Янгиликлар

22.04.2024

Уйчи туманида  ғўза майдонларида биринчи комплекс ишлов беришга бағишланган кўргазмали семинар ўтказилди.

"Қашқалдоқ Беруний" ММТП ҳудудидаги «Машад соҳибкори» фермер хўжалигида  вилоят қишлоқ хўжалиги бошқармаси бошлиғи А. Абдусаломов, туман ҳокими Ш. Мусаев, тегишли вилоят, туман ташкилотлари, фермер хўжаликлари раҳбарлари иштирок этдилар.

Семинар давомида ғўза майдонларида культивация, ўтоқ ва чопиқ, ягоналаш, чуқур юмшатиш, ўғитлаш, касаллик ва зараркунандаларга қарши курашиш, томчилатиб суғориш технологияларини жорий этиш масалалари бўйича мутахассислар томонидан тегишли тавсиялар берилди.

Уйчи тумани ҳокимлиги Ахборот хизмати

22.04.2024

Tanlovning viloyat bosqichida Uychi tumani Qumtepa MFYdan Sherzod Toshtanov estrada yo'nalishida faxrli 1-o'rinni olib, resbublika bosqichiga yo'llanmani qo'lga kiritdi.

G'ayrat  MFYdan Akramjon Ahmadjonov opera yo'nalishida 2-o'rin, Axsi MFYdan Sardor Mirzaabdullayev opera yo'nalishida 3-o'rin, Xo'jaоbod MFYdan Nurillo Abdullayev estrada yo'nalishida 3-o'rinni egallashdi va  Namangan viloyati Yoshlar ishlari boshqarmasi tomonidan diplom, esdalik sovg'alari bilan taqdirlandilar!

🤝 Umid qilamizki, yangi ijodkorlarimiz "Yoshlar ovozi" tanlovining respublika bosqichida ham viloyatimiz sha'nini munosib himoya qilib, eng yaxshi natijalarni qo'lga kiritadilar. Barcha ishtirokchilarga omad yor bo'lsin!

🎼 Yoshlar ovozi iqtidorlarni kashf etadi!

@uychihokimligi

20.04.2024

Наманган вилоят мелиоратив экспедиция бошқармаси бошлиғи К.Патхиддинов, Уйчи тумани ҳокимлиги иқтисодиёт бўлими котибият мудири О.Мавланов ҳамда мелиорация ходимлари билан Хўжаобод МФЙда яшовчи, бугунги кунда ишсиз ва оила аъзоларига ўз вақтида пул жўната олмаётган меҳнат мигрантлари хонадонларида ўрганиш ишлари олиб борилди.

Ўрганиш жараёнида Хўжаобод маҳалласининг "Нурли" кўчасида яшовчи Д. Жалилова хонадонига озиқ-овқат маҳсулотлари берилди. Маҳалланинг "Афсона" кўчасида яшовчи Б.Нишоновнинг хонадонидаги ичимлик суви билан боғлиқ муаммоси бартараф этилиб, сув ўлчагич ўрнатилди, шу кўчада яшовчи С.Акбаровага ўзини-ўзи банд қилиш йўналишида тўлови учун маблағдан ёрдам кўрсатилиб, тикувчилик касбига ўқишга йўналтирилди.

20.04.2024

Ўзбекистон Республикаси Олий Мажлиси Қонунчилик палатаси Спикерининг ўринбосари - Ўзбекистон Экологик партияси фракциясининг раҳбари  Хайрилло Гаппоров , Олий Мажлис Қонунчилик палатаси депутати Барно Мирзамова Уйчи туманида сайловчилар билан учрашдилар.

1-сектор ҳудудидаги 9-мактаб фаоллар залида бўлиб ўтган мулоқотда маҳалла фуқаролар йиғинларининг еттилиги, фаоллар, сайловчилар вакиллари қатнашдилар.

Учрашув давомида томорқадан самарали фойдаланишда Сайхунобод тажрибасини кенг қўллаш, “Яшил макон” умуммиллий лойиҳаси асосида олиб борилаётган ислоҳотлар, энергетика тарифларидаги ўзгаришлар, ер участкаларига бўлган мулк ва ижара ҳуқуқи, ўзбошимчалик билан эгаллаб олинган ер участкасига нисбатан ҳуқуқ эътироф этилиши бўйича маълумотлар берилди ва иштирокчиларни қизиқтирган саволларга жавоблар қайтарилди.

20.04.2024

Ушбу тадбир муносабати билан ташриф буюрган туман ММТБга қарашли умумтаълим мактабларининг битирувчилари ёшларнинг билим олишлари ва амалий машғулотларни ўтилиши бўйича яратилган шароитлар билан яқиндан танишдилар. Техникум директори Н. Мамасолиева ўқув йилидаги йўналишлар бўйича тўлиқ маълумот берди ва   ёшларнинг келажакда ўз орзу-мақсадлари амалга ошишида тилаклар билдирди. Ўқувчилар томонидан тайёрланган бадиий дастур ҳам ташриф буюрган устозлар ва ёшларга манзур бўлди.