Янгиликлар

06.06.2024

Сайёр қабулда суд тизимига доир 13 нафар фуқаронинг мурожаатлари кўриб чиқилди. Уларнинг 3 таси жиноят, 8 таси фуқаролик ишлари бўйича, 1 таси иқтисодий, 1 таси маъмурий судга оид масалаларни ташкил этди. Мурожаатларнинг 4 таси шу ернинг ўзида ижобий ҳал этилган бўлса, 9 тасига ҳуқуқий тушунтиришлар берилди.

Шу куни бўлиб ўтган жиноят ишлари бўйича Уйчи тумани судининг сайёр суд мажлисида Пробация гуруҳи ҳисобида турувчи 6 нафар назорат остидаги шахслар муддатидан илгари шартли равишда жазодан озод қилинди.

05.06.2024

Бугун Уйчи тумани ҳокими, 1-сектор раҳбари Шуҳрат Мусаев маҳалла ёшлар етакчилари билан учрашди.

Учрашувда, хусусан, миграциядаги ёшлар билан ишлаш, миграциядан қайтган ҳамда оғир тоифадаги ёшларни қийнаётган муаммоларни ҳал этиш бўйича бириктирилган масъуллар билан ҳамкорликда иш ташкил қилиш кераклиги тушунтирилди.

Йиғилишда Ўзбекистон Республикаси Президентининг 2024 йил 5 апрелда  «Ёшларга ер ажратиш орқали уларнинг даромадларини ошириш ва бандлигини таъминлаш, шунингдек, янги ер майдонларини ўзлаштириш чора-тадбирлари тўғрисида»ги ПҚ-153-сонли қарори ижросини таъминлаш бўйича ёшлар етакчиларига вазифалар белгилаб берилди.

05.06.2024

Tadbirda bolajonlar yil davomida oʻrgangan kuy, qoʻshiq va raqslarini ota- onalarga hisobot tarzida ijro etib, oʻz iqtidorlari va olgan bilimlarini namoyon qildilar. Bayramda bolajonlar bilan birga, pedagog xodimlar ham turli sahna koʻrinishlarini ijro etib, tarbiyalanuvchilarni hursand qildilar. Qaldirgʻochlar turli hil nominatsiyalar boʻyicha faxriy yorliq bilan taqdirlandi.

Hammamiz ularga oq yoʻl tilab, oʻqishlarida muvaffaqiyatga erishishlariga tilakdoshmiz. Tarbiyalanuvchilarni milliy uslubda kiyinishlari uchun yaqindan yordam bergan koʻngilli ota-onalarimizdan biri tikuvchi Dilrabo Dedaxonovaga oʻz minnatdorchiligimizni bildiramiz.M. IsmatovaDMTT direktori.

05.06.2024

👫Ariza beruvchilar davlat xizmatidan foydalanish uchun Davlat xizmatlari markaziga shaxsan kelib yoki Yagona interaktiv davlat xizmatlari portali (YIDXP) (https://my.gov.uz/oz/service/517) orqali murojaat qiladi.

👫Davlat xizmatidan foydalanuvchilar toifasi:Jismoniy shaxslar

🏛Vakolatli organ:O‘zbekiston Respublikasi Adliya vazirligi huzuridagi “O‘zarxiv” agentligining hududiy davlat arxivlari

🗂Davlat xizmatidan foydalanish uchun talab etiladigan ma’lumotlar:📎So‘rovnomada shaxsga oid quyidagi ma’lumotlar ko‘rsatiladi:➖familiyasi, ismi va otasining ismi (o‘zgargan bo‘lsa, bu haqda ma’lumotlar ko‘rsatiladi);➖pasport yoki identifikatsiyalovchi ID-kartasi ma’lumotlari (JSh ShIR ma’lumotlari);➖ma’lumotnoma tili (o‘zbek/rus);➖elektron manzili (mavjud bo‘lsa) va telefon raqami;➖arxiv idorasi joylashgan viloyat va tuman;➖so‘ralayotgan arxiv hujjatlari to‘g‘risidagi ma’lumotlar (hujjat nomi, hujjatning mazmuni (batafsil ko‘rsatilishi lozim), qaysi organ tomonidan qabul qilingan (imkon qadar), sanasi va raqami (imkon qadar), qo‘shimcha ma’lumotlar (agar bo‘lsa).

