Янгиликлар

25.02.2022

Давлат хизматини ривожлантириш агентлиги томонидан навбатдаги онлайн шаклда "Сиёсий (маърифат) соати" бўлиб ўтди.

Мазкур ўқувда спикерлар ижтимоий-иқтисодий, сиёсий-ҳуқуқий ва давлат бошқаруви соҳаларида амалга оширилаётган ислоҳотлар ва қабул қилинаётган норматив-ҳуқуқий ҳужжатларнинг мазмун-моҳияти ҳамда аҳамияти ҳақида тушунчалар беришди.

25.02.2022

Давлат солиқ хизмати органларида жисмоний ва юридик шахсларнинг мурожаати билан ишлашга ҳам алоҳида эътибор қаратилмоқда. Ҳалол тадбиркорлик учун шаффоф ва қулай шарт-шароитлар яратиляпти. Ҳар бир арз замирида инсон муаммолари, тадбиркорлар фаолиятига халал бераётган ҳолатлар бўйича мурожаатлар вақтида кўриб чиқилмоқда, ҳал этилмоқда. Шаффофликни таъминлаш мақсадида мурожаатчининг “шахсий кабинет” орқали электрон кўринишда юборган аризасининг ижро холатини кузатиб бориш имконияти яратилган. Шунинг баробарида давлат солиқ хизмати идораларида “Солиқчи тадбиркорга кўмакчи” тизими доирасида ишлар амалга оширилмоқда. Солиқ тўловчиларга янада қулайликлар яратиш мақсадида мазкур хизматларнинг мобиль версиялари ҳам ишга туширилган бўлиб, пандемия даврида 20 га яқин хизматлардан таркиб топган SOLIQ мобиль иловаси ҳуқуқбузарликлар юзасидан жамоатчилик назорати ўрнатиш мақсадида эса, Soliq hamkor ахборот тизими ишлаб чиқилди. Шунингдек, жорий йил давлат солиқ хизмати органлари электрон хизматлари сифатини яхшилаш мақсадида my.soliq.uz порталининг янгиланган қўшимча хизматларга эга бўлган версияси ишга туширилди. Бунинг натижасида солиқ тўловчи ва солиқ органи ўртасида бевосита мулоқотлар камайиши ва солиқ органларининг янада очиқлиги ҳамда шаффофлиги таъминланишига эришилади.

Юқоридагиларни инобатга олиб юртимизда тадбиркорликни қўллаб-қувватлашга алохида эътибор қаратилаётганини эътироф этиш жоиз, шунга асосан туманда фаолият юритаётган ёки айрим сабабларга кўра фаолиятини тўхтатган тадбиркорлик субъектларини қийнаётган муаммолари мавжуд бўлса Уйчи туман давлат солиқ инспекцияси “Тадбиркорликни қўллаб-қувватлаш” бўлимига мурожаат этишингизни билдириб ўтамиз.

24.02.2022

26- maktabda "Yangi O'zbekistonda ta'lim-tarbiya - zamon bilan hamnafas" mavzusida viloyat miqyosida o'quv -amaliy seminar bo'lib o'tdi.

Seminarda 11 soat ochiq dars va trening mashg'ulotlari bo'ldi. Barcha o'tilgan ochiq darslar viloyat va 3 nafar malakali pedagoglar respublika miqyosida ommalshtirish uchun tavsiya etildi.

Seminarda viloyatimizdagi barcha tumanlardan tajribali boshlang‘ich sinf o‘qituvchilardan tarkib topgan 100 nafardan ortiq pedagog qatnashdi.

24.02.2022

Уйчида “Аҳил оила ва профилактика куни” муносабати билан ажрим ёқасида турган оилалар, ҳуқуқбузарлик ва жиноят содир этишга мойиллиги бўлган хотин-қизлар, нотинч оилалар рўйхатига олинган оилалар билан ўрганиш ишлари олиб борилди.

Уйчи туманида туман хотин-қизлар жамоатчилик кенгашининг фаолиятини мувофиқлаштириш мақсадида прокураryра, адлия ва ички ишлар бўлимлари, бошқа манфаатдор идора ва ташкилотлар билан ҳамкорликда хотин-қизларнинг ҳуқуқий маданиятини юксалтириш буйича манзилли ишлар, маҳаллаларда "Ҳуқуқий ахборот куни" тадбирлари тизимли ташкил этилмода. Жойларда хотин-қизлар ҳуқубузарлиги, жиноятининг олдини олиш мақсадида “Меҳнат ярмаркаси”, семинар-тренинг, тарғибот, тушунтириш тадбирлари ўтказилмоқда.

Туман ҳокимининг ўринбосари, маҳалла ва оилани қўллаб-қувватлаш туман бўлими бошлиғи И.Валиханов, туман адлия бўлими бошлиғининг ўринбосари Б.Қодиров, туман ФҲДЁ бўлими мудири Н.Досбаева, туман ИИБ бошлиғининг ўринбосари А.Худойбердиев, МФЙ раислари, хотин-қизлар масалалари бўйича ўринбосарлар, отинойилар, имом хатиблар, фаоллар иштирокида жиноят содир этган, мойиллиги бўлган хотин-қизлар билан якка тартибда суҳбат ўтказиш орқаси сайёр қабул ташкил этилди. Тадбир давомида туман ҳокимининг хотин-қизлар масалалари бўйича маслаҳатчиси Ҳ.Бозарова ва туман комиссияси томонидан йигирмадан ортиқ ажрим ёқасидаги оилаларни яраштириш чоралари кўрилди.

Маҳаллаларда оилавий ажримларнинг олдини олишда отинойи ва имом хатибларнинг ўрни, ёшларни ҳаётга тайёрлаш, уйма-уй юриб, қайнона-келин, қайнота ўғил, эр-хотин муносабатлари, оила мустаҳкамлиги бўйича келгусидаги вазифалар белгилаб олинди.

24.02.2022

41- мактабда “Шеъриятга ошнолик шараф” адабий-мусиқий кеча бўлиб ўтди.

Кеча вилоятимиз ва туманимизнинг таниқли ижодкорлари - “Усмон Носир” нашриёти директори, ёзувчи ва шоир Алижон Жўраев-Алижон оға, шоир Шокиржон Бойхоновлар ижодига бағишланди.

Тадбирда иқтидорли ёшлар томонидан Алишер оға ҳамда Шокир Бойхон ижодидан намуналар ўқилди. Устазода санъаткор, "Шуҳрат" медали соҳиби Комилжон Нематов, умидли ёш эстрада хонандаси Маъруфжон Нишановлар томонидан куйланган қўшиқлар кечага кўтаринки руҳ бахш этди. Ёшларнинг билим кўникмаларини янада ошириш мақсадида кеча савол-жавоб тарзида ўтказилиб, фаол иштирокчилар муаллифлар ва фаоллар томонидан турли номдаги китоблар билан тақдирландилар.