Янгиликлар

06.04.2023

Tibbiyot tashkilotlarini ixtiyoriy akkreditatsiya qilish davlat xizmati haqida bilasizmi?

“Tibbiyot tashkilotlarini akkreditatsiyadan o‘tkazish mexanizmlarni joriy etish to‘g‘risida”gi Hukumat qaroriga ko‘ra, Sog‘liqni saqlash vazirligi tibbiyot tashkilotlarini akkreditatsiyadan o‘tkazish va sog‘liqni saqlash sohasida ekspertlarni sertifikatlash bo‘yicha vakolatli davlat organi hisoblanadi.

Qaror bilan tasdiqlangan Tibbiyot tashkilotlarini ixtiyoriy akkreditatsiyadan o‘tkazish bo‘yicha davlat xizmatlarini ko‘rsatishning maʼmuriy reglamentiga ko'ra:

Tibbiyot tashkilotlarini akkreditatsiyalash quyidagi bosqichlardan iborat:➖ o‘zini o‘zi baholash va baholash natijalarini tibbiy xizmatlar sifatini boshqarish axborot tizimiga kiritish;➖ joyning o‘zida tashqi kompleks baholash;➖ inspeksiya nazorati.Akkreditatsiyadan o‘tish uchun tibbiyot tashkilotlari akkreditatsiyalovchi organga quyidagilar orqali ariza taqdim etadi:

➖ Davlat xizmatlari markazlari;➖ YAIDXP (my.gov.uz).

Arizaga BHMning 2 baravari (600 ming so‘m) miqdorida to‘lov to‘langanligi haqidagi kvitansiya ilova qilinadi.

Akkreditatsiya guvohnomasini berish to‘g‘risidagi qaror qabul qilingan taqdirda tibbiyot tashkilotiga akkreditatsiya standartlariga muvofiqligi darajasiga qarab quyidagi toifalar berilishi mumkin:➖ ikkinchi akkreditatsiya toifasi – standartlariga muvofiqligi kamida 75 foiz bo‘lganda; ➖ birinchi akkreditatsiya toifasi – standartlariga muvofiqligi kamida 85 foiz bo‘lganda;➖ oliy akkreditatsiya toifasi – standartlariga muvofiqligi kamida 95 foiz bo‘lganda.Muxiddin SIDDIQOV, Uychi tuman Davlat xizmatlari markazi mutaxassisi

04.04.2023

Вақтинча бошқа ишга ўтказиш ҳам алоҳида турларга бўлинади. Шулардан бири тарафларнинг келишуви билан ходимни вақтинча бошқа ишга ўтказиш.

Келаётган 30 апрелдан кучга кирадиган янги МКнинг 141-моддасидаги асосий қоидалар:

1. Иш берувчи ва ходим келишувига кўра ходим бошқа ишга 1 йил муддатгача вақтинча ўтказилиши мумкин.

2. Бундай ўтказиш қонунга мувофиқ ўзининг иш жойи сақланиб қолинадиган вақтинча йўқ бўлган ходимнинг ўрнини эгаллаш учун амалга оширилаётган тақдирда ушбу ходим ишга чиққунига қадар ўтказилиши мумкин.

3. Агар бошқа ишга ўтказиш муддати тугагач унга аввалги иши берилмаган, ходим уни талаб қилмаган ва ишлашни давом эттираётган бўлса, ўтказиш доимий деб ҳисобланади.

☝️Юқоридаги намуна берилмоқда ва ундан 30 апрелдан бошлаб фойдаланиш мумкин.

Шокиржон Дадабоев, Уйчи туман адлия бўлими юридик хизмат кўрсатиш маркази бош юристконсулти.

03.04.2023

Уйчи тумани ҳокимлигининг катта мажлислар залида халқ депутатлари туман Кенгашининг 62-сессияси бўлиб ўтди.

Сессия ишида туман Кенгаши депутатлари, сектор раҳбарлари, тегишли ташкилот ва муассасалар бошлиқлари, ОАВ вакиллари иштирок этишди.

Сессияни туман Кенгаши раиси, туман ҳокими Ш.Мусаев очди ва бошқариб борди.

Дастлаб жиноят ишлари бўйича туман суди раиси Б.Обидов, Учқўрғон туманлараро иқтисодий суди раиси О.Содиқов, фуқаролик ишлари бўйича Учқўрғон туманлараро суди раиси Б.Касимовларнинг ахборотлари эшитилди. Туман ҳокимининг ўринбосари С.Аҳмадалиева “Аёллар дафтари” рўйхати ва “Йўл харитаси”ни тасдиқлаш тўғрисида” маълумот берди.

Сессияда “Референдум ўтказувчи участка комиссиялари аъзолигига номзодларни тавсия этиш тўғрисида”ги масала ҳам кўриб чиқилди.

Сессияда кўрилган масалалар юзасидан тегишли қарорлар қабул қилинди.

03.04.2023

Мусулмонлар учун муқаддас ҳисобланган Рамазон ойида инсон қадрини улуғлаш, саховат, меҳр-оқибатни кучайтириш, муҳтожларга мурувват кўрсатишнинг савоби янада улуғ бўлади.

Бугун ҳам хайрли тадбирлар давом эттирилиб, 1-сектор ҳудудидаги Кесканёр ҳамда 2-сектордаги Обод МФЙларда ифторлик дастурхони ёзилди.

Муқаддас Рамазон ойи муносабати билан ўтказилган ифторликда маҳалла оқсоқоллари, кам таъминланган оила вакиллари қатнашдилар.

Тўкин ва файзли дастурхон атрофида йиғилганлар юртимизда амалга оширилаётган кенг кўламли ислоҳотларни эътироф этишиб, юрт тинчлиги, аҳоли фаровонлиги ва мамлакатимиз ривожини сўраб, дуолар қилишди.

03.04.2023

Обод МФЙда содир этилган жиноят юзасидан Наманган вилояти ИИБ ЖХХ ҲПБ бошлиғи бошчилигида муҳокама йиғилиши ўтказилди. Унда туман прокурори, ИИБ бошлиғи ва ўринбосарлари, ҳокимлик масъуллари, имом хатиблар, маҳалла фаоллари, нуронийлар ҳамда кенг жамоатчилик вакиллари иштирок этдилар.

Муҳокамада ушбу жиноятнинг келиб чиқиш сабаблари туб илдизигача таҳлил қилинди. Мазкур жиноятнинг келиб чиқиш сабаблари ва унинг салбий оқибатларини бу жойда иштирок этганларнинг барчаси оила аъзолари, қариндош-уруғлари ҳамда таниш-билишларига ибрат олиш мақсадида етказишлари кераклиги айтилиб, мутасаддиларга тавсиялар берилди.