Сўнгги янгиликлар
ОРОМГОҲ БОЛАЛАРНИ ЧОРЛАЙДИ
ТАБИАТГА МЕҲР БОЛАЛИКДАН УЙҒОНАДИ
УЧ АВЛОД УЧРАШУВИ
ЎҚУВ-СЕМИНАР
Янгиликлар
Бугун мана шундай дилбар, қутлуғ баҳор айёмида сиз, мунис оналаримиз, ҳурматли опа-сингилларимиз, сулув қизларимизни ўзларингиз каби гўзал байрамингиз – Халқаро хотин-қизлар куни билан чин қалбимдан муборакбод этаман.
Бу қутлуғ айёмда ҳурматли аёлларимизга энг самимий, энг эзгу тилакларимизни изҳор этар эканмиз, биринчи навбатда муқаддас ва мўътабар Она сиймосига таъзим қиламиз.
Аёлнинг нафосати ва назокати, вафо ва садоқати, ақл-заковати ва фидойилиги асрлар мобайнида ер юзида ҳаёт давомийлиги ва абадийлигига асос бўлиб келади. Шу боис ҳам дунёдаги энг буюк санъат асарлари, қўшиқ ва қасидалар, меъморий обидалар аёллар шаънига бағишлангандир.
Оила ва жамият устуни, ҳаётимизнинг файзи ва кўрки бўлган хотин-қизларни эъзозлаш, уларга ҳурмат ва эҳтиром кўрсатиш халқимиз учун азал-азалдан буюк қадрият бўлиб келган ва шундай бўлиб қолади. Чунки сизлар билан ҳаётимиз гўзал ва мазмунли, хонадонларимиз обод ва нурафшондир.
Ж.Қосимов, Уйчи туман ҳокимлигининг дин ишлари бўйича бош мутахассиси.
Уйчи туманидаги Қумтепа МФЙда жойлашган “Бегойим текстиль“ МЧЖ 2021 йил 1 июнда ташкил топган. Жамият раҳбари ёш изланувчан тадбиркор Севара Олимова ўз ҳисобидан 700 миллион сўм маблағ сарфлаб, тикувчилик цехи учун алоҳида бино қурди. Ташландиқ ва чуқурликлардан иборат қаровсиз бўлган жойда замонавий бино қад ростлади. 20 та замонавий тикув машиналари олиб келди. 60 нафар хотин-қизнинг доимий бандлигини таъминлади. Улардан 12 нафари “Аёллар дафтари”, 6 нафари “Темир дафтар”, 7 нафари “Ёшлар дафтари”даги фуқаролардир. Цехда 6 хил турдаги аёллар, 3 хил турдаги болалар кийимлари тайёрланмоқда. Шунингдек, болалар учун мактаб формаси ҳам тайёрлаш йўлга қўйилди. Иш икки сменада ташкил қилинган бўлиб, икки маҳал иссиқ овқат ҳам йўлга қўйилган.Тикувчилик цехида “Хуш келдинг баҳор айёми” номли байрам тадбири ташкил қилинди. Унда тикувчилик цехида фаолият кўрсатаётган хотин-қизлар баҳорнинг тансиқ таомлари тайёрлаб, байрам дастурхонига туҳфа қилдилар.Байрам тадбирида Ўзбекистон Республикаси Президентининг Наманган вилоятидаги Халқ қабулхонаси мудири Баҳодир Юсупов, вилоят “Мен ва оилам” жамоат бирлашмаси раҳбари Мавлудахон Абдухалимова, туман ҳокимининг хотин-қизлар масалалари бўйича маслаҳатчиси Ҳамидахон Боззорова, вилоят Кенгаши депутати Маъмура Турғунова, ЎзЛиДеП вилоят кенгаши раиси ўринбосари, аппарат раҳбари Орифжон Маҳмудов, фахрий журналист Комилжон Файзиевлар эзгу тилаклар билдиришди. Бир гуруҳ фаолларга ЎзЛиДеП сафига қабул қилинганлигини ҳақидаги гувоҳномалар, илғорларга эсдалик совғалари топширилди. Ташаббус тадбиркорлар Халимахон Мираҳмедова, Севара Олимоваларга Республика маънавият ва маърифат маркази туман бўлинмасининг “Ташаккурнома”лари тақдим этилди. Таниқли хонандалар Муҳаббат Йўлдошева, Умиджон Қорабоевлар ижросидаги қўшиқлар барчага хушкайфият бағишлади.
