Янгиликлар

29.04.2024

Уйчи туманидаги 26-мактабда  “Беш ташаббус олимпиадаси” доирасида туман мактабгача ва мактаб таълими бўлими тизимидаги умумий ўрта таълим мактаблари ўқитувчилари ўртасида “Соғлом танда - сифатли таълим” шиори остида “Касаба уюшмаси кубоги” спорт мусобақаларининг туман босқичи бўлиб ўтди.

Унда  спортнинг  волейбол, мини футбол, шахмат, шашка ва стол тенниси  турлари бўйича сектор босқичида ғолиб бўлган 84 нафар иштирокчи ўзаро беллашди. Мусобақа Низом талабларига асосан ўтказилди.

Аёллар ўртасидаги волейбол мусобақасида 22-мактаб, эркаклар ўртасидаги мини футбол мусобақасида 26-мактаб жамоаларига тенг келадигани топилмади.

Якунда ғолиб ва совриндорларга  туман мактабгача ва мактаб таълими бўлими, таьлим ва фан ходимлари касаба уюшмаси туман бўлинмаси кенгаши, туман спорт мактабларининг диплом, таълим ва фан ходимлари касаба уюшмаси  туман бўлинмаси кенгашининг қимматбаҳо совғалари топширилди

29.04.2024

Уйчи тумани 2-сектор ҳудудида жойлашган Чўртук МФЙдаги собиқ Чўртук шифохонаси ўрнида хусусий клиника фойдаланишга топширилди.

"Мустақиллик барака файз" МЧЖга қарашли "Маъмура шифо" клиникаси биносини тадбиркор Авазбек Тўраев  қуриб битказди.

-60 ўринли шифохонамизда гинекология, кардиология, терапия, неврология бўлимлари мавжуд бўлиб, замонавий аппарат ва энг сўнгги жиҳозлар билан таъминланган,-дейди клиника бош врачи Сардор Мамадалиев. -Шунингдек, лаборатория, ЭКГ ҳам мавжуд. Хоналар бир ва икки кишилик бўлиб, ювиниш хоналари ҳам бор.

Бугун клиниканинг тантанали очилиш маросими бўлди. Унда туман ҳокими Ш. Мусаев ҳамда меҳнат фахрийлари қатнашиб, шифохона узоқ йиллар халқимизга хизмат қилишини тиладилар.

29.04.2024

Ўқувчилар томонидан  Ватан, ота-она, устозларни мадҳ этувчи шеърлар ўқилди, қўшиқлар куйланди, рақс ва саҳна кўринишлари ижро этилди . Тадбирга ташриф буюрган ота-оналар ва меҳмонлар ўқувчилар, уларнинг устозларига ўз миннатдорчиликларини билдириб, фахрий ёрлиқ ва эсдалик совғаларини топширдилар.

29.04.2024

Маҳаллий солиқларнинг ундирилишида фаоллик кўрсатаётган маҳалла фуқаролар йиғинлари раислари рағбатлантирилди.

27.04.2024

📚 “Rasmiy hujjatlarga apostil qo‘yish tartibini yanada takomillashtirish chora-tadbirlari to‘g‘risida” to’g’risida”

🔗 Mazkur Reglament jismoniy va yuridik shaxslarga (keyingi o‘rinlarda — murojaat etuvchilar) vakolatli davlat organlari tomonidan O‘zbekiston Respublikasi hududida tuzilgan rasmiy hujjatlarga “Apostille” maxsus shtampini (keyingi o‘rinlarda — apostil) qo‘yish bo‘yicha davlat xizmati (keyingi o‘rinlarda — davlat xizmati) ko‘rsatish tartibini belgilaydi.🔗 Murojaat etuvchi davlat xizmati olish uchun vakolatli organga o‘zi kelgan holda murojaat etadi. Murojaat etuvchi o‘rniga ishonchnoma asosida harakat qilayotgan uchinchi shaxslar ham murojaat etishlari mumkin.

📕 O‘zbekiston Respublikasi Prezidentining “Xorijiy rasmiy hujjatlarni legallashtirish talabini bekor qiluvchi konvensiya (1961-yil 5-oktabr) qoidalarini amalga oshirish chora-tadbirlari to‘g‘risida” 2011-yil 5-iyuldagi PQ-1566-son qaroriga muvofiq davlat xizmati quyidagi organlar tomonidan ko‘rsatiladi:📍 adliya organlari va muassasalaridan hamda fuqarolik holati dalolatnomalarini qayd etish organlaridan chiqadigan rasmiy hujjatlar bo‘yicha — Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalari;📍 sudlardan chiqadigan rasmiy hujjatlar bo‘yicha — Oliy sud;📍 prokuratura, tergov, surishtiruv va tergovga qadar tekshiruvni amalga oshiruvchi organlardan chiqadigan rasmiy hujjatlar bo‘yicha — Bosh prokuratura;📍 ta’lim va fan sohasi tashkilotlaridan chiqadigan rasmiy hujjatlar bo‘yicha — Vazirlar Mahkamasi huzuridagi Ta’lim sifatini nazorat qilish davlat inspeksiyasi;📍 boshqa rasmiy hujjatlar bo‘yicha — Tashqi ishlar vazirligi.

❇️ Apostil:❗️ chet elda O‘zbekiston Respublikasining diplomatik vakolatxonalari yoki konsullik muassasalari tomonidan sodir etilgan rasmiy hujjatlarga;❗️ tijorat yoki bojxona operatsiyalariga to‘g‘ridan to‘g‘ri aloqador bo‘lgan rasmiy hujjatlarga;❗️ O‘zbekiston Respublikasi fuqarolik pasportiga, identifikatsiya ID-kartasiga, harbiy biletga qo‘yilmaydi.

✍🏻 Uychi tuman adliya bo’limi DXM yetakchi mutaxassisi O.Otaxanov