Янгиликлар

25.07.2022

Уйчи туманининг 1-сектори ҳудудида жойлашган Янгиер МФЙ "Обод қишлоқ" дастури доирасида обод бўлиб бормоқда. Бу ерда айни кунларда кенг кўламда ободонлаштириш ишлари давом этмоқда.

Кўчалар, йўл бўйларини тартибга келтириш, дарахтлар остки қисмини оқлаш, деворларни таъмирлаш, йўлларни тартибга келтириш ишлари уюшқоқликда олиб борилмоқда.

Туман ҳокими, сектор раҳбари Шуҳрат Мусаев бугун мазкур маҳаллада бўлиб, олиб борилаётган ишлар билан танишди ҳамда мутасадди ташкилотлар раҳбарларига навбатдаги вазифаларни белгилаб берди.

25.07.2022

Уйчи туманидаги "Девонабобо" зиёратгоҳида туман ҳокими ва сектор раҳбарлари бошчилигидаюртимиздаги тинчлик ва барқарорлик, тўкин-сочинлик, олиб борилаётган ислоҳотлар бардавом бўлиши, давлатимизнинг изчил ривожланишида бош бўлаётган давлатимиз раҳбари ҳам доимо соғ-саломат бўлишларини Аллоҳдан сўраб, дуои фотиҳа қилинди.

22.07.2022

Уйчи туманидаги Қашқар МФЙда навбатдаги “Ҳоким ва ёшлар” учрашуви бўлиб ўтди.

Туман ҳокими Шуҳрат Мусаев ёшлар вакиллари билан суҳбатлашиб, уларнинг мурожаатлари ва таклифларини тинглади. Тадбир давомида ўндан ортиқ мурожаат келиб тушди.Гулҳаё Умрзақова тикув машинаси, Зуннура Содиқжонова контракт тўловига амалий ёрдам сўраб, Шукрулло Аҳмаджонов “Ёшлар дафтари”га киритиш бўйича мурожаат қилишди.

Учрашув давомида қолган мурожаатлар тегишли тартибда назоратга олинди.

22.07.2022

Давлат хизматини ривожлантириш агентлиги томонидан ташкил этилаётган навбатдаги ўқувда Уйчи туман ҳокимлиги аппарати ходимлари, сектор раҳбарлари, туман ҳокимлигининг бўлимлари бошлиқлари иштирок этишди.

🔰 Бугунги ўқувда иштирокчиларга муҳим ва долзарб мавзулар ҳақида маълумот берилди.

▫️Сиёсий-маърифий соатда спикерлар ижтимоий-иқтисодий, сиёсий-ҳуқуқий ва давлат бошқаруви соҳаларида амалга оширилаётган ислоҳотлар ва қабул қилинаётган норматив-ҳуқуқий ҳужжатларнинг мазмун-моҳияти ҳамда аҳамиятига тўхталиб ўтди.

✅ Мазкур ўқув соати агентликнинг ilm.argos.uz платформаси ҳамда YouTubeдаги(https://youtu.be/AWZZ0edoAYc) расмий саҳифаси орқали берилмоқда.

22.07.2022

Mahallalarda “Payshanba - huquqbuzarliklar profilaktikasi kuni” profilaktik tadbirlari o‘tkazildi

Uychi tumani IIB JXX huquqbuzarliklar proflaktikasi bo‘limi profilaktika inspektorlari tomonidan qizil hudud sanalgan Beruniy mahallasida “xonadonbay” tizimi asosida aholi orasida navbatdagi profilaktik tadbirlar o‘tkazildi.

Bunda, ijtimoiy-maʼnaviy muhit barqarorligini taʼminlash, notinch oilalar muhitini sog‘lomlashtirish, xotin-qizlarga nisbatan tazyiq va zo‘ravonlik hamda ular o‘rtasida huquqbuzarlik, jinoyatchilikning barvaqt oldini olish, ayollarning huquqiy savodxonligini oshirishga doir profilaktik targ‘ibotlar olib borildi.

Tazyiq va zo‘ravonlikka uchragan fuqarolarga “Himoya orderi” rasmiylashtirilib, huquqiy tushunchalar berildi.

Oila-turmush doirasida bilib-bilmay jinoyat ishtirokchisi bo‘lib qolishdan ehtiyotkorlikka chorlanib, firibgarlik, o‘g‘irlik va kiber jinoyatchilik qurboniga aylanib qolmaslik yo‘llari tushuntirildi.