Сўнгги янгиликлар
ОРОМГОҲ БОЛАЛАРНИ ЧОРЛАЙДИ
ТАБИАТГА МЕҲР БОЛАЛИКДАН УЙҒОНАДИ
УЧ АВЛОД УЧРАШУВИ
ЎҚУВ-СЕМИНАР
Янгиликлар
Уйчи тумани ҳокимлигининг катта мажлислар залида халқ депутатлари туман Кенгашининг 71-сессияси бўлиб ўтди.
Уни туман ҳокими, туман Кенгаши раиси Ш.Мусаев очди ва бошқариб борди.
Дастлаб “Ўзбекистон Республикаси Президентининг Уйчи туманидаги Халқ қабулхонасининг секторлар ва ҳудуддаги ташкилот раҳбарлари фаолияти ҳамда мамлакатимиз раҳбарининг 2021 йил 3 декабрдаги “Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш бўйича давлат сиёсатининг устувор йўналишлари тўғрисида”ги ПФ-29-сонли Фармонининг туманда ижроси” муҳокама этилди. Сўнг “Уйчи тумани секторлар раҳбарларининг туманни комплекс ижтимоий-иқтисодий ривожлантириш, аҳолининг турмуш тарзи ва ижтимоий муҳофазасини яхшилаш, тадбиркорликни ривожлантириш ва ҳуқуқбузарликлар профилактикаси бўйича ишларни ташкил этиш юзаcидан 2024 йил II чорагига мўлжалланган “Йўл харита”ларини тасдиқлаш ҳақида”ги, туман адлия бўлими бошлиғининг 2024 йил 1-чоракдаги фаолияти юзасидан ахбороти ҳақида, “Очиқ бюджет” ахборот портали орқали фуқаролар томонидан берилган таклифларга овоз бериш якунлари бўйича ғолиб деб топилган лойиҳаларни тасдиқлаш ва маблағларни йўналтириш тўғрисида, Ўзбекистон Республикаси Президентининг 2023 йил 21 декабрдаги “Ўзбекистон маҳаллалари уюшмаси фаолиятини йўлга қўйиш ва маҳаллаларда бошқарув тизимини такомиллаштиришга оид қўшимча чора-тадбирлар тўғрисида”ги ПҚ-402-сонли, Ўзбекистон Республикаси Олий Мажлиси Сенати Кенгашининг 2024 йил 4 апрелдаги “Маҳалладаги муаммоларни ҳал этишда халқ депутатлари маҳаллий Кенгашлари депутатлари ва сенаторларининг “Маҳалла еттилиги”ни йўлга қўйиш чора-тадбирлари тўғрисида”ги KQ-706-IV сонли қарорларининг туманда ижросини таъминлаш ҳақида”ги масалалар кўриб чиқилди.
Сессияда кўрилган масалалар юзасидан тегишли қарорлар қабул қилинди.
Жорий йилнинг 22 апрель куни Ўзбекистон Миллий кутубхонасида IV Республика “Китобхонлик ҳафталиги” ўз ишини бошлади.
Уйчи туман маданият марказида ҳам туман ахборот-кутубхона маркази томонидан ушбу ҳафталикнинг тантанали очилиш маросими бўлиб ўтди. Тадбирда ҳафталик меҳмонлари, иштирокчилар, ташкилотчилар ва кутубхона фойдаланувчилари иштирок этдилар.
Тадбирнинг очилиш маросимида туман ҳокимининг ўринбосари А.Собиров сўзга чиқиб, барчани ҳафталикда фаол қатнашишга чақирди.
Шу куни Республика Маънавият ва маърифат маркази Наманган вилоят бўлимининг Ўзбекистон Республикаси Олий Мажлиси ҳузуридаги ННТлари ва фуқаролик жамиятининг бошқа институтларини қўллаб-қувватлаш Жамоат фонди томонидан молиялаштирилган «Мустаҳкам оила - барқарор жамият асоси» номли грант лойиҳаси доирасида «Оила чароғбони, жамият кўрки» мавзусидаги ижтимоий роликлар ҳамда мақолалар танлови ғолиблари “Уйчинома” газетаси сураткаш мухбири Самандар Маҳмуджонов ва ижодкор Марғуба Сиддиқовалар тақдирланишди.
Туман маданият бўлими санъаткорлари ҳамда 12-мактаб ижодкор ўқитувчи ва ўқувчилари томонидан тайёрланган бадиий чиқишлар барчага манзур бўлди. Бир гуруҳ фаол иштирокчилар тақдирланди.
Уйчи тумани 3-сектор ҳудудидаги ҳар бир маҳаллада кўча, хонадон кесимида Сайхунобод тажрибаси доирасида иш ташкил қилинган.
Туман ИИБ бошлиғи, 3-сектор раҳбари Ф.Мирзаев Бўстон маҳалласида бўлиб, томорқадан унумли фойдаланиш, аҳоли даромадларини ошириш бўйича хонадонларни ўрганди.
Ўрганиш давомида фуқаро Р.Алижонов хонадонига кирилди. Хонадондаги 2 сотих ер майдонида иссиқхона бўлиб, 🍅помидор, 🥒бодринг, 3 сотих ерда 🥬карам экилган.
Мазкур экинлар эса атиги 10 кг. маҳаллий ўғит билан етиштирилаётганлиги ва дастлаб 30 миллион сўм даромад олингани, йил якунига қадар 70 миллион сўм даромат кутилаётгани эътиборни тортди.
Хонадон эгаси тажрибаси қўшниларга кенг тарғиб қилинмоқда.
Тадбир муносабати билан ташриф буюрган туман ММТБга қарашли умумтаълим мактабларининг битирувчилари вилоятимиздаги олий ўқув юртлари билан ҳамда олийгоҳ ҳаёти акс этган кўргазма, видеоролик, яратилган шароитлар билан яқиндан танишдилар.
Ҳар бир олийгоҳнинг устоз ва талабалари йўналишлар бўйича тўлиқ маълумот беришди.
Ёшлар келажаги учун ташкил этилган тадбир ташриф буюрганларга манзур бўлди.
Унга “Аёллар дафтари”га киритилган 12 нафар ишсиз хотин-қиз жалб этилиб, уларга маҳалла ҳоким ёрдамчисининг кўмаги билан субсидия асосида 12 та тикув машинаси олиб берилди. Равшанбек Қўчқоров лидер тадбиркор сифатида буюртмалар қабул қилиб, трикотаж маҳсулотлари ишлаб чиқармоқда.
Цехнинг очилиш маросимида туман ҳокими Ш.Мусаев, вилоят камбағалликни қисқартириш ва бандлик бош бошқармаси бошлиғи З. Икрамов қатнашдилар.