Сўнгги янгиликлар
ОРОМГОҲ БОЛАЛАРНИ ЧОРЛАЙДИ
ТАБИАТГА МЕҲР БОЛАЛИКДАН УЙҒОНАДИ
УЧ АВЛОД УЧРАШУВИ
ЎҚУВ-СЕМИНАР
Янгиликлар
Уйчи тумани 1-секторда жойлашган "Бирлашган Деҳқонобод" ММТП ҳудудидаги "Муҳаммадмусо Болтабоев" фермер хўжалигининг 23 гектар майдондаги ғўзаси баравж ривожланмоқда. Бу майдонларни томчилатиб суғориш йўлга қўйилган. 4 марта культивация қилинди.
Уйчи тумани "Уйчи миришкор қаноти" ММТП ҳудудидаги "Олакўприк саховати" фермер хўжалигининг 30 гектар майдондаги ғўзаси 3 марта культивациядан чиқди, чуқур чизел ўтказилди, айни вақтда суғорилмоқда. Сувчи Нўъмонжон Фозилов, Обидхон Абдуқаҳҳоровлар суғориш ишларини олиб боришмоқда.
Uychi tumanida barpo etilayotgan Norin gidroelektr stansiyalar kaskadi qurilishi hududida NamMQI talabalarining “Oʻzbekgidro” rahbaryati bilan uchrashuvi boʻlib oʻtdi.
Institut jamoasini Uychi tumani hokimi Shuhrat Musayev kutib oldi.
“Oʻzbekgidro” boshqaruv raisining oʻrinbosari Surayyo Poʻlatova, kadrlar boʻlimi boshligʻi Inoyat Sunnatov 60 ta GESni oʻz ichiga olgan, istiqbolli karyera va yuqori maoshlar taklif etayotgan jamiyat haqida batafsil maʼlumot berdi.
Jamiyat kapital qurilish boshqarmasi boshligʻi Muhammad Otaxonovning taʼkidlashicha, hozirda jamiyat tomonidan yana 25 ta stansiya qurilishi ketmoqda, Norin GESlar kaskadi ulardan biri. NamMQI talabalari bu yerda amaliyot oʻtashi, kelgusida esa faoliyatini boshlashi mumkin.
NamMQI rektori Sharifjon Ergashev institut talabalariga ishonch uchun tashakkur aytib, oliy oʻquv yurti va jamiyat oʻrtasidagi aloqalar yanada mustahkamlanishiga ishonch bildirdi.
1-iyundan Hujjatlarni onlayn topshirishingiz mumkin. Agar maktabingizda imtihon uchun hujjat topshirishga qiynalsangiz, Uychi tuman ixtisoslashtirilgan maktabiga kelsangiz, yordam beramiz.
Qabul vaqti 9:00 dan 15:00 gacha va bepul tarzda amalga oshiriladi. Bundan koʻzlangan asosiy maqsadimiz, sizlarga qulaylik yaratish.
Qabul jarayonlariga, hujjat topshirishga yordam berish maktabimiz jamoasi tashabbusi bilan amalga oshirilmoqda. Qabul jarayonlari 20 iyunga qadar davom etadi.
✅Kerakli hujjatlar:➖ tugʻilganlik toʻgʻrisidagi guvohnomasi;➖ Baholar tabeli nusxasi (direktor tomonidan tasdiqlangan holatda)➖ fotosurati (oxirgi 2 oyda olingan); (3x4 rasmi elektron holatda, telefoningizda boʻlishi shart)➖ ota-onasi yoki uning o‘rnini bosuvchi shaxsning pasport ma’lumotlari va telefon raqamlari (doimiy ishlab turgan telefon raqamlari) aniq va bexato kiritilishi lozim.
Yuqorida koʻrsatilgan hujjatlar bilan kelsangiz, onlayn hujjat topshirishga yordam beramiz.
Бугун Уйчи тумани ҳокими, 1-сектор раҳбари Шуҳрат Мусаев маҳалла ёшлар етакчилари билан учрашди.
Учрашувда, хусусан, миграциядаги ёшлар билан ишлаш, миграциядан қайтган ҳамда оғир тоифадаги ёшларни қийнаётган муаммоларни ҳал этиш бўйича бириктирилган масъуллар билан ҳамкорликда иш ташкил қилиш кераклиги тушунтирилди.
Йиғилишда Ўзбекистон Республикаси Президентининг 2024 йил 5 апрелда «Ёшларга ер ажратиш орқали уларнинг даромадларини ошириш ва бандлигини таъминлаш, шунингдек, янги ер майдонларини ўзлаштириш чора-тадбирлари тўғрисида»ги ПҚ-153-сонли қарори ижросини таъминлаш бўйича ёшлар етакчиларига вазифалар белгилаб берилди.
Уйчи тумани 1-сектор ҳудудидаги Дўстлик, Мустақиллик МФЙлари еттилиги фаолияти, самарали иш ташкил этиш, кексалар маслаҳат гуруҳининг ёшлар тарбиясига масъуллиги, бувижонлар мактаби, мигрантларни аниқлаш ва уларни қайтариш бўйича амалга оширилаётган ишлар муҳокама этилди.
Йиғилишда маҳалла раиси, ҳоким ёрдамчиси, хотин-қизлар фаоли, ёшлар етакчиси, профилактика инспектори томонидан ўтган даврда амалга оширилган ишлар ахбороти эшитилди. Мулоқотда "Нуроний" жамғармаси туман бўлими бошлиғи Т. Исматиллаев, нуронийлар жамоатчилик кенгаши аъзоси А.Нажмиддинов, Ўзбекистон Маҳаллалари уюшмаси туман бўлими бошлиғи Ҳ.Аҳмедовлар иштирок этиб, маҳалла еттилиги олдида турган вазифаларни белгилаб беришди.