Янгиликлар

12.09.2023

Uychi tumanidagi “Barkamol avlod” bolalar maktabi tomonidan yangi 2023-2024 o'quv yili boshlangani munosabati bilan "Buyuk kelajakka "Barkamol avlod" shiori ostida musiqali targ'ibot dasturi "Ochiq eshiklar kuni" tadbiri bo'lib o'tdi.

Unga viloyat "Barkamol avlod" bolalar maktabi o'quv ishlari bo'yicha direktor  o'rinbosari N.Ishmuhammedova ishtirok etdi.

2023-2024 o'quv yiliga xonalarning Mustaqillik darsiga tayyorgaligi ko'zdan kechirildi.

Tadbirda ko'rgazmalar yarmarkasi,  konsert dasturi hamda targ'ibot, tashviqot ishlari olib borildi.

Tadbirni o'tkazishdan ko'zlangan maqsad maktabdan tashqari ta'lim samaradorligini oshirish va yangi o'quv yilida munosib faoliyat olib borib, o'quvchi-yoshlarning bo'sh vaqtini maqsadli tashkil etishdan iborat.

Uychi tuman  "Barkamol avlod" bolalar maktabi  axborot xizmati.

08.09.2023

Уйчи тумани пахтазорларида терим авж паллага кирди. Бугун "Илҳомжон Икромжон" фермер хўжалигида терим қизғин давом этмоқда. Туман ҳокими Ш.Мусаев теримчилар билан суҳбатлашди, уларга яратилган шароитларни ўрганди. Туман ҳокими улар билан ёнма-ён теримда қатнашиб, теримчилар ғайратига ғайрат қўшди.

06.09.2023

Уйчи туманидаги  Шарифжон Турғунов раҳбарлик қилаётган "Қумтепа ниҳоли" фермер хўжалигида  ҳам пахта йиғим-терими бошланди. Жорий йилда жамоа аъзолари 41 гектар майдондаги ғўзадан мўл ҳосил олишни ният қилганлар.

Бугун фермер хўжалиги пахтазорларига туман ҳокимининг маслаҳатчиси Т.Исматиллаев, туман бош имом хатиби О.Исақовлар ташриф буюриб, фахрийлар ва фермерлар иштирокида хирмонга барака тилаб, дуолар қилишди.

06.09.2023

Уйчи тумани прокурори, 2-сектор раҳбари А.Тухтасинов ташаббуси билан аҳоли орасида касалликлар профилактикаси ва соғлом турмуш тарзини шакллантириш бўйича бир қатор чора-тадбирлар амалга оширилмоқда.

Хусусан, Исломобод маҳалласи марказида туман тиббиёт бирлашмаси етакчи шифокор мутахассислари иштирокида аҳолининг бепул тиббий кўриги ўтказилди. Бунда оилавий поликлиникаларда рўйхатда турган беморлар, ёши улуғ кексаларга алоҳида эътибор қаратилди. Репродуктив саломатликни муҳофаза қилиш, касалликлар профилактикаси ва соғлом турмуш тарзини шакллантириш бўйича зарур маслаҳатлар берилди.

Бундан ташқари маҳаллада ёши улуғ кексалар хонадонига тиббиёт ходимлари бориб, ўз йўналишлари бўйича ўрганишди, УЗИ, ЭКГ ва бошқа замонавий аппаратлар билан уларни кўрикдан ўтказиб, тиббий маслаҳат, зарур дори-дармон ҳамда шифохонада ётиб даволаниш учун тавсиялар беришди.

05.09.2023

"Bilimlar kuni" bayrami respublikamiz qatori bizning Uychi tumanida ham keng nishonlandi.

Har bir maktabda bugun bilim olishga shoshgan bolajonlar shodligi cheksiz. 37-maktabga ham bu yil 65 nafar birinchi sinfga o‘quvchi yoshlar qabul qilindi. O‘tkazilgan bayram tadbirida tuman hokimi o‘rinbosari Abror Sobirov ishtirok etib, barcha tashrif buyurgan mehmonlar va bolajonlarni bayram bilan tabrikladi. Ilk mustaqillik darsida 11-sinf o‘quvchilari uchun ustozlikni o‘z zimmasiga olgan holda mahorat darsi tashkil etildi.