📃Ariza beruvchi ishonchnoma asosida harakat qilayotganda ishonchnoma, vorislik haqidagi guvohnomaga asosan merosxo‘r bo‘lganda vorislik haqidagi guvohnoma, ariza beruvchi qonuniy vakil bo‘lsa, uni tasdiqlovchi hujjat, so‘ralayotgan hujjatning nusxasi (agar mavjud bo‘lsa), chegirmalardan (imtiyozlar) foydalanish uchun tegishli hujjatlar nusxasi.

💰Davlat xizmatini ko‘rsatganlik uchun undiriladigan yig‘im miqdori:🔹Alohida faktlar, voqealar, ma’lumotlarni aniqlash (tasdiqlash) bo‘yicha mavzuli so‘rovlarni bajarish, turar joylar bo‘yicha ma’lumotnomalar tayyorlash, mulkiy huquqlarni aniqlash (tasdiqlash) bo‘yicha so‘rovlarga arxiv hujjatidan nusxa berish (bir shaxs uchun)➖1 ta ma'lumotnoma - Bazaviy hisoblash miqdorining (https://lex.uz/ru/docs/-6665682#:~:text=bazaviy%20hisoblash%20miqdori%20%E2%80%94%20oyiga%20340%20000%20so%E2%80%98m%3B) 0,5 baravari

🔹Evakuatsiyani aniqlash (tasdiqlash) bo‘yicha so‘rovlarning arxiv ma’lumotnomasini berish➖1 ta ma'lumotnoma - Bazaviy hisoblash miqdorining (https://lex.uz/ru/docs/-6665682#:~:text=bazaviy%20hisoblash%20miqdori%20%E2%80%94%20oyiga%20340%20000%20so%E2%80%98m%3B) 1 baravari

🔹Davlat xizmati tezlashtirilgan tartibda ko‘rsatilganda mazkur bandlarda belgilangan miqdorda 50 % qo‘shimcha haq undiriladi.

(https://lex.uz/ru/docs/-6665682#:~:text=bazaviy%20hisoblash%20miqdori%20%E2%80%94%20oyiga%20340%20000%20so%E2%80%98m%3B)📆Davlat xizmatini ko‘rsatish muddati:20 ish kuniDavlat xizmatini tezlashtirilgan tartibda ko‘rsatish — 2 ish kuni

Asos:  O‘zbekiston Respublikasi Vazirlar Mahkamasining 20.11.2023 yildagi 612-son qarori (https://lex.uz/docs/-6671844)

Sherzodbek Ummataliyev,Uychi tumani adliya bo'limi DXM yetakchi mutaxassisi.

05.06.2024

Поп тумани "Юксалиш" ММТП ҳудудидаги "Мирзаорол уруғчи" фермер хўжалиги ғалла майдонида 2024 йил ҳосили учун етиштирилган бошоқли дон ҳосилини нес-нобуд қилмасдан ўз вақтида уюшқоқлик билан йиғиб олиш ҳамда ғалладан бўшаган майдонларга такрорий экин экиш ишларини ташкил этиш бўйича вилоят кўргазмали семинари бўлиб ўтди.

Унда вилоят ҳокими Шавкатжон Абдураззоқов бошчилигида сектор раҳбарлари, туман ҳокимлари, кластер, вилоят ва туман қишлоқ хўжалиги ташкилотлари вакиллари, ММТП раислари, фермер хўжаликлари ҳамда ғалла ўримига бириктирилган отряд раҳбарлари иштирок этдилар.

Дастлаб кун тартибидаги масала юзасидан масъул мутасаддиларнинг ҳисоботлари тингланди.

Вилоят ҳокими ҳар бир йўналиш бўйича масъулларни бириктириб, аниқ вазифаларни белгилаб берди.