Сўнгги янгиликлар
ОРОМГОҲ БОЛАЛАРНИ ЧОРЛАЙДИ
ТАБИАТГА МЕҲР БОЛАЛИКДАН УЙҒОНАДИ
УЧ АВЛОД УЧРАШУВИ
ЎҚУВ-СЕМИНАР
Янгиликлар
Уйчи тумани ҳокими Шуҳрат Мусаев Уйчи педагогика коллежининг битирувчи ёшлари билан учрашди.
Учрашувда туман ҳокими “Ҳеч шубҳасиз, ўз билим ва истеъдодини ватанимиз ва халқимизга муносиб фарзанд бўлишдек олижаноб мақсадларга сарфлашга чоғланиб турган сиздек тиришқоқ ва интилувчан фарзандларимиз бизнинг ишончимиз ва таянчимиз, Янги Ўзбекистоннинг олтин фонди, бебаҳо хазинасидир”, - дея ишонч билдириб, битирувчи ёшларни доимо илм излаб, олға интилишга чорлади.
Дўстона, очиқ мулоқот тарзида ўтган учрашувда туман раҳбаридан ёшлар ўзларини қизиқтирган саволларига жавоб олишди.
Шу куни туман аҳоли бандлигига кўмаклашиш маркази томонидан “Меҳнат ярамаркаси” ҳам ўтказилди. 70 та ташкилотдан 859 та бўш иш ўрни қўйилди. Ёшлардан 7 нафарига ишлаш учун йўлланма, 10 нафарига маслаҳат берилди. 15 нафари касб-ҳунарга ўқитишга жалб қилинди.
Рустам Турсунбоев.
Оила ва хотин-қизлар давлат қўмитасининг ҳудудий бўлинмалари ва маҳалла хотин-қизлар фаолларига кўмаклашиш бўйича ҳудудларга бириктирилган Республика ишчи гуруҳи Наманганда ўз ишини бошлади.
Уйчи тумани ҳокимлигида ўтказилган учрашувда сектор раҳбарлари, тегишли ташкилот, жумладан, иқтисодий тараққиёт, молия, бандлик, соғлиқни сақлаш, спортни ривожлантириш, ёшлар ишлари агентлиги, мусулмонлар идораси, тижорат банклари, ФҲДЁ, маънавият ва маърифат маркази мутасаддилари иштирок этдилар.
Унда хотин-қизларнинг мамлакат ижтимоий-сиёсий ҳаётидаги ўрни ва фаоллигини ошириш, уларни ҳар томонлама қўллаб-қувватлаш, оила ва хотин-қизларнинг муаммоларини ўз вақтида аниқлаш, оғир ижтимоий аҳволга тушиб қолган оила ва хотин-қизларга ижтимоий-ҳуқуқий, психологик ёрдам кўрсатиш, касб-ҳунарга, оилавий ва хусусий тадбиркорликка кенг жалб этиш, оилаларда маънавий-ахлоқий қадриятларни мустаҳкамлаш масалалари муҳокама қилинди.
Муаммоли кредитлар, солиқ ҳамда алимент қарздорликларини ундириш бўйича "Долзарб 10 кунлик"да амалга ошириладиган ишлар белгилаб олинди
Бугун эрта тонгдан...
Аҳолини тадбиркорликка жалб этиш, уй шароитида ҳам банд бўлишларини таъминлаш борасида кўплаб имтиёзли кредитлар ажратилмоқда. Лекин ушбу кредит маблағларини ўз вақтида тўламаслик ҳолатлари ҳам учраб турибди.
Бугун Уйчи туманидаги барча 56 та маҳаллаларда аҳолига оилавий тадбиркорлик бўйича ажратилган кредитлар, солиқ ҳамда алимент қардорликларини ундирилиш ҳолати бўйича иш ташкил этилди. Бу бўйича ҳар бир маҳаллага 10 кишидан иборат ишчи гуруҳ тузилиб ва ҳар бир маҳаллада муаммоли кредитларни ундириш чоралари кўрилмоқда.
Шу билан бирга, солиқдан бўлган қарздорликларни ундириш ишлари ҳам олиб борилади, бу орқалий ишчи гурух томонидан ҳоким ёрдамчилари фаолиятига ҳам амалий ёрдам берилган бўлади.
Уйчи туман ҳокимлиги ахборот хизмати
Har qanday davlatning tarixi – bu, birinchi navbatda, unda yashaydigan xalqning tarixi, aholisining soni va tarkibi, uning iqtisodiy va ijtimoiy tavsiflarida o‘z ifodasini topadi. Aholi soni bo‘yicha aniq va yaxlit ma’lumotlar aholini ro‘yxatga olish asosida olinadi. Aholini ro‘yxatga olish yakunlariga qarab o‘tmish va hozirgi davr haqida fikr va mulohazalar yuritish hamda kelajakni prognoz qilish mumkin bo‘ladi. Qator holatlarda aholini ro‘yxatga olish – aholining yoshi, jinsi, milliy tarkibi, ma’lumot darajasi, nikoh holati, bandligi va boshqa tavsiflari haqida ma’lumotlar olishning yagona manbai bo‘lib xizmat qiladi. Aholini ro‘yxatga olish – bu mamlakat aholisining muayyan vaqtdagi “fotosurati”ni olish imkonini beruvchi umumdavlat miqyosidagi keng ko‘lamli tadbir bo‘lib, aholi to‘g‘risidagi ishonchli axborot manbai hisoblanadi
❇️Ўзбекистон Республикаси Вазирлар Маҳкамасининг 2020 йил 20 февралдаги “Ташқи реклама бозорини тартибга солиш тўғрисида”ги 104-сонли қарори ижросини таъминлаш мақсадида тумандаги ташқи реклама воситаларини (конструкцияларни) қарор талабларига мослигини ўрганилди.
Уйчи тумани ҳокимининг маслаҳатчиси Г.Мирзараҳимова бошчилигида Наманган вилояти Монополияга қарши курашиш ҳудудий бошқармаси вакили Бахтиёр Мирзаабдуллаев, Республика Маънавият ва маърифат маркази туман бўлинмаси раҳбари Эътиборхон Юнусова, туман ИИБ, туман ДСИ, туман ободонлаштириш бошқармаси вакиллари жалб этилган ҳолда махсус ишчи гуруҳи фаолиятини олиб борди.
Ишчи гуруҳи томонидан жойларда аниқланган қонун талабларига жавоб бермайдиган 200 дан зиёд ноқонуний тартибда жойлаштирилган, маънан эскирган реклама, пешлавҳа, пано, эълонлар, ташқи реклама воситалари олдирилди ва янгисига алмаштирилди.