillarda tadbirkorlik subyektlariga qulay imkoniyatlar yaratish, tadbirkorlik faoliyatini boshlashda byurokratik to‘siqlarni bekor qilish orqali tadbirkorlik faoliyatini yuritishni osonlashtirish borasida tizimli islohotlar amalga oshirilmoqda.O‘zbekiston Respublikasi Prezidentining “O‘zbekiston Respublikasi Prezidentining tadbirkorlar bilan to‘rtinchi ochiq muloqotida belgilangan vazifalarni amalga oshirish chora-tadbirlari to‘g‘risida” 2024-yil 30-avgustdagi PF-132-son Farmoni ijrosini ta’minlash, shuningdek, firma nomlarini band qilish va ulardan foydalanish tartiblarini takomillashtirish, bu borada qonunchilik hujjatlaridagi huquqiy bo‘shliqlarni bartaraf etish maqsadida Vazirlar Mahkamasining 06.02.2025 yil kuni 65-sonli qarori e’lon qilindi.Ushbu qarorga muvofiq davlatning rasmiy va qisqartirilgan nomini firma nomiga kiritish to‘g‘risida ariza berish, davlatning rasmiy va qisqartirilgan nomini firma nomiga kiritish to‘g‘risidagi arizalarni ko‘rib chiqish, firma nomlarini band qilish uchun buyurtma berish, firma nomlarini band qilish uchun buyurtmalarni ko‘rib chiqish tartiblari belgilandi.Mazkur qarorga asosan davlatning nomi quyidagi yuridik shaxslarga berilishi belgilandi:O‘zbekiston Respublikasi qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidenti va O‘zbekiston Respublikasi Vazirlar Mahkamasining qarorlariga muvofiq tashkil etiladigan yoki faoliyati tashkil etiladigan yuridik shaxslar, agar ularning nomlari tegishli hujjatlarda to‘g‘ridan-to‘g‘ri nazarda tutilgan bo‘lsa;davlat organlari va tashkilotlari tomonidan tashkil etiladigan davlat muassasalari;ustav fondida (ustav kapitalida) davlat ulushi 50 foizdan ortiq bo‘lgan xo‘jalik jamiyatlari;respublika ahamiyatiga ega bo‘lgan yuridik shaxslar birlashmalari;respublika va mahalliy ijro etuvchi hokimiyat organlari, xo‘jalik birlashmalarining O‘zbekiston Respublikasi Adliya vazirligiga taqdim etilgan murojaatlari asosida xorijiy investitsiyalar ishtirokidagi korxonalar.Ushbu qaror talablari tijorat banklari va kredit byurolari, xorijiy tijorat tashkilotlariga nisbatan tatbiq etilmaydi.Ushbu qaror bilan belgilangan Davlat xizmati Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalari tomonidan Tadbirkorlik subyektlarini davlat ro‘yxatidan o‘tkazish va hisobga qo‘yishning avtomatlashtirilgan tizimi orqali ko‘rsatiladi.Ushbu qaror bilan belgilangan Davlat xizmatini ko‘rsatishni rad etishga quyidagilar asos bo‘ladi:tanlangan firma nomi O‘zbekiston Respublikasining “Firma nomlari to‘g‘risida”gi Qonunida belgilangan talablarga zid bo‘lsa;tanlangan firma nomi Tizimda boshqa shaxs tomonidan zaxiraga olingan bo‘lsa;tanlangan firma nomi mazkur Reglament qoidalari tatbiq etilmaydigan yo‘nalishlar bo‘yicha berilgan bo‘lsa.Davlat xizmatlarini ko‘rsatishni boshqa asoslar bo‘yicha rad etish taqiqlanadi.Ariza beruvchi tanlagan firma nomi Tizimda 60 kun davomida zaxiraga olinadi va ushbu muddat tugagandan so‘ng firma nomining zaxirasi avtomatik tarzda bekor qilinadi. Bunda ariza beruvchi aynan ushbu firma nomini qaytadan olish uchun davlat xizmatidan yig‘im to‘lamasdan qayta foydalanishi mumkin.Davlat xizmati ko‘rsatilganligi uchun bazaviy hisoblash miqdorining ellik foizi miqdorida yig‘im undiriladi.Davlati xizmati ko‘rsatilgani uchun yig‘im to‘langanligi axborot-kommunikatsiya tizimlari orqali tasdiqlanadi.Vakolatli organ ikki ish kuni davomida so‘rovnomani ko‘rib chiqadi hamda ko‘rib chiqish natijalari bo‘yicha buyurtma qilingan firma nomini band qiladi yoki band qilishni rad etadi.Muhammadali Shoqalamov,Uychi tuman adliya bo‘limi davlat xizmatlari markazi bosh mutaxassisi.

26.02.2025

Уйчи тумани 2-сектор ҳудудидаги Ёркатай МФЙда “Нуроний” жамғармаси туман бўлими жамоатчилик кенгаши аъзолари, “Кексалар маслаҳат гуруҳи” фаоллари билан навбатдаги режалар белгилаб олинди.

Жамғарманинг туман бўлими раиси, туман ҳокимининг маслаҳатчиси Т.Исматиллаев фаоллар олдида турган долзарб вазифалар ҳақида тўхталиб, ҳафта давомида амалга ошириладиган ишлар, ёшлар тарбияси, бандлигини таъминлаш, томорқадан самарали фойдаланиш бўйича тизимли иш ташкил этилишини айтди.

26.02.2025

Уйчи тумани "Инсон" ижтимоий хизматлар марказида ижтимоий ходимларнинг билим ва кўникмаларини ошириш мақсадида "Ота-она қарамоғисиз, назоратсиз қолган болаларни аниқлаш, васийлик тайинлаш, мониторинг қилиш" мавзусида ўқув-семинар ташкил этилди.

Унда  Наманган тумани "Инсон" ижтимоий хизматлар маркази болаларни ижтимоий ҳимоя қилиш шўъбаси мудири Б.Тўлқинов  ижтимоий ходимларга мавзу бўйича тушунтириш берди.

Семинарнинг иккинчи ярми давра суҳбати кўринишида ўтказилиб, ижтимоий ходимларнинг саволларига жавоблар қайтарилди.

Семинар натижасида ижтимоий ходимлар янги билим ва кўникмаларга эга бўлишди.

Уйчи туман "Инсон" ижтимоий хизматлар маркази.

26.02.2025

Уйчи тумани 2- сектор ҳудудидаги Чўртук маҳалла фуқаролар йиғинида маҳалла еттилиги томонидан "Аёл - қадриятлар давомчиси" мавзусида маънавий-маърифий тадбир ташкил этилди.

Унда туман ҳокими Ш. Мусаев ҳамда сектор раҳбарлари қатнашдилар. Маҳалла ҳудудидаги хонадонларда сумалак сайли, ош танлови, спорт ва маданий, мусиқий тадбирлар бўлиб ўтди. Унда тумандаги 16, 21, 45-мактаблар, 37, 44, 47-ДМТТлар жамоалари ҳам фаол қатнашдилар.

Тадбир давомида туман кўп тармоқли марказий поликлиникаси шифокорлари томонидан тиббий кўрик ташкил қилинди. Ҳунарманд хотин-қизларнинг қўл меҳнати билан тайёрлаган кўргазмалари, миллий куй-қўшиқ ва рақслар, урф-одатлар намойиши барчанинг эътиборини тортди.

Тадбир ниҳоясида фаол хотин-қизлар вакиллари тақдирланди.

Уйчи тумани ҳокимлиги Ахборот хизмати.