Янгиликлар

02.11.2022

Туман халқ таълим бўлимига қарашли бўлган 8-сонли умумий ўрта таълим мактабининг юқори синф ўқувчилари билан миссионерлик ва прозелитизм зарарли иллат эканлиги, ноқонуний диний ўқишхонлик, ижтимоий тармоқларидан тўғри ва манфаатли фойдаланиш, ўсиб келаётган ёш авлодни маънан етук, жисмоний соғлом этиб тарбиялаш мавзуларида профилактик тадбир ўтказилди.

Шу билан биргаликда ўқувчиларга "Огоҳ бўлинг" номли видеоролик намойиш этилди.

01.11.2022

Уйчи туманидаги Янгиҳаёт МФЙ биносида навбатдаги сайёр қабул ўтказилди.

Қабул давомида Уйчи тумани ҳокими, 1-сектор раҳбари Шуҳрат Мусаев, туман Халқ қабулхонаси мудири Ж.Низамов,, туман ҳокимининг ўринбосарлари, мутасадди ташкилотлар раҳбарлари қатнашиб, мурожаатларни тинглашди.

Аҳолини қийнаётган муаммолар ечими бўйича тавсиялар берилди, айрим мурожаатлар жойида ҳал этилди.

✅Фуқаролар томонидан 8 та турли мазмундаги мурожаат келиб тушди. Ушбу мурожаатларнинг 3 таси жойида ижобий ҳал этилди, 3 нафар фуқаронинг мурожаати юзасидан тушунтириш ишлари берилди. 2 нафар фуқаронинг мурожаати қўшимча ўрганиш талаб қилганлиги боис ижроси назоратга олиниб, мутасадди ташкилотларга йўналтирилди.

01.11.2022

Уйчи туманидаги 16-мактабда ""Ёш китобхон"" танлови бўйича тест ва савол-жавоб тадбири ўтказилди. Мактаб кутубхоначиси Нодира Собирова, мактабнинг ижодий маданий масалалар  бўйича тарғиботчиси Умиджон Султонов, она тили ва адабиёти фани ўқитувчилари ҳамкорлигида ўтказилган танловда  ёшларнинг  билимларини янада мустаҳкамлаш ва амалий кўникмаларини ривожлантириш, иқтидорли ёшларни аниқлаш, жамият ҳаётидаги ижтимоий фаоллигини ошириш, ёшларнинг дунёқараши ва фикрлаш доирасини кенгайтиришга алоҳида эътибор қаратилди.

01.11.2022

✅Уйчи туман ИИБ бошлиғи, 3-сектор раҳбари Фурқат Мирзаев туман Халқ қабулхонаси мудири Ж.Низамов билан биргаликда Соку МФЙда навбатдаги оммавий сайёр қабулни ўтказди.

✅Фуқаролар томонидан 7 та турли мазмундаги мурожаат келиб тушиб, ушбу мурожаатларнинг 2 таси жойида ижобий ҳал этилди, 3 нафар фуқаронинг мурожаати юзасидан тушунтириш ишлари берилди. 2 нафар фуқаронинг мурожаати қўшимча ўрганиш талаб қилганлиги боис мутасадди ташкилотларга йўналтирилди.

31.10.2022

O‘zbekiston prezidenti 2022-yil 28 oktabr kuni «O‘zbekiston Respublikasining Mehnat kodeksini tasdiqlash to‘g‘risida»gi O‘RQ-798 sonli qonunni imzoladi. 1995 yilda qabul qilingan mehnat kodeksidan farqi  , unda majburiy mehnatni taqiqlash, xodimning huquqiy holati yomonlashishiga yo‘l qo‘yilmaslik  prinsip etib belgilangan.

Yangi tahrirdagi Kodeks mart oyida senatorlar tomonidan ma’qullangan .

 Unda yakka tartibdagi mehnatga oid munosabatlar va ular bilan bevosita bog‘liq ijtimoiy munosabatlarni huquqiy tartibga solishning asosiy prinsiplari etib quyidagilar belgilandi:

• mehnat huquqlarining tengligi, mehnat va mashg‘ulotlar sohasida kamsitishni taqiqlash;
• mehnat erkinligi va majburiy mehnatni taqiqlash;
• mehnat sohasidagi ijtimoiy sheriklik;
• mehnat huquqlari ta’minlanishining va mehnat majburiyatlari bajarilishining kafolatlanganligi;
• xodimning huquqiy holati yomonlashishiga yo‘l qo‘yilmasligi.

Shuningdek,yangi tahrirda davlat aholining ijtimoiy ehtiyojmand toifalarini ishga joylashtirish bo‘yicha qo‘shimcha kafolatlarni ta’minlashi belgilab qo`yilgan.

Mazkur toifaga quyidagilar kiradi:

• 14 yoshga to‘lmagan bolalari, nogironligi bo‘lgan bolalari bor yolg‘iz ota-ona, shuningdek ko‘p bolali oilalardagi ota-onalar;
• umumiy o‘rta va o‘rta maxsus ta’lim tashkilotlarini, kasb-hunar maktablari va kollejlari hamda texnikumlarini tamomlab, kasbga ega bo‘lgan yoshlar;
• «Mehribonlik» uylarining bitiruvchilari, shuningdek oliy ta’lim tashkilotlarining davlat grantlari bo‘yicha ta’lim olgan bitiruvchilari;
• Mudofaa, Ichki ishlar, Favqulodda vaziyatlar vazirliklari, Milliy gvardiya, Davlat xavfsizlik xizmati qo‘shinlaridagi muddatli harbiy xizmatdan bo‘shatilgan shaxslar;
• nogironligi bo‘lgan shaxslar;
• pensiyaoldi yoshidagi shaxslar (qonunda belgilangan pensiya yoshiga qadar ikki yil oldin);
• jazoni ijro etish muassasalaridan ozod qilingan shaxslar yoki sudning qaroriga ko‘ra o‘ziga nisbatan tibbiy yo‘sindagi majburlov choralari qo‘llanilgan shaxslar;
• odam savdosidan jabrlanganlar.

Ushbu Qonun rasmiy e’lon qilingan kundan e’tiboran 6 oy o‘tgach kuchga kiradi. Qonun kuchga kirishi bilan uning avvalgi talqini o‘z kuchini yo‘qotadi.

Uychi tuman Adliya bo`limi yuridik

xizmat ko`rsatish markazi bosh yuristkonsulti:                          Z.Sultonova