Янгиликлар

02.07.2023

🔰 Бугун Ўзбекистон фуқаролари учун қадрли ва унутилмас кунлардан бири. Бундан 31 йил муқаддам айни шу куни «Ўзбекистон Республикаси Давлат герби тўғрисида»ги Қонун қабул қилинган.Қонунга кўра, Ўзбекистон Республикаси Давлат герби Ўзбекистон Республикаси давлат мустақиллигининг рамзидир. Демак, Давлат герби – халқнинг эрки, бахти, ғурури, ўзлиги тимсоли.Мазкур Қонун 8 тагина моддадан иборат бўлсада,унинг аҳамияти залворли.

✅ Бу кун кўксида "Ватан" деган муборак номни гард юқтирмай олиб юришни ўзига шараф деб билганлар байрами ! Бу Янги Ўзбекистонни бунёд этишга сидқидилдан интилаётган мардона халқимиз байрами ! Бу кун ўз илми, касб-кори, фидойилиги билан буюк аждодларимизга муносиб равишда қадам ташлашга интилаётган Ватанимизнинг ўктам ёшлари байрами ! Бу кун бир бутун Ватанга айланган Ўзбекистонликлар байрами !

❗️УШБУ САНА БАРЧА ВАТАНДОШЛАРИМИЗГА МУБОРАК БЎЛСИН !

01.07.2023

Assalomu alaykum, aziz va qadrli tumanimizning fidoyi, shijoatli, tashabbuskor,  izlanuvchan yoshlari!

Sizlarni 30-iyun - " Yoshlar kuni " bilan muborakbot etaman !

Muhtaram Prezidentimizning Siz, yoshlarga bo'lgan alohida e'tibori, g'amxo'rligi natijasida har yili 30-iyun mamlakatimizda "Yoshlar kuni"  sifatida keng nishonlanib kelinmoqda.

Bugungi kunda yoshlar masalasi davlat siyosati darajasida e'tibor qaratilib kelinayotgani kelajagimiz egalariga qaratilayotgan ishonch va imkoniyatlarning isbotidir.

Sizlarga mamlakatimizning mustaqilligini mustahkamlashda,  yurtimizga munosib farzand hamda jahon miqyosidagi raqobatbardosh, yetuk kadrlar bo‘lib yetishishlaringizda zafarlar tilayman.

Tumanimizning ertangi kun egalari, Sizlarni yana bir bor  “Yoshlar kuni” munosabati bilan samimiy tabriklab, barchangizga sihat-salomatlik, oilaviy tinchlik-xotirjamlik, baxt va omad tilayman!

01.07.2023

Мамлакатимиз раҳбарининг “2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида”ги ПҚ-408-сонли қарорига асосан 2-сектор ҳудудидаги Исломобод МФЙда жойлашган “Ором” кўчасида 1 км. йўлга асфальт бетон қопламаси ётқизилмоқда.

-Эрта тонгдан Уйчи туман йўллардан фойдаланиш унитар корхонаси томонидан етарли техника ва ишчи кучи ажратилди,-дейди Исломобод МФЙ раиси Бобур Аҳмедов. –Аҳоли жудаям хурсанд. Сабаби, бу йўллар ёзда чанг ва қишда лой бўлиб, қийинчиликлар келтириб чиқараётган эди. Йўлсозлар ишни тез ва сифатли бажариш ҳаракатидалар.

01.07.2023

▫️Шавкат Мирзиёев 30 июн — Ёшлар куни муносабати билан Ўзбекистон ёшларига байрам табриги (http://namhaqiqat.uz/uzhzhatlar/uzbekiston_yoshlariga_bayram_tabrigi.html) йўллади. Унда, жумладан, шундай дейилади:

☑️ "Қадрли ўғил-қизларим!

Аввало, сиз, азизларни, сизларнинг тимсолингизда бутун Ўзбекистон ёшларини мамлакатимизда кенг нишонланаётган қутлуғ айём – Ёшлар куни билан чин қалбимдан муборакбод этаман.

Ушбу байрамни сизлар билан биргаликда катта шоду хуррамлик билан ўтказаётган ота-оналарингиз, устоз-мураббийларингизни, кўп миллатли бутун халқимизни самимий қутлаб, барчангизга ўзимнинг юксак ҳурмат-эҳтиромим ва эзгу тилакларимни билдираман.

Албатта, мана шундай қувончли айёмда юртимиз келажаги, умид ва ишончимиз рамзи бўлган азму шижоатли фарзандларимиз тимсолида Ватанимиз нақадар улкан имкониятларга эга эканини янада чуқур ҳис этамиз".

27.06.2023

Kecha, 25-iyun kuni "Namangan International School" xususiy maktabining “So‘nggi qo‘ng‘iroq” tadbiri o'zgacha shukuh bilan nishonlandi. Sababi Uychi tumani Madaniyat markazida Namangan shahri, Chortoq, Uychi, Chust va Kosonsoy tumanlaridagi "Namangan International School" xususiy maktabi o'quvchilari 11-sinfni tamomlab, qo'llariga Umumiy o‘rta ta’lim to‘g‘risidagi attestatni oldilar.

Bitiruv kunida xorijlik mehmonlar va viloyat ta'limi fahriylari ishtirok etishdi va mustaqil hayot ostonasiga qadam qo'yayotgan bitiruvchilarni samimiy tabriklashdi. Tadbir doirasida 2022-2023 o‘quv yilida fan olimpiadalari, ko‘rik tanlov va sport musobaqalarida ishtirok etib, faxrli o‘rinlarni egallagan hamda namunali xulq va a’lo baholarga o‘qib, eng yuqori ko‘rsatkichlarga erishgan iqtidorli, faol bo'lgan bitiruvchilar va o'quvchilar tantanali ravishda taqdirlandilar. Shuningdek, 11-sinf bitiruvchilari, ularning ota-onalari va pedagoglar o‘zlarining samimiy tilaklarini bildirishdi.

Tadbirda o'quvchilar ishtirokidagi o'zbek, ingliz, rus, yapon, arab va turk tilida qo'shiqlar ijro etildi va raqslar namoyish etildi. Yosh xonandalar Behruz Narzullayev va Hayitoy Qayumovalar bitiruchilarni tabriklab, o'z qo'shiqlari bilan barchani mamnun etishdi.

P/S: Joriy yil "Namangan International School" xususiy maktabida 53 ta bitiruvchi tamomlayapti. Ulardan 36 tasi ingliz tili bo'yicha IELTS, 8 nafari Yapon tili bo'yicha JLPT, 2 nafari Koreys tili bo'yicha TOPIC II darajasiga ega bo'lishdi. 12 nafar talaba AQSh, Yaponiya, Janubiy Koreya, Xitoy, Germaniya, Qatar va Malayziya davlatlariga grant yutishdi.

"Namangan International School" xususiy maktabi media markazi