Сўнгги янгиликлар
ОРОМГОҲ БОЛАЛАРНИ ЧОРЛАЙДИ
ТАБИАТГА МЕҲР БОЛАЛИКДАН УЙҒОНАДИ
УЧ АВЛОД УЧРАШУВИ
ЎҚУВ-СЕМИНАР
Янгиликлар
ДАРОМАДГА КИРГАН ФУҚАРОЛАР
Уйчи тумани 1-сектор ҳудудидаги Хизиробод МФЙ “Чорвадор” кўчасида истиқомат қилувчи Раҳимжон Ғиёсов хонадонидаги 3 сотихли экин майдонида қилган иссиқхонасидан йилига уч мартагача ҳосил олади. Айни вақтда иссиқхонада болгар қаламири, помидор, редиска кўчати етиштириляпти.
-Хонадон эгалари 60 минг туп кўчат тайёрлашни мўнжаллашган,-дейди МФЙ ҳоким ёрдамчиси Отабек Муродов.- Бу ишлар билан оилада уч киши банд. Кўчатлар февраль ойи охирига тайёр бўлади. Оилавий даромад 30 миллион сўмдан ортмоқда.
“Аёллар дафтари”га киритилган Мунира Аҳмедовага МФЙ хотин-қизлар фаоли Марғуба Абдураҳмонова кўмагида субсидия асосида тикув машинаси берилди. Энди у уйда туриб даромад олиш имконига эга. 4 нафар шогирди ҳам бор.
Шу кунларда маҳалла бешлиги томонидан хатлов жараёни уюшқоқликда ташкил қилиниб, “Аёллар дафтари”нинг бешинчи босқичи шакллантирилмоқда.
Адир ҳудудида яшовчи аҳолининг кишки мавсумда ҳолидан хабар олинди. Ноқулай вазиятларда хабар беришлари учун профилактика инспекторининг визиткалари тарқатилди. Хонадон гигиенаси, тозалов ва ободонлаштириш ишлари, ёшлар тарбияси ва билим олишлари масалаларида суҳбатлашилди. Оилавий ва бошқа масалаларда долзарб муаммолар аниқланмади.
Уйчи тумани 1-сектор биносида вилоят ҳокимининг ўринбосари Динара Якубованинг сайёр қабули бўлиб ўтди.
Мутасадди ташкилотлар раҳбарлари, хотин-қизлар фаоллари иштирокидаги қабул давомида хотин-қизларнинг мурожаатлари тингланди ва тегишли тартибда назоратга олинди.
ТИЛ ЎРГАНАЁТГАН БОЛАЖОНЛАР
Уйчи туманидаги 8-ДМТТ рус тили фани ўқитувчиси Дилдора Темирова бир неча йилдирки, мазкур муассасада фаолият олиб боради.
У интилиши, изланиши, тиришқоқлиги боис НамДУ талабаси бўлди. Дилдорахон ўқиш билан бирга фаолиятини мазкур муассасада давом эттирмоқда. Тарбияланувчилар устозлари ўргатган турли хил мавзудаги сўзлар, шеър, ҳатто қўшиқ ва рақсларни маҳорат билан ижро этишмоқда. Мана у 10 йилдан бери болаларга рус тилидан курс очиб, тил ўргатмоқда. Муассасани тугатган болажонлар таълим рус тилида олиб бориладиган 6-мактаб ўқувчисига айланишмоқда. Бундан ота-оналар, ҳаттоки бобо- бувижонлар беҳад мамнун.
Тарбиячи Феруза Сатторова ҳам болажонларни ватанпарварлик руҳида тарбиялаб келмоқда. Болажонларга мазали таом, турли хил салатларни етказиб бераётган бош ошпаз Муҳтарам Мамадалиева, ёрдамчи ошпазлар Нилуфар Ортиқова, Манзура Сатторова, жажжилар саломатлигига масъул ҳамшира Муҳайёхон Эрназаровалар фидойилик кўрсатиб ишлашмоқда.
