Янгиликлар

12.03.2022

Мусобақа туман Фавқулодда вазиятлар бўлими, туман ҳокимлиги, туман ХТБ, туман Қизил Ярим Ой жамияти, Ёшлар агентлиги, туман тиббиёт бирлашмаси тасарруфидаги тез тиббий ёрдам маркази ҳамда туман маданият бўлими ходимларини жалб қилган ҳолда Ўзбекистон Республикаси Вазирлар Маҳкамасининг 2011 йил 19 июлдаги “Аҳолини зилзилалар оқибатида юзага келган фавқулодда вазиятларда (табиий ва техноген хусусиятли) ҳаракат қилишга тайёрлаш комплекс дастурини тасдиқлаш тўғрисида”ги 208-сонли қарорида белгиланган вазифалар ижросини таъминлаш, ёшларни ҳарбий ватанпарварлик руҳида тарбиялаш, уларда фуқаро муҳофазасига оид билим, малака, кўникмаларни шакллантириш, фавқулодда вазият юз берганда тўғри ҳаракат қилиш, ўзи ҳамда ўзгаларга ёрдам бериш, қутқарувчи касбига меҳр уйғотиш мақсадида ташкил этилди.

45-мактабда ҳудудий босқич мусобақаларида ғолиб деб топилган 12 та “Ёш қутқарувчи” кўнгиллилар клублари баҳслашдилар.

Мусобақада 45- мактабнинг “Халоскорлар” жамоаси 1-ўринни эгаллаб, вилоят босқичига йўлланма олди. Шунингдек, 2-ўринни 22- мактабнинг “Барс” жамоаси, 3-ўринни 27- мактабнинг “Қалқон” жамоалари эгаллашди. Тадбир ғолибларига фахрий ёрлиқ, эсдалик совғалари топширилди.

О.Болтабоев,Уйчи туман Фавқулодда вазиятлар бўлими ФВДТ ва ФМ ФТЭХТБ бошлиғи,капитан.

10.03.2022

Davlatimiz rahbari tomonidan “Aholini ro'yxatga olish to’g’risida”gi O’zbekiston Respublikasining Qonuni imzolangan. Mazkur Qonun, aholini ro’yxatga olish sohasidagi munosabatlarni har tomonlama tartibga soluvchi ilk bor qabul qilingan huquqiy hujjat sifatida O’zbekiston tarixidan o’rin oldi. Chunki shu vaqtgacha bu sohada qonunchiligimizda hech qanday hujjat yo’q edi. Qonun, O’zbekiston Respublikasi Prezidentining 2019-yil 5-fevraldagi “O’zbekiston Respublikasida aholini ro’yxatga olishni o’tkazish Kontseptsiyasini tasdiqlash to’g’risida”gi PF5655-son Farmoniga muvofiq ishlab chiqildi. Qonunni ishlab chiqishda, Birlashgan Millatlar Tashkiloti va Yevropa statistiklari konferentsiyasining aholini ro’yxatga olishni o’tkazish bo’yicha asosiy tamoyillari va tavsiyalaridan asos sifatida foydalanildi.  Qonun beshta bob va o’ttiz bir moddadan iborat bo’lib, unda qonunning maqsadi, asosiy tushunchalar, aholini ro’yxatga olishning vazifalari va printsiplari yoritib berilgan. Asosiy printsiplardan biri sifatida davriylik printsipi, ya’ni aholini ro’yxatga olish o’n yilda kamida bir marta o'tkazilishi hamda aholini ro’yxatga olishni o’tkazish to’g’risidagi qaror, O’zbekiston Respublikasi Prezidenti tomonidan qabul qilinishi belgilab qo’yilgan. Aholini ro’yxatga olish jarayonida, shaxsga doir ma'lumotlar Vazirlar Mahkamasi tomonidan tasdiqlanadigan ro’yxatga olish varaqlari asosida har bir respondent uchun yakka tartibda to’ldiriladi, ya’ni ro’yxatga oluvchi shaxslar tomonidan uymauy yurib, har bir respondent uchun alohida to’ldiriladi.

09.03.2022

Бугунги кунда ҳар бир маҳаллада ёшлар етакчилари ўз фаолиятини бошлади. Улар ёшларни ўз ортларидан етаклаб, ижтимоий-маънавий муҳитни соғломлаштириш, спорт ва санъат билан шуғулланишларига кенг имкониятлар яратиш, бандлигини таъминлаш, бўш вақтларини мазмунли ўтказишлари учун барча имкониятлар яратиб берилмоқда.

Бугун туман ҳокимлигида ёшлар етакчиларига замонавий планшетлар топширилди. Шу билан бирга, бир неча ёшлар вакилларига бандлигини таъминлаш мақсадида сертификатлар тақдим қилинди.

09.03.2022

Аҳоли бандилигини таъминлаш, уларда тадбиркорлик кўникмаларини шакллантиришда маҳаллаларда иш олиб бораётган туман ҳокимининг ёрдамчилари фаолияти ҳам алоҳида эътиборга лойиқ.

Бугун туман ҳокимининг ёрдамчилари олдида турган навбатдаги вазифалар янада долзарб. Фаолиятни янада яхшилаш учун қандай ишлар қилиниши зарур?

Маҳалла ва оилани қўллаб-қувватлаш туман бўлими бошлиғининг ўринбосари Тоҳиржон Исматиллаев, туман бош имом хатиби Олимхон Исақовлар туман ҳокиминингг ёрдамчиларига фаолиятларида муваффақиятлар тилаб, эзгу тилаклар билдиришди.

09.03.2022

Ўзбекистон Республикаси Президентининг 2022 йил 2 февралдаги "Маданият ва санъат соҳасини янада ривожлантиришга доир қўшимча чора-тадбирлар тўғрисида"ги ПҚ-112-сонли қарори ижросини таъмилаш мақсадида, вилоятдаги таниқли санъаткор, сўз усталари, ёш истеъдодлар иштирокида 8-март "Халқаро хотин-қизлар байрами" муносабати билан жорий йилнинг 1-7 март кунлари 7 кун давомида вилоятнинг барча шаҳар ва туманларида "Байрамингиз муборак азиз аёллар" деб номланган концерт дастури намойиш этилди.