Янгиликлар

19.12.2023

Семинар Ўзбекистон Республикаси Хотин-қизларнинг жамиятдаги ролини ошириш, гендер тенглиги ва оила масалалари бўйича Республика комиссиясининг 2023 йил 24 ноябрда ўтказган ”Хотин-қизларнинг жамиятдаги ролини ошириш, гендер тенглик ва оила масалалари бўйича республика комиссияси мажлиси”нинг 8-сонли баённомасида маҳалладаги  хотин-қизлар фаоли ишини самарали ташкил этиш  ҳамда хотин-қизлар билан ишлаш масаласида намунавий тизим яратишга бағишланди. Унда барча туманлардан туман ҳокимларининг хотин-қизлар масалалари бўйича ўринбосарлари, Уйчи туманида тузилган 21 нафардан иборат ишчи гуруҳи аъзолари, 56 та МФЙ еттилик раҳбарлари қатнашдилар.

Семинарни туман ҳокими  Ш.Мусаев очди. Вилоят ҳокимининг ўринбосари Д.Якубова маҳалла еттилиги фаолиятини намунавий ташкил этиш бўйича навбатдаги вазифаларни белгилаб берди. Қумтепа, Соку МФЙлари мисолида маҳалла еттилиги фаолияти кўриб чиқилди.

Семинарда Оила ва хотин-қизлар қўмитаси масъул вакили Н.Асқаров иштирок этди.

16.12.2023

Уйчи тумани ҳокими ҳамда сектор раҳбарларининг  навбатдаги  сайёр қабул ўтказилди.

Унда туман ҳокими Ш.Мусаев,  мутасадди ташкилотлар раҳбарлари қатнашдилар.

Ўтказилган сайёр қабулда  фуқаролар ўзларини қизиқтирган саволларга ҳамда ечимини кутаётган муаммоларига бевосита  раҳбарлардан жавоб олдилар.

Сайёр қабулда  кўмир олиш, уй-жой таъмири, тиббиёт,  коммунал соҳа, бандлик, контракт тўлови ва бошқа ҳуқуқий масалалардаги мурожаатлар эшитилди. 15 та мурожаатдан 10 таси жойида ҳал этилди. 5 та мурожаат назоратга олинди.

16.12.2023

Мамлакатимизда сўнгги йилларда тадбиркорлик субъектларига бир қатор имтиёзлар берилди. Уларнинг фаолиятига асоссиз аралашиш ва тўсқинлик қилиш ҳолатларининг олдини олиш учун зарур чора-тадбирлар белгиланди. Бироқ айрим тадбиркорлар томонидан бу имкониятларни суиистеъмол қилиш, савдо ва хизмат кўрсатиш тартибларини бузиш ҳолатлари учрамоқда.

Бугун Уйчи туман ҳокимлигининг мажлислар залида сектор раҳбарлари, туман ҳокимининг ўринбосарлари, савдо, маиший ва бошқа турдаги 100 га яқин тадбиркорлик субъекти, солиқ идораси бошлиқлари, Бош прокуратура қошидаги ИЖҚК департаменти туман бўлими вакиллари иштирокида айни шу мавзуда йиғилиш бўлиб ўтди.

Уни  туман ҳокими Ш.Мусаев очди. Йиғилишда туман прокурори А.Тухтасинов маъруза қилди. У ўз сўзида департамент томонидан ўтказилган тезкор тадбирларда аниқланган қонунбузилиш ҳолатларига тўхталиб, тадбиркорлик субъектларини Президентимиз томонидан яратиб берилган имтиёз ва имкониятлардан тўғри фойдаланиш, ҳалоллик билан фаолият юритиш ҳамда намунали солиқ тўловчи сифатида бюджет тушумларига  ҳисса  қўшишга чақирди.

Йиғилишда таъкидланганидек, солиқ тушумлари бу  нафақа ва пенсия пуллари, иш ҳақи, моддий ёрдам, фарзандларимиз  таълим-тарбиясига сарфланадиган маблағ, бир сўз билан айтганда, мамлакатимиз иқтисодиёти ривожига қўшиладиган ҳисса. Шундай экан, “хуфиёна иқтисодиёт”га йўл қўймаслик, қонунларга риоя этиш зарур.

Йиғилиш якунидан келиб чиқиб, соҳага масъул ташкилотлар раҳбарларига тегишли топшириқ ва кўрсатмалар берилди.

