Янгиликлар

17.02.2022

Д.Х.Нурматовни Уйчи тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари - туман иқтисодий тараққиёт ва камбағалликни қисқартириш бўлими бошлиғи лавозимига тайинлаш тўғрисида

“Маҳаллий давлат ҳокимияти тўғрисида”ги Ўзбекистон Республикаси қонунининг 6, 21, 25-моддаларига мувофиқ

ҚАРОР ҚИЛАМАН:

1. Нурматов Дилмурод Хабибиллаевич - 2022 йил 15 февралдан Уйчи тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари - туман иқтисодий тараққиёт ва камбағалликни қисқартириш бўлими бошлиғи лавозимига тайинлансин.

2. Ушбу қарор халқ депутатлари туман Кенгашининг навбатдаги сессияси тасдиғига киритилсин.

Асос: Ўзбекистон Республикаси Иқтисодий тараққиёт ва камбағалликни қисқартириш вазирлигининг 2022 йил 15 февралдаги 03/14-01-11/11-142-сонли ҳамда Наманган вилояти ҳокимлигининг 2022 йил 15 февралдаги 01/29-552-сонли розилик хатлари.

Туман ҳокими Ш.МУСАЕВ.

17.02.2022

Бугун Уйчи тумани ИИБ бошлиғи, 3-сектор раҳбари Фурқат Мирзаев ташаббуси билан 24-мактабда "Ватанга ва халққа садоқат билан хизмат қилиш олий бурчимиз" шиори остида ёшлар ўртасида расм чизиш, арқон тортиш, тош кўтариш, иншолар танлови ўтказилиб, ғолиблар тақдирланди.

17.02.2022

Уйчи туман ИИБ ҳуқуқбузарликлар профилактикаси вояга етмаганлар билан ишлаш гуруҳи инспектор психологи, лейтенант Зокиржон Урунов 3-сектор ҳудудидаги маҳалла ёшлар етакчилари билан галдаги режаларни белгилаб олмоқда.

17.02.2022

1-IDUMda "Otalar yiģilishi" o'tkazildi . YIģilish  ko'tarinki ruhda tashkil etilib , maktabning "Orzu" dastasi to'garak a'zolari tomonidan "Doira " musiqasi va "Otajon " qo'shiģi  ijrosi bilan boshlandi. Ungaga  Beruniy MFY raisi o'rinbosari O.Rahimova, hokim yordamchisi B.Mamataliyev , yoshlar yetakchisi J.Qodirjanov , profilaktika inspektori M.Murodullayevlar ishtirok etishdi. Yiģilish kun tartibidagi masalalar haqida  mas'ullar tomonidan ma'ruzalar qilindi.

16.02.2022

Уйчи тумани 4-сектор ҳудудида жойлашган, туманнинг оғир ҳудудларидан бири Пастгузар маҳалласида ободонлаштириш, инфратузилмани яхшилаш бўйича амалий ишлар давом этмоқда.

"Инсон қадрини улуғлаш ва фаол маҳалла йили"га ҳамоҳанг равишда вилоят ҳокими ташаббуси билан ушбу маҳаллада 785 метр тоза ичимлик суви тармоғи тортилмоқда. 3,5 км. ички йўл жорий таъмирланяпти. Битта 160 кВА трансформатор пункти, 80 дона замонавий темир бетон таянч устун, тунги ёритгич чироқлари ўрнатилади, 3,84 км. янги электр тармоғи тортилади.