Янгиликлар

24.03.2022

Аҳолининг айрим тоифаларини рўйхатга олишнинг хусусиятлари:- чақирув асосида ҳарбий хизматни ўтаётган ҳарбий хизматчилар, шунингдек, ёпиқ ҳудудларда шартнома бўйича ҳарбий хизматни ўтаётган ҳарбий хизматчилар ва уларнинг оила аъзолари Мудофаа вазирлиги ва бошқа қуролли кучларнинг ёпиқ ҳудудлари бўйича рўйхатдан ўтадилар. Ёпиқ ҳудудлардан ташқарида ўз шахсий уйида истиқомат қилиб, ҳарбий хизматни ўтаётганлар ва уларнинг оила аъзолари доимий яшаш жойи бўйича рўйхатдан ўтадилар;- озодликдан маҳрум қилиш муассасаларидаги шахслар, жазони ўташ жойи бўйича рўйхатга олинади;- мактаб интернатларида таълим оладиган ва фақат дам олиш кунлари уйларига қайтадиган ўқувчилар ота ёки онасининг доимий яшаш жойи бўйича рўйхатга олинади;- рўйхатга олиш даврида шифохона, санатория ва шу каби бошқа ижтимоий ташкилотларда 1 йилдан ортиқ муддатдан буён даволанаётганлар ушбу ташкилотлар манзили бўйича рўйхатга олинади;- доимий яшаш жойига эга бўлмаган шахслар (уйсизлар) рўйхатга олувчига ажратилган ҳудуд (манзил) бўйича рўйхатга олинади. Агар рўйхатга олувчилар ўз участкасида уйсизларга дуч келса, уларни 4-шакл бўйича рўйхатдан ўтказади ва ҳар бири учун 2-шаклни ҳам тўлдиради;- Ўзбекистон Республикасининг чет элдаги дипломатик ваколатхоналари ва консуллик муассасалари, халқаро ташкилотлар қошидаги Ўзбекистон Республикаси ваколатхоналари ва миссиялари ходимлари бўлган фуқаролар ва уларнинг оила аъзолари, шунингдек, Ўзбекистон Республикаси Ташқи ишлар вазирлиги томонидан халқаро ҳукуматлараро ташкилотлардаги квоталанган лавозимларга юборилган фуқароларни рўйхатга олиш Ўзбекистон Республикаси Ташқи ишлар вазирлиги томонидан амалга оширилади.

22.03.2022

Маҳалла - эзгулик ва саховат маскани ҳамдир. Бугун Уйчи туманидаги “Мезбон” тантаналар мажмуасида Наврўз байрами муносабати билан саховтпеша тадбиркор Орифжон Нуриддинов ташаббуси билан ўн нафар болакайнинг ҳатна тўйи ўтказилди.

Ижтимоий кўмакка муҳтож оилалар фарзандларининг чексиз қувончи, оналарнинг юзидаги табассумни кўриб, қалбингизда шукроналик туйғулари уйғонади.

Шодиёнада туман прокурори Шерзод Раҳимов, туман ДСИ бошлиғи Хондамир Бобоев, туман ҳокимининг ўринбосари Аброр Собиров тўйболаларга эзгу тилаклар билдиришди.

22.03.2022

"Нуронийларни қўллаб-қуватлаш ўн кунлиги" давом этмоқда

Туманимиздаги барча секторларда ўн кунлик доирасида кексаларга алоҳида эҳтиром кўрсатилмоқда.

Уйчи туман ИИБ бошлиғи, 3-сектор раҳбари Фурқат Мирзаев, маҳалла ва нуронийларни қўллаб-қувватлаш туман бўлими бошлиғининг ўринбосари Тоҳиржон Исматиллаев сектор ҳудудидаги фаол нуронийларни йўқлаб, эсдалик совғалари топширдилар.

-Биз сиз каби фахрийларга ҳамиша суянамиз,-деди Фурқат Мирзаев.- Дуолар қилиб, ёнимизда камарбаста бўлиб, барча ишларда, ёшлар тарбиясида бош-қош бўлсаларингиз, ҳамкорликда иш олиб борсак, албатта, мақсадимизга эришамиз.

19.03.2022

угун Уйчи туманида аҳоли учун энг зарур бўлган озиқ-овқат маҳсулотларини назорат қилиш, нархларнинг асоссиз оширилишига йўл қўймаслик мақсадида туман ҳокими Шуҳрат Мусаев ҳамда сектор раҳбарлари бошчилигидаги ишчи гуруҳ туман “Деҳқон бозори”да бўлди.

Бозордаги тадбиркорлар билан ҳам вазият юзасидан суҳбатлашиб, нархларни сунъий равишда оширмасликка, аҳоли учун энг керакли, кўп истеъмол қилинадиган маҳсулотларга мўътадил, ҳамёнбоп нархлар белгилашга келишилди.

Топшириқлар юзасидан тегишли ташкилотлар ва бозор маъмурияти назорат олиб бориши айтиб ўтилди.

19.03.2022

40-мактабда "Уч авлод учрашуви"бўлиб ўтди.

Унда Пастгузар МФЙнинг фаол нуронийлари ёшлар вакиллари билан учрашдилар. 4-сектор раҳбари, туман ДСИ бошлиғи Хондамир Бобоев, маҳалла ва нуронийларни қўллаб-қувватлаш туман бўлими бошлиғининг ўринбосари Тоҳиржон Исматиллаевлар сўзга чиқишди.

Тадбир якунида фахрийларга эсдалик совғалари топширилди.