16.12.2023

"Техниканг соз бўлса, машаққатинг оз бўлур", деб бежиз айтилмаган. Шу мақсадда Уйчи туман марказий трактор паркида қишлоқ хўжалигига хизмат қиладиган техникаларни таъмирлаш ишлари  олиб борилмоқда.

110 та чопиқ трактори, 40 та чигит экиш сеялкаси, 40 та пушта олгич,  212 та  тишли борона тўлиқ таъмирга тортилди ва таъмирдан чиқарилди.

Бугун туман нуронийлар гуруҳи таъмирланган техникаларни кўздан кечириб, тегишли тавсияларни берди.

15.12.2023

📎Aholining ijtimoiy himoyaga muhtoj qatlamlarini qo‘llab-quvvatlash ishlarini jadallashtirish, «Har bir fuqaro — e’tibor markazida» tamoyili asosida aholining barcha qatlamlariga sifatli va tezkor davlat xizmatlari ko‘rsatishni yo‘lga qo‘yish maqsadida Vazirlar Mahkamasi 31 avgust 2023 yil kuni 435-sonli qaror qabul qildi.

📎Mazkur Reglament davlat xizmatlari markazlari tomonidan ko‘rsatiladigan davlat xizmatlarini (keyingi o‘rinlarda — davlat xizmatlari) joyiga chiqqan holda maxsus texnik qurilmalar (planshet yoki kompyuterga o‘rnatilgan daktiloskopiya, printer va boshqalar) (keyingi o‘rinlarda — maxsus texnik qurilmalar) yordamida ko‘rsatish yoki davlat xizmatlaridan foydalanish uchun ariza yuborish tartibini belgilaydi.

📎Ushbu Reglament milliy haydovchilik guvohnomasini rasmiylashtirish, O‘zbekiston Respublikasi fuqarosi, O‘zbekiston Respublikasida doimiy yashovchi chet el fuqarosi va fuqaroligi bo‘lmagan shaxsning identifikatsiyalovchi ID-kartasini hamda O‘zbekiston Respublikasi fuqarosining xorijga chiqish biometrik pasportini rasmiylashtirish, shuningdek, jismoniy shaxsning shaxsiy identifikatsiya raqamini berish bo‘yicha davlat xizmatlarini ko‘rsatishga nisbatan tatbiq etilmaydi.

📎Davlat xizmatlari O‘zbekiston Respublikasi Adliya vazirligining (keyingi o‘rinlarda — Adliya vazirligi) Aloqa markaziga yoki uning rasmiy veb-saytiga (keyingi o‘rinlarda — «Call-markaz» yoki rasmiy veb-sayt) murojaat qilish orqali ko‘rsatiladi.

📎Ariza beruvchi davlat xizmatlaridan foydalanish uchun «Call-markaz» yoki rasmiy veb-sayt orqali murojaat qiladi.

📎«Call-markaz» orqali so‘rovnomalar soat 09:00 dan 18:00 gacha ish vaqti davomida qabul qilinadi.

📎Rasmiy veb-sayt orqali sutkaning istalgan vaqtida murojaat qilinishi mumkin.

📎Davlat xizmatlarini ko‘rsatish vaqti vakolatli organning ish vaqti doirasida belgilanadi.

📎«Call-markaz»ning mas’ul xodimi ariza beruvchiga davlat xizmatlarini ko‘rsatish tartibini belgilovchi qonunchilik hujjatlarida nazarda tutilgan davlat xizmatidan foydalanish uchun zarur bo‘lgan barcha hujjatlar (ma’lumotlar) to‘g‘risida ma’lumot beradi.

📎Ariza beruvchi so‘rovnomada ko‘rsatilgan davlat xizmatlaridan foydalanish uchun davlat xizmatini ko‘rsatishda talab etiladigan barcha hujjatlarni (ma’lumotlarni) tayyorlab qo‘yishi lozim.

📎So‘rovnoma shakllantirilib, so‘rovnomadagi tegishli ma’lumotlar ariza beruvchi tomonidan tasdiqlangandan so‘ng uning mobil telefon raqamiga mazkur Reglamentning 4-bandida belgilangan miqdordagi to‘lovni amalga oshirish uchun invoys avtomatik ravishda yuboriladi.

📎Ariza beruvchi tomonidan to‘lov amalga oshirilgan vaqtning o‘zida so‘rovnoma vakolatli organga avtomatik ravishda yuboriladi.O.Otaxonov, 🖌Uychi tuman Adliya bo'limi DXMyetachi mutaxassisi