✅5-мактабда “Маънавият куни” ўтказилди. Ушбу кун “Беш муҳим ташаббус” доирасида кўргазмалар намойиши билан бошланди. «Оташин шоир, таржимон ва драматург Усмон Носир таваллудининг 110 йиллиги муносабати билан ташкил этилган “ЭРК КУЙЧИСИ ЭЛ ҚАЛБИДА МАНГУ БАРҲАЁТ” мавзусидаги адабий мусиқий кечада шоирнинг ҳаёти ва ижоди тилга олиниб, иқтидорли ёшлар томонидан шеърлар ўқилди, саҳна кўринишлари намойиш этилди.
✅Шунингдек тадбир меҳмонлари - Ўзбекистон Ёзувчилар уюшмаси вилоят бўлими рахбари, шоир, “Эл-юрт ҳурмати” ордени соҳиби Зиёвиддин Мансуров ҳамда шоира Малика Бойханова ижодига атаб ҳам дастурлар намойиш этилди.
✅Синфлар ўртасида миллий ўйинлар, спорт ўйинлари ва миллий таомлар мусобақаси ўтказилди.
✅Якунда Республика Маънавият ва маърифат маркази туман бўлинмаси раҳбари Э.Юнусова, туман ХТБ мудири М.Мўминов, Ровот маданият маркази директори Н.Мамадалиева, шоира М.Бойхановалар томонидан Усмон Носир ижоди эътироф этилиб, тадбир ташкилотчилари ҳамда фаол ўқувчилар муносиб тақдирландилар.
O`zbekiston Respublikasi Konstitutsiyasining 35-moddasida har bir shaxs bevosita o‘zi va boshqalar bilan birgalikda vakolatli davlat organlariga, muassasalariga yoki xalq vakillariga ariza, taklif va shikoyatlar bilan murojaat qilish huquqiga egaligi, arizalar, takliflar va shikoyatlar qonunda belgilangan tartibda va muddatlarda ko‘rib chiqilishi shartligi belgilab qo`yilgan.Shundan kelib chiqib,arizalar, takliflar va shikoyatlar qonunda belgilangan tartibda va muddatlarda ko‘rib chiqilishi shart.2017 yil 11 sentyabrdagi “Jismoniy va yuridik shaxslarning murojaatlari to‘g‘risida”gi Qonunida fuqarolarning murojaat qilish huquqini amalga oshirishlarining tartibi yoritib berilgan. Ushbu Qonun murojaatlar sohasidagi munosabatlarni tartibga soluvchi asosiy normativ-huquqiy hujjat hisoblanadi.Murojaatlar ariza, taklif yoki shikoyat tarzida beriladi.ariza - huquqlarni, erkinliklarni va qonuniy manfaatlarni amalga oshirishda yordam ko‘rsatish to‘g‘risidagi iltimos bayon etilgan murojaat;taklif - davlat va jamiyat faoliyatini takomillashtirishga doir tavsiyalarni o‘z ichiga olgan murojaat;shikoyat - buzilgan huquqlarni, erkinliklarni tiklash va qonuniy manfaatlarni himoya qilish to‘g‘risidagi talab bayon etilgan murojaat.Ariza yoki shikoyat 15 kun ichida, qo‘shimcha o‘rganish, tekshirish, yoki qo‘shimcha hujjatlarni so‘rab olish talab etilgan hollarda bir oygacha muddatda ko‘rib chiqilishi mumkinJismoniy va yuridik shaxslarning murojaatlarini qabul qilish va ko’rib chiqishni qonunga xilof ravishda rad etish, ularni ko’rib chiqish muddatlarini uzrli sabablarsiz buzish, yozma yoxud elektron shaklda javob yubormaslik, jismoniy va yuridik shaxslarning murojaatlari to’g’risidagi qonun hujjatlariga zid qaror qabul qilish, jismoniy va yuridik shaxslarning buzilgan huquqlari tiklanishini, murojaat munosabati bilan qabul qilingan qarorning bajarilishini ta’minlamaganlik, jismoniy shaxslarning shaxsiy hayoti to’g’risidagi yoxud yuridik shaxslarning faoliyati to’g’risidagi