Ushbu Qonunda quyidagi asosiy tushunchalar qo‘llaniladi:
aholini ro‘yxatga olish — O‘zbekiston Respublikasining butun hududida yoki uning muayyan hududlarida o‘tkaziladigan, belgilangan sanada aholining demografik va ijtimoiy-iqtisodiy tavsiflarini belgilovchi shaxsga doir ma’lumotlarni yig‘ish hamda ularga ishlov berish davriy jarayoni;
aholini ro‘yxatga olish sanasi — aholi to‘g‘risidagi ma’lumotlarni yig‘ish va hisobga olish amalga oshiriladigan aniq payt (yil, oy, kun va soat);
respondentlar — aholini ro‘yxatga olish sanasida O‘zbekiston Respublikasi hududida bo‘lgan O‘zbekiston Respublikasi fuqarolari, chet el fuqarolari va fuqaroligi bo‘lmagan shaxslar, O‘zbekiston Respublikasida doimiy yashovchi, lekin aholini ro‘yxatga olish sanasida uning hududidan tashqarida bo‘lgan O‘zbekiston Respublikasi fuqarolari;
ro‘yxatga olish varag‘i — ko‘rsatilgan savollar bo‘yicha shaxsga doir ma’lumotlarni yozib olish uchun belgilangan shakldagi blanka;
ro‘yxatga olish hujjatlari — aholini ro‘yxatga olishga tayyorgarlik ko‘rish va uni o‘tkazish jarayoniga taalluqli hujjatlar majmui;
ro‘yxatga oluvchi xodimlar — O‘zbekiston Respublikasining aholini ro‘yxatga olishga tayyorgarlik ko‘rishga va uni o‘tkazishga jalb etilgan, maxsus o‘quvdan o‘tgan voyaga yetgan fuqarolari;
uy xo‘jaligi — bitta turar joyda yoki uning bir qismida birgalikda yashaydigan, o‘zini yashash uchun barcha zarur narsalar bilan ta’minlaydigan, umumiy xo‘jalik yuritadigan, pul mablag‘larini to‘liq yoki qisman birlashtiradigan va sarflaydigan shaxslar yig‘indisi. Bu shaxslar qarindoshlik munosabatlarida bo‘lishi yoki bo‘lmasligi mumkin. Uy xo‘jaligi bitta shaxsdan iborat bo‘lishi mumkin.
Aholini ro‘yxatga olishning asosiy maqsadi
Aholini ro‘yxatga olishning asosiy maqsadi O‘zbekiston Respublikasida aholi tarkibining holati va rivojlanish dinamikasi haqida mamlakatni sotsial-iqtisodiy va ijtimoiy-siyosiy rivojlantirish sohasidagi davlat siyosatining ustuvor yo‘nalishlarini belgilash va amalga oshirish uchun zarur bo‘lgan ishonchli va xolis axborotni olishdan iboratdir.
Aholini ro‘yxatga olishning asosiy vazifalari
Aholini ro‘yxatga olishning asosiy vazifalari quyidagilardan iborat:
aholining sog‘lig‘ini mustahkamlash, xotin-qizlar va bolalar yashash shart-sharoitlarini yaxshilash, oilalarga yordam ko‘rsatish bo‘yicha choralarni ishlab chiqish maqsadida aholi tarkibidagi, mamlakatning demografik vaziyatdagi o‘zgarishlarni baholashga doir ma’lumotlar bazasini kengaytirish;
shaharlarni va boshqa aholi punktlarini ijtimoiy-iqtisodiy rivojlantirishning, mehnat resurslarini joylashtirish hamda ulardan foydalanishning uzoq, o‘rta va qisqa muddatli prognozlari hamda dasturlarini tayyorlash;
aholini ro‘yxatga olishlar oralig‘idagi davrda aholi soni va tarkibining joriy hisobini, hisob-kitoblarini hamda prognozlarini amalga oshirish;
ijtimoiy-iqtisodiy rivojlantirish masalalari bo‘yicha ilmiy tadqiqotlarni o‘tkazish.
Aholini ro‘yxatga olishning asosiy prinsiplari
Aholini ro‘yxatga olishning asosiy prinsiplari quyidagilardan iborat:
davriylik;
umumiylik va bir paytdalik;
ro‘yxatga olishning yakka tartibdaligi;
shaxsga doir ma’lumotlarning maxfiyligi;
aholini ro‘yxatga olishni boshqarishning markazlashtirilganligi.
Davriylik prinsipi
Aholini ro‘yxatga olish o‘n yilda kamida bir marta o‘tkaziladi.
Aholini ro‘yxatga olishni o‘tkazish to‘g‘risidagi qaror sanasi va muddati ko‘rsatilgan holda O‘zbekiston Respublikasi Prezidenti tomonidan qabul qilinadi. Aholini ro‘yxatga olishni o‘tkazish to‘g‘risidagi taklif O‘zbekiston Respublikasi Vazirlar Mahkamasi tomonidan, qoida tariqasida, ro‘yxatga olishni o‘tkazish mo‘ljallangan sanadan kamida uch yil oldin kiritiladi.
Umumiylik va bir paytdalik prinsipi
Aholini ro‘yxatga olishning yagona belgilangan sanasida shaxsga doir ma’lumotlarni barcha respondentlardan yig‘ish O‘zbekiston Respublikasining butun hududida yoki uning muayyan hududlarida bir paytning o‘zida amalga oshiriladi.