Янгиликлар

10.03.2023

1. Амалдаги Меҳнат кодекси 232-моддаси:

➖12 ёшга тўлмаган 2 ва ундан ортиқ боласи ёки 16 ёшга тўлмаган ногиронлиги бўлган боласи бор аёлларга ҳар йили 3 иш кунидан кам бўлмаган муддат билан ҳақ тўланадиган қўшимча таътил берилади.

2. Янги Меҳнат кодекси 401-моддаси:

➖12 ёшга тўлмаган 2 ва ундан ортиқ боланинг ёки 16 ёшга тўлмаган ногиронлиги бўлган боланинг ота-онасидан бирига (ота-она ўрнини босувчи шахсга) ҳар йили давомийлиги камида 4 календарь кун бўлган ҳақ тўланадиган қўшимча таътил берилади.

☝️Фарқини билиб олдингларми? Янги МК 2023 йил 30 апрелдан кучга кириши эсдан чиқмасин-а.

Шокиржон Дадабоев,Уйчи туман Адлия бўлими юридик хизмат кўрсатиш маркази бош юристконсульти

09.03.2023

1-сектор ҳудудидаги Қашқар маҳалла фуқаролар йиғинида 35-ОП ва Қашқар МФЙ фаоллари билан ҳамкорликда маҳалланинг ибратли оиласи Шуҳратжон Ҳасановлар хонадонида аҳоли орасида соғлом турмуш тарзи, сифатли овқатланиш , хонадонлар, кўчалар тозалигини сақлашни тарғиб қилиш мақсадида "Аёллар саломатлиги давлат ҳимоясида" мавзусида тиббий, маънавий, кўргазмали тадбир ташкил этилди.

Унда эрталабки бадантарбия , пиёда юришнинг фойдаси ҳақида тушунчалар берилди.

Тадбирда туман ҳокимининг ўринбосари С.Аҳмадалиева, туман Саломатлик маркази етакчи мутахассислари иштирок этишди.

09.03.2023

Уйчи туман Нуронийлар жамоатчилик кенгаши раиси Т.Исматиллаев, ЎзХДП туман кенгаши раиси Ғ.Жўраев, Республика маънавият ва маърифат маркази туман бўлинмаси раҳбари Э.Юнусова, “Маҳалла” ХЖФ туман бўлинмаси раиси Н.Раҳимовлар 8 март - Халқаро хотин-қизлар байрами муносабати билан бир гуруҳ нуроний аёлларни табриклашди.

Унда туманнинг ижтимоий-иқтисодий ривожланишига ҳисса қўшган фахрий нуроний аёллардан беш нафарига Ўзбекистон фахрийларининг ижтимоий фаолиятини қўллаб-қувватлаш “Нуроний” жамғармаси бошқаруви томонидан жўнатилган табрик ҳамда ҳомийларнинг эсдалик совғалари топширилди.

Кексалар юрт тинчлиги, халқ фаровонлиги учун дуолар қилишди.

09.03.2023

Yangilanayotgan Konstitusiyada inson huquq va erkinliklari hamda ularning kafolatlari kengaytirilmoqda. Unda ilk marotaba fuqarolar kafolatlangan bepul tibbiy xizmatlardan foydalanishi, davlat xizmatiga kirishda teng huquqqa egaligi, ekologiya masalalariga oid huquqlarning mustahkamlanishi kabi yangi konstitusiyaviy huquqlar kiritilayotganligi ham Yangi O‘zbekistonda inson qadri tamoyilining yorqin ifodasi hisoblanadi.

Shaxsiy huquq va erkinliklar, iqtisodiy va ijtimoiy huquqlar borasidagi normalar qariyb 3,5 baravarga ko‘paymoqda. Inson huquqlari va erkinliklari, oila masalalariga bag‘ishlangan kafolatlar kuchaytirilmoqda.

Qonunlardagi noaniqliklar inson foydasiga hal bo‘lishi, bu borada, Konstitusiyamizda shaxsni sudning qarorisiz 48 soatdan ortiq muddat ushlab turish mumkin emasligi belgilanmoqda hamda odamlarning huquq va erkinliklarini cheklash bilan bog‘liq barcha harakatlarga, faqat sud qarori asosida yo‘l qo‘yilishi mustahkamlanmoqda.

Bu orqali, odil sudlovni amalga oshirishda “Xabeas korpus” instituti yanada kengaytirilishi ta’minlanadi.

Ilk bor ayblanuvchi va sudlanuvchilarga o‘ziga qarshi ko‘rsatma bermaslik, ya’ni “sukut saqlash” huquqi berilmoqda.

Konstitusiyamizda o‘lim jazosi taqiqlanayotganligi va bu masalada hech qachon ortga qaytilmasligi ta’kidlandi.

07.03.2023

Ҳурматли иш берувчилар ва касаба уюшмалари қўмиталари,

Аксариятингизда меҳнатга оид ички локал ҳужжатлар пакети шаклланган. Масалан, тармоқ (жамоа) келишуви, жамоа шартномаси, ички меҳнат тартиби қоидалари, иш ҳақи низоми, лавозим-йўриқномалар ва ҳоказолар.

Янги таҳрирдаги Меҳнат кодексининг 12-моддасига асосан меҳнат ҳақидаги бошқа ҳуқуқий ҳужжатлар қуйидаги тоифаларга бўлинмоқда:

➖жамоа келишувлари;

➖жамоа шартномалари;

➖иш берувчи томонидан касаба уюшмаси қўмитаси билан келишувга кўра қабул қилинадиган ички ҳужжатлар;

➖ички ҳужжатлар, шу жумладан иш берувчи ўз ваколатлари доирасида якка ўзи қабул қиладиган якка тартибдаги ҳуқуқий ҳужжатлар.

Меҳнатга оид ички ҳужжатлар гарчи алоҳида гуруҳларга бўлинаётган бўлсада, шу пайтгача мавжуд бўлган умумий база сақланиб қолади. Бироқ, сизлардаги ҳозирги ички локал ҳужжатлар амалдаги (эски) Меҳнат кодексидан келиб чиққан ва эски Кодекс нормаларига асосланган.

Демоқчи бўлганим, янги Кодекс кучга кириши билан ички локал ҳужжатларингиз ҳам ўзгариши керак, янгиларини ҳам ишлаб чиқиш зарур. Бу ишларни янги МКга кучга киргунча, яъни 30 апрелга қадар амалга ошириш керак.

Ҳозирги пайт барча иш берувчилар учун ички локал ҳужжатларини қайта ишлайдиган ва янгиларини ишлаб чиқадиган вақтдир. Чунки вақт жуда оз қолмоқда.

Мавзу - Меҳнат кодекси бўйича ишга қабул қилинадиган ёш.

Шокиржон Дадабоев,Уйчи туман Адлия бўлими юридик хизмат кўрсатиш маркази бош юристконсульти.