Янгиликлар

15.01.2024

Миллий армиямиз – Янги Ўзбекистоннинг мустаҳкам қалқонидир.

2024 йил январь ойининг иккинчи ўн кунлигида “Янги ҳаёт учун, янги Ўзбекистон учун!” шиори остида ҳарбий-ватанпарварлик ғояларини ўз ичига олган маънавий-маърифий тарғибот тадбирлари режа дастури тасдиқланиб, шунга кўра секторлар кесимида ижроси амалда таъминланмоқда.

Хусусан, ёшларни ватанпарварлик руҳида тарбиялаш, уларни ҳарбий соҳага қизиқишлари ва ҳарбий хизматчиларга бўлган ишонч туйғуларини яна бир карра ошириш мақсадида тумандаги ҳарбий қисмга саёҳат ташкил этилди.

Унда мактабгача ва мактаб таълими бўлимига қарашли 23,30,39,41-мактаблар ўқувчилари ҳарбий техника, ҳарбийларга яратилган шароитлар, спорт майдончалари билан яқиндан танишиб, ҳарбийлар билан самимий суҳбат қуришди.

15.01.2024

“Ватан ҳимоячилари куни” муносабати билан Уйчи туман маданият марказида байрам тадбири бўлиб ўтди.

Унда Қуролли кучлар фахрийлари, собиқ байналмилалчи жангчилар, жамоатчилик вакиллари иштирок этдилар.

Шодиёнада туман ҳокими Шуҳрат Мусаев сўзга чиқиб, барчага самимий тилаклар билдирди.

Тадбир туман маданият бўлими “Тарона” ашула ва рақс халқ ансамбли хонандалари, истеъдод эгалари иштирокидаги байрам концерт дастури билан якунланди.

15.01.2024

Уйчи туманидаги 35-мактабда Обод  МФЙ фуқаролари, ўқувчи ва ўқитувчилар иштирокида "Ватан ҳимоячилари куни"га бағишлаб “Янги ҳаёт учун, янги Ўзбекистон учун!” шиори остида навбатдаги тарғибот тадбири бўлиб ўтди.

Дастлаб мактаб директори И.Эгамбердиев тадбирни очди. "Нуроний" жамғармаси туман бўлими раиси, туман ҳокимининг маслаҳатчиси Т.Исматиллаев мавзу юзасидан мулоҳазалар билдирди, маърифат тарғибот гуруҳи аъзоси Ш.Бойханов ижросида ватанни улуғловчи қўшиқлар янгради. Меҳнат фахрийси Ш.Туялов ўз фикр-мулоҳаза, таклифлари билан ўртоқлашди.

15.01.2024

UYCHI TUMANIDA

✅ Xabaringiz bor, "Barkamol avlod bolalari festivali" Namanganda start oldi.

❗️ Festival doirasida viloyatdagi mavjud tuman (shahar) "Barkamol avlod" bolalar maktablarida tanlov, tadbir va festivaldan oʻrin olgan jarayonlar davom etmoqda.

🔵 2024-yil 13-yanvar kuni Namangan viloyati Uychi tuman “Barkamol avlod” bolalar maktabida "Barkamol avlod" festivalining tuman bosqichi boʻlib oʻtdi.

✅ "Tasviriy sanat" -Ortiqboyev Adilet✅ "Mental arifmetika" -Bahriddinov Jasur✅  "Karving" - Xabibullayeva Durdona✅ "Robototexnika" - Mahmudjanov Rustamjon✅ "Munchoqli bezak" - G'ulomjanova Kamola✅ "Shaxmat-shashka"-Sharipov Bexruz✅ "Ingliz tili"- Xasanboyeva Sarvinoz gʻolib deb topilib, munosib taqdirlandilar.

✍️ Namangan viloyat Uychi tuman “Barkamol avlod” bolalar maktabi Axborot xizmati.

12.01.2024

Дарҳақиқат, ер бу – хазина. Унинг ҳар бир қаричидан самарали фойдаланилса, шунга яраша даромад ҳам келтиради.

Уйчи туманининг Ахси МФЙ ҳудудида ҳам ер билан “тиллашиб”, рўзғорига барака киритаётган оилалар талайгина.

Улардан бири “Ҳилол” кўчасида истиқомат қилувчи Марҳабатхон ая Раҳимова хонадонидир. Беш сотихли томорқанинг икки сотихида иссиқхона қилинган. Хонадон келини Муҳайёхон Раҳимова бўш қолди дегунча томорқага шошади. У йилига уч мартагача ҳосил олади. Саримсоқпиёз, картошка, кўкатлар парваришлайди.

- Ўтган йили бир сотих майдондаги саримсоқпиёздан 12 миллион сўмгача даромад қилдик,-дейди Муҳайёхон. – Бу йил беш сотихга экдим. 50 миллион сўм даромад олишни мўнжаллаб турибман.Шу кўчада яшовчи Комилжон Раҳимов тўрт сотих экин майдонида исмалоқ, саримсоқпиёз етиштиряпти, февраль ойида картошка экади, еттита қутида асалариси, уч бош қорамоли, паррандалари бор.

Маҳфуза Раҳимова эса уч сотих экин майдонида исмалоқ етиштириб, даромад оляпти.