Сўнгги янгиликлар
ОРОМГОҲ БОЛАЛАРНИ ЧОРЛАЙДИ
ТАБИАТГА МЕҲР БОЛАЛИКДАН УЙҒОНАДИ
УЧ АВЛОД УЧРАШУВИ
ЎҚУВ-СЕМИНАР
Янгиликлар
Инсон қадри улуғланиб, кўрсатилаётган эъзоз ва эҳтиром Уйчи туман ҳокимлигининг Қорақалпоғистон Республикаси Қораўзак тумани Қораўзак овул фуқаролар йиғинида яшовчи аҳоли билан бўлган учрашувлари, дилдан суҳбат жараёнларида ҳам ёрқин намоён бўлди.
17-19 ноябрь кунлари туман ҳокимлиги ишчи гуруҳи аъзолари ушбу маҳаллада бўлиб, хонадонбай ўрганишларни олиб боришди, ижтимоий муаммолар ва таклифлар бўйича тегишли чора-тадбирларни белгилашди. 50 ўринли “Шаҳзодабону” ОНМТТ тоза ичимлик суви билан таъминланди. 12,13,25-мактабларга 5 хил турдаги спорт жиҳозлари, бадиий китоблар, телевизор, 100 нафар ўқувчига қишки кийим-бош совға қилинди. Учта болалар муассасасига ўйинчоқлар ҳамда иситкич, маҳалла ва 19-оила поликлиникасига телевизорлар топширилди.
Пишириқ билан шуғулланиш истагини билдирган 10 нафар хотин-қизга печ, 2 нафар аёлга тикув машинаси, ёшлардан 5 нафарига мотопила туҳфа қилиниб, доимий бандлиги таъминланди.
Кам таъминланган оилалардан 50 тасига озиқ-овқат маҳсулотлари тарқатилди. Бир пиёла чой устидаги дийдорлашув тадбирида икки юз кишига ош тортилди.
Қорақалпоғистоннинг энг чекка ҳудудларида истиқомат қилувчи аҳолининг оғирини енгил, мушкулини осон қилишга қаратилган бу каби эзгу ишлар давом этади.
Уйчи туман ҳокимлиги ахборот хизмати.
🔹Бугун Янгичек МФЙнинг "Узумзор" ҳамда Ахси МФЙнинг "Бирлик"кўчаларида Уйчи туман ИИБ бошлиғи, 3-сектор раҳбари Фурқат Мирзаев ҳамда туман йўллардан фойдаланиш унитар корхонаси ҳамкорлигида шағаллаштириш ва текислаш ишлари олиб борилди.
🔹Бунинг учун туман ИИБ ходимлари томонидан 41 та юк автомашинаси жалб этилди.
🔹Ушбу ҳашарда ҳиссаларини қўшаётган юк автомашина ҳайдовчиларига туман ИИБ раҳбарияти томонидан алоҳида миннатдорчилик билдирилди.
Уйчи туман АБКМда коррупцияга қарши курашиш бўйича давра суҳбати ўтказилди.Бандлик ва меҳнат муносабатлари вазирлигининг буйруғи ижросини таъминлаш мақсадида жорий йилнинг 3 ноябридан 2 декабригача “Коррупцияга қарши кураш ойлиги” деб эълон қилинди. Ушбу ойликда туман АБКМ ходимлари, тумандаги касб-ҳунарга ўқитиш марказида фаолият юритаётган ходимларнинг ҳуқуқий саводхонлигини ошириш, коррупцияга қарши муросасиз муносабатни шакллантириш, коррупцияга оид ҳуқуқбузарликлар содир этилиши ва унинг ҳуқуқий оқибатлари, қонунчилик хизмат интизоми одоб-ахлоқ қоидаларига риоя қилиш бўйича йиғилиш ташкил қилинди.Йиғилишда туман ҳокимлиги ахборот хизмати, ОАВ ходимлари ва адлия бўлими вакиллари иштирок этдилар.
Konstitutsiya davlatimizning bosh qonuni hisoblanadi. Bu hujjat yurtimiz osoyishtaligi, xalqimiz farovonligining mustahkam huquqiy poydevoriDIR. Davlatimiz Konstitutsiyasi barcha qabul qilinadigan qonunlar va me'yoriy xujjatlar uchun mustahkam asos bo’lib xizmat qiladi. Konstitutsiyamizda beshta asosiy tamoyil belgilab qo’yilgan. Bular demokratik jamiyatning xalqaro miqyosda e'tirof etilgan tamoyillaridir. Bu tamoyillar fuqarolarning o’z xohish - irodasini erkin bildirishi, barcha fuqarolarning teng huquqliligi, davlat va jamiyatni boshqarish ishlarida qonun ustuvorligi, davlat hokimiyati organlarining saylovlar asosida shakllantirilishi, ularning saylovchilar oldida hisob berishi kabi shakllarda namoyon bo’ladi. Konstitutsiyamizda shaxsning yoshi, millati, irqi, ijtimoiy ahvoli bilan bog’liq hyech qanday cheklashlar yo’q. Masalan, boshqa mamlakatlarning fuqarolikka ega bo’lish to’g’risidagi qonunchiligida kuzatishimiz mumkin bo’lgan til bilish va o’troqlik negizlari borasida ham cheklashlar yo’q, bundan qat'yi nazar, teng fuqarolik huquqi mustahkamlab qo’yilgan. Qomusimizda insonning kundalik hayotdagi eng muhim ehtiyojlarini ta'minlovchi imkoniyatlar - yashash huquqi, shaxsiy daxlsizlik huquqi, sud jarayonida shaxsiy manfaatlarini himoya qilish huquqi, turar joy daxlsizligi huquqi, bir joydan ikkinchi joyga erkin ko’chish huquqi, fikrlash, e'tiqod va so’z erkinligi, vijdon erkinliklari qoida yo’li bilan kafolatlangan. Konstitutsiyamizda