Сўнгги янгиликлар
ОРОМГОҲ БОЛАЛАРНИ ЧОРЛАЙДИ
ТАБИАТГА МЕҲР БОЛАЛИКДАН УЙҒОНАДИ
УЧ АВЛОД УЧРАШУВИ
ЎҚУВ-СЕМИНАР
Янгиликлар
Уйчи туманида ўтказилган IT соҳаси вакиллари ҳамда туман ҳокими учрашувида туманнинг IT йўналиши бўйича салоҳиятини ошириш, мавжуд IT-school ва IT компаниялар фаолиятини кенгайтириш, тумандаги IT компаниялар сонини кўпайтириш, дастурий маҳсулотлар ишлаб чиқариш ҳажмини кенгайтириш ва уларнинг экспортини ташкил қилиш бўйича фикрлар алмашилиб, мавжуд таклифлар тингланди. Соҳа мутахассислари ва масъуллар томонидан фаолиятини янада ривожлантириш бўйича белгиланган чораларни кўриш келишиб олинди.
Учрашув давомида давлатимиз раҳбари томонидан кенгайтирилган видеоселектор йиғилишида белгиланган топшириқлар ижросини таъминлаш ва 2024 йилда амалга оширилиши режалаштирилган масалалар муҳокама қилиниб, ҳамкорликда иш олиб бориш, IT соҳаси вакиллари билан шу тарзда учрашувларни ташкил этиш белгилаб олинди.
Тадбирда вилоят ҳокимининг рақамлаштириш бўйича маслаҳатчиси Б.Ахунбабаев, туман ҳокими Ш. Мусаев, тегишли масъуллар иштирок этишди.
Уйчи туманидаги 24-мактабда Даҳиякота МФЙ фаоллари иштирокида “Янги ҳаёт учун, янги Ўзбекистон учун!” шиори остида “Ватан остонадан бошланади” номли тарғибот тадири ташкил этилди.
Дастлаб, ёшларда ватанпарварлик ҳиссини ошириш мақсадида “Ватанпарварлик - олий фазилат” номли ижтимоий ролик намойиш этилди, ижодкор Шокиржон Бойхоновнинг ватанни, инсонни улуғловчи шеърлари тингланди.
Республика Маънавият ва маърифат маркази туман бўлинмаси раҳбари Э.Юнусова туманнинг бой тарихи, бетакрор қадриятлари ҳамда ноёб маданий мерослари ҳақида гапириб, Янги Ўзбекистонни бунёд этиш йўлида амалга оширилаётган кенг кўламли ислоҳотлар ва эришилаётган ютуқларни эътироф қилди.
Тадбирда сўз олган Даҳиякота масжиди имоми К.Отамирзаев, мактаб директори раҳбари С.Нуриддиновлар ёшларни Ватанга содиқ фарзанд этиб тарбиялаш, халқимиз тинчлиги йўлида армиямиз барчамизнинг таянчимиз эканлигини таъкидлашди. Тезкор савол-жавоб ўйини ғолибларига янги китоблар совға қилинди.
Уйчи туман мактабгача ва мактаб таълими бўлими, 40-айрим фанлар чуқурлаштириб ўқитиладиган мактаб ҳамкорлигида "Иқтидор олимпиадаси" ўтказилди.
Олимпиада ташкилотчиси 40-ихтисослаштирилган математика мактаби ҳисобланади. Олимпиада туманда таълимни ривожлантириш ва ўқувчиларни илмга бўлган қизиқишларини қўллаб-қувватлашни мақсад қилган.
Мазкур олимпиада 2020 йилдан буён ўтказиб келинмоқда. Бугунги ўтказилган “Иқтидор олимпиадаси”нинг кичик юбилейи - 3 йиллиги нишонланди. Танловда тумандаги 46 та мактабдан 350 нафар ўқувчи иштирок этди.
"Иқтидор олимпиадаси" ҳақида. Мазкур олимпиада 4-8-синфлар ўртасида математика-инглиз тили-она тили (аниқ фанлар мажмуаси) фанларидан иборат ягона блокли тест (очиқ саволли топшириқлар ҳам мавжуд) синови ва биология-кимё-она тили (табиий фанлар мажмуаси) фанларидан иборат блокли тест синовлари асосида ўтказилади.
Олимпиада мактаб босқичида ўтказилиб, ғолиблар туман босқичига талабнома (2024 йилдан бошлаб маҳсус телеграмм ботт орқали) асосида рўйхатдан ўтган. Бунда бир мактабдан 4-синфлардан 3 нафаргача, 5-8-синфларда бир йўналишда 1 нафардан ўқувчи қатнашди. 8-синфларда олимпиада 2 йўналишда, аниқ ва табиий фанлар йўналишида ўтказилди.
Олимпида якунида ғолибларга туман мактабгача ва мактаб таълими бўлимининг махсус дипломи ва ташкилотчиларнинг махсус сертификати (туман “Мезон” ўқув марказига қабул жараёнида 100 баллик устуворлик беради) тақдим этилди.
Уйчи тумани Зиёкор МФЙ раиси Т.Мавлонов, хотин-қизлар фаоли И.Қаҳҳорова, маҳалла бешлиги ҳамкорлигида Вазирлар Маҳкамасининг 145-сонли қарорига асосан “Жасорат” кўчасида хатлов ишларини олиб боришмоқда.
Хонадон гигиенаси, тозалиги, ҳовлиларни ободонлаштириш ишлари ҳам эътиборда бўлмоқда. Шаръий никоҳ, ажрим ёқасига келиб қолган оилалар, хорижга кетган фуқаролар оилалари ҳам ўрганилмоқда. Кексалар, ногиронлиги бор, ётиб қолганлар, қарамоғида ногиронлиги бор фуқаролар ва кам таъминланган оилалардан 45 нафарининг ҳолидан хабар олинди. Кўмак тариқасида гўшт ва нон маҳсулотлари тарқатилди. Тадбиркорликни ривожлантириш мақсадида “Порлоқ келажак” кўчасида яшовчи фуқарога хусусий болалар боғчаси очишига кўмаклашилмоқда.
Уйчи туман маданият марказида аҳоли ва ёшларнинг бўш вақтини мазмунли ташкил этиш мақсадида "Кўнглим сизлар билан" номли маданий-мусиқий дам олиш концерт дастури бўлиб ўтди.
"Тарона" ашула ва рақс халқ ансамбли хонандалари маданий хизмат кўрсатишди.
Тадбир 2023 йил 22 декабрда муҳтарам Президентимиз раҳбарлигида ўтказилган маънавият кенгаши йиғилишида берилган топшириқлар ижросини таъминлаш мақсадида ташкил этилди.
