Янгиликлар

27.01.2025

Фақат битта яхши нарса бор - билим. Фақат битта ёмонлик бор - жаҳолат. Уйчи туманидаги 35-мактабда ёшлар тарбиясига қаратилган тарғибот тадбири ўтказилди.

“Нуроний” жамғармаси туман бўлими раиси Т.Исматиллаев, туман бош имом хатиби О.Исоқов, Республика маънавият ва маърифат маркази туман бўлинмаси бош мутахассиси Д.Абдиқахаров, маърифат тарғиботчилари М.Юлдашев, А.Нажмиддиновлар халқимиз , айниқса, ёшларни одоб-ахлоқи, илм-маърифатга чорлаш бўйича маърузалар қилишди.

Шунингдек Ўзбекистон Республикаси Президентининг "2025 йилда республика маҳаллаларида хавфсиз ҳудудни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги 1-сонли қарори мазмун-моҳияти тушунтирилди.

Вилоятдаги бунёдкорлик ишларини ўзида акс этган “Бугунги Наманган” номли видеолавҳа намойиш этилди. Мактаб директори И.Эгамбердиев мактаб- маҳалла- оила ҳамкорлиги бўйича ўз фикрларини билдирди.

27.01.2025

Мазкур муассаса ташкил топганига олти йил бўлиб, мослаштирилган бинода фаолият олиб бораётган эди. Кейинги вақтда бино яроқсиз ҳолга келиб қолганлиги сабабли муассаса фаолияти вақтинча тўхтатилган эди. Аҳоли талаб-истакларидан келиб чиқиб, муассаса учун  4,5 млрд. сўм маблағ эвазига "Kelajak mega stroy" МЧЖ томонидан 120 ўринли янги бино қуриб, битказилди.

Бугун муассасанинг тантанали очилиш маросими бўлиб ўтди. Унда вилоят прокурори У.Мадрахимов иштирок этиб, халқимиз розилиги йўлида амалга оширилаётган бу каби бунёдкорликлар келажагимиз эгалари бўлган ёшларга эътиборнинг ёрқин намунаси эканлигини таъкидлади.

Меҳмонлар ва фахрийлар иштирокида рамзий лента қирқилиб, муассасада яратилган шарт-шароитлар билан танишилди.

27.01.2025

Aholini roʻyxatga olish belgilangan aniq paytda (aholini roʻyxatga olish sanasi) oʻtkaziladi. Respondentlarning shaxsga doir maʼlumotlarini yigʻishda roʻyxatga olish sanasidan keyin sodir boʻlgan demografik holatlar hisobga olinmaydi. Bunda vafot etgan shaxs toʻgʻrisidagi maʼlumotlar uning voyaga yetgan, muomala layoqatiga ega oila aʼzolari yoki fuqarolarning oʻzini-oʻzi boshqarish organlaridagi mavjud maʼlumotlar asosida toʻldiriladi.Aholini roʻyxatga olish jarayonlarida shaxsga doir maʼlumotlarni yigʻish:axborot-kommunikatsiya texnologiyalaridan keng foydalangan (Internet jahon axborot tarmogʻi orqali va planshet qurilmalari yordamida) hamda axborot xavfsizligi talablarini taʼminlagan holda amalga oshiriladi;respondentlar yashaydigan (vaqtincha boʻlib turgan) turar joy va noturar joylarga, binolarga tashrif buyurgan holda uyma-uy yurib soʻrov oʻtkazish orqali amalga oshiriladi. Roʻyxatga olish varagʻi shakllari roʻyxatga oluvchi xodimlar tomonidan planshet qurilmalari yordamida respondentlarning soʻzlari asosida toʻldiriladi;aholini roʻyxatga olishni oʻtkazish davrida yashash (turgan) joyida hozir boʻlmagan yoki voyaga yetmagan shaxslar (respondentlar) toʻgʻrisidagi shaxsga doir maʼlumotlar mazkur uy xoʻjaligining voyaga yetgan aʼzolari tomonidan maʼlum qilinadi. Oʻziga nisbatan vasiylik yoki homiylik belgilangan shaxslar toʻgʻrisidagi shaxsga doir maʼlumotlar ularning vasiylari yoxud homiylari tomonidan maʼlum qilinadi

25.01.2025

Уйчи туманидаги  16-мактабнинг бошланғич синф ўқитувчиси Зуҳра Дадабоева томонидан 1-"Д" синф соатида "Менинг маҳаллам" мавзусида очиқ дарс ташкил этилди.

Очиқ дарсда мактаб директори Ҳалимжон Муродов,  касаба уюшма қўмитаси раиси Иномжон Аҳмедов иштирок этишди. Синф ўқувчилари дарс давомида жуда катта қизиқиш билан фаол қатнашдилар. Ўқитувчи жараён давомида замонавий педагогик технологиялардан фойдаланган ҳолда мавзуни очиб берди.

Ўтилган очиқ дарсда ўқувчиларнинг билимини янада оширувчи, хотирасини мустаҳкамлайдиган ноанъанавий таълим методларидан фойдаланилди.

Умиджон СУЛТОНОВ

25.01.2025

O'zLiDeP Уйчи туман кенгаши “Аёллар қаноти” ташаббуси билан туман маданият марказида “Аёл – юксак маънавият соҳибаси!” лойиҳаси доирасида давра суҳбати ўтказилди. Унда O’zLiDeP туман кенгаши аппарат раҳбари С.Бозорбаева, Республика маънавият ва маърифат маркази туман бўлинмаси бошлиғи Э.Юнусова, туман Кенгашига O’zLiDePдан сайланган депутат Г.Ҳакимовалар сўзга чиқиб, хотин-қизларнинг жамиятдаги ўрни ва миллий қадриятларни тарғиб қилишда маърифатли аёллар салоҳияти, уларнинг ҳуқуқий ва маданий саводхонлигини оширишда жамоат ташкилотлари билан ҳамкорликдаги фаолияти ҳақида мулоҳазалар билдирилди. Туманда узоқ йиллар фаолият олиб борган ҳамда партия ишларида фаол иштирок этаётган маърифатли аёллар эътироф қилиниб, уларга партия томонидан “Ташаккурнома” ва эсдалик совғалари тақдим этилди.