ko’p yillik milliy davlatchiligimiz an'analari inobatga olinishi bilan birga, jahon konstitutsiyalarining tajribalaridan ham keng foydalanilgan. Shu yo’l bilan uning eng insonparvar, demokratik va adolatli Qonun bo’lishiga erishilgan. Konstitutsiyamiz asosida qabul qilingan qonunlarning barchasi fuqarolarimizning munosib hayot kechirishlarini ta'minlashga, insonparvar demokratik va fuqarolarning tinchligi va milliy totuvligi ta'minlangan davlat barpo etish yo’lida xizmat qilib kelmoqda. Ularning hayotga tadbiq etilishi natijasida davlatimiz milliy qonunchilik sohasida, mamlakatning tinchligi va barqarorligini ta'minlashda, siyosiy, iqtisodiy va ijtimoiy sohalarda ulkan yutuqlarga erishib kelinmoqda. Har bir o’zini anglagan, yurt ravnaqi va tinchligi, oilasi va farzandlari kelajagiga befarq bo’lmagan O’zbekiston Respublikasining har bir fuqarosi Konstitutsiyaning mazmuni va mohiyatini keng targ’ib qilish ishlarida o’z hissasini qo’shishi, chin ma'noda shu yurtning asl farzandi sifatida va bugungi kunda amalga oshirilayotgan keng ko’lamli islohotlarning faol ishtirokchisiga aylanmog’i shart . Sh. Dadaboev,Uychi tuman Adliya bolimi Yuridik hizmat korsatish markazi bosh yuristkonsulti.
Уйчи тумани санитария-эпидемиология осойишталиги ва жамоат саломатлиги бўлими Шифокор маҳалла фуқаролар йиғини ҳудудида озиқ-овқат маҳсулотларидан оммавий заҳарланишлар билан боғлиқ фавқулодда вазиятларнинг олдини олиш бўйича туман ФВДқТ функционал қуйи тизимининг тегишли раҳбар органлари, куч ва воситалари, тумандаги ташкилот, бирлашма, умумий ўрта таълим мактаблари раҳбарлари, ҳамширалар, туман тиббиёт бирлашмаси ходимларини жалб қилган ҳолда кўргазмали махсус-тактик ўқув машқини ўтказди. Ўтказилган тадбирдан кўзланган асосий мақсад овқатдан заҳарланиш билан боғлиқ фавқулодда вазиятларнинг олдини олиш, оқибатларини бартараф этишда ҳамкорликдаги ҳаракатларни амалда синаш ҳамда бундай вазиятларда тезкорлик билан қарор қабул қилиб, фуқаролар ҳаётини сақлаб қолиш учун барча чораларни олдиндан белгилаш. Овқатдан заҳарланиш билан боғлиқ фавқулодда вазиятларнинг олдини олиш учун фуқароларнинг ҳаёти ва соғлиғи учун зарур бўлган дори-дармон ҳамда касалликка қарши профилактик зардоблар заҳирасини яратиш. Ўқув машқи икки босқичда ўтказилиб, биринчи боқич – назарий семинар тартибида ўтказилди, унда туман СЭО ва ЖСБнинг йиғилишлар залида овқатдан заҳарланиш ҳамда ботулизм касаллигининг келиб чиқиш сабаблари, уларнинг олдини олиш бўйича амалга оширилаётган тадбирлар, касалланганларга биринчи тиббий ёрдам кўрсатишнинг замонавий усуллари тўғрисида мутахассисларнинг фикрлари тингланди.Иккинчи босқич амалий тарзда ўтказилиб, Шифокор маҳалла фуқаролар йиғини Беруний кўчаси 2-уйда овқатдан заҳарланишга гумон қилинган шартли бемор, фуқаро А.Т. хонадонида касаллик юзасидан санитария-эпидемиологик суриштирув ишлари ўтказиш, хонадонда овқатдан заҳарланиш ҳодисасига сабаб бўлган озиқ-овқат маҳсулотига аниқлик киритиш ва лабораторияга текширишга намуналар олиш, касаллик келтириб чиқариши мумкин бўлган бошқа турдаги озиқ-овқат маҳсулотларига аниқлик киритиш, мазкур маҳсулотлар истеъмолини тақиқлаб, белгиланган тартибда йўқ қилиниши амалий тартибда кўрсатиб берилди. Хонадонда аниқланган истеъмолга яроқсиз деб топилган мариновка маҳсулоти тўкиб, зарарсизлантириш йўли билан йўқ қилиниши бўйича тушунчалар берилди.Беруний кўчаси ҳудудида фаолият олиб бораётган “Якка шотут” хусусий корхонасига қарашли умумий овқатланиш шахобчасида овқатдан заҳарланиш ҳолатлари келиб чиқишининг олдини олиш учун нималарга эътибор қаратилиши лозимлиги, сифати ва хавфсизлиги кафолатланмаган озиқ-овқат маҳсулотларидан фойдаланмаслик ҳамда овқат тайёрлаш технологияларига қатъий амал қилиниши юзасидан тушунчалар берилди.Туман тиббиёт бирлашмасининг қабулхона бўлимларида овқатдан заҳарланишга гумон қилинган беморларни қабул қилиш, бирламчи ва даволаш бўйича тиббий хизматлар кўрсатиш, мазкур ҳолатларда фойдаланиладиган ботулизмга қарши профилактик зардоблар юбориш тартиблари амалий кўрсатилди.