ma’lumotlarni ularning roziligisiz oshkor etish, jismoniy va yuridik shaxsni murojaat qilganligi munosabati bilan yoxud bildirilgan fikri va murojaatidagi tanqid uchun ta’qib qilish, shuningdek jismoniy va yuridik shaxslarning murojaatlari to’g’risidagi qonun hujjatlarini boshqacha tarzda buzish qonunga muvofiq javobgarlikka sabab bo’ladi. Usbu Qonunning 29-moddasiga muvofiq quyidagi murojaatlar ko‘rib chiqilmaydi:anonim murojaatlar;jismoniy va yuridik shaxslarning vakillari orqali berilgan murojaatlar, ularning vakolatini tasdiqlovchi hujjatlar mavjud bo‘lmagan taqdirda;mazkur Qonunda belgilangan boshqa talablarga muvofiq bo‘lmagan murojaatlar.Murojaatlar ko‘rmay qoldirilganda tegishli xulosa tuziladi, u davlat organining, tashkilotning rahbari yoki ularning vakolat berilgan mansabdor shaxsi tomonidan tasdiqlanadi.Jismoniy va yuridik shaxs vakilining vakolatini tasdiqlovchi hujjatlar mavjud emasligi sababli murojaatlar ko‘rmay qoldirilganligi to‘g‘risida murojaat qiluvchi tegishli tartibda xabardor qilinadi.Mazkur Qonunga muvofiq ko‘rib chiqish tartibi ma’muriy javobgarlik to‘g‘risidagi, fuqarolik protsessual, jinoyat-protsessual, jinoyat-ijroiya, iqtisodiy protsessual qonunchilik va boshqa qonun hujjatlari bilan belgilangan murojaatlarga,davlat organlarining, shuningdek ular tarkibiy bo‘linmalarining o‘zaro yozishmalariga nisbatan tatbiq etilmaydi. Bugungi kunga kelib, “Xalq davlat organlariga emas, davlat organlari xalqqa xizmat qilishi kerak” degan tamoyil ilgari surilmoqda. Ushbu tamoildan kelib chiqib insonlarni murojaat qilishga bo‘lgan konstitutsiyaviy huquq bilan ta’minlash demokratik jamiyatda oliy qadriyatlardan biri sifatida e`tirof etiladi.
Zuhra Sultonova,Uychi tuman yuridik xizmat ko`rsatish markazi bosh yuriskonsulti.
26-мактаб қошида фаолият юритаётган 1-БЎСМнинг белбоғли кураш тўгарагида бугунги кунда юз нафар ёш маҳоратини ошириб бормоқда.
-Тўгарагимизда асосан 30 ёшгача бўлган ёшлар шуғулланади,-дейди туман белбоғли кураш бўйича бош мураббийи, миллий тоифадаги ҳакам Бахтиёр Турғунпўлатов.- Аммо 70 ёшгача бўлган барча қизиққанларни залимизга таклиф қиламиз. Улар ҳам спорт билан шуғулланишлари учун имкониятларимиз етарли.
Бугун мактабда ўқувчиларнинг анча йиллардан бери орзуси билан белбоғли кураш бўйича алоҳида зал иш бошлади. Бобур Турғунпўлатов мураббийлигида ёшлар маҳоратларини ошириб боришлари учун барча қулайликлар яратилди.
Залнинг очилиш маросимида сўзга чиққан туман ҳокимининг биринчи ўринбосари Дилмурод Нурматов, туман ҳокимининг ўринбосари Аброр Собиров, 4-сектор раҳбари Хондамир Бобаев мазкур зал кўп йиллар ёшларга хизмат қилиши ва чемпионлар чиқишига тилак билдирдилар. Туманда белбоғли кураш спорт турининг ривожланишига қўшаётган ҳиссаси учун Дилмурод Нурматовга Ўзбекистон белбоғли кураш федерациясининг эсдалик совғаси топширилди. Залнинг очилишидаги хизматлари учун 26-мактаб директори Каримжон Болтабоевга алоҳида миннатдорчилик билдирилди.
Неъматилла РАҲИМОВ,“Маҳалла” ХЖФ туман бўлинмаси раиси.
