Янгиликлар

30.04.2022

Ободлик кўнгилдан бошланади. Озодалик, покизалик бор жойдан файзу барака ҳам аримайди. Юртимизда бўлиб ўтаётган умумхалқ хайрия ҳашаридан кўзланган мақсад ҳам ягона – кўча вва хиёбонлар, хонадонлар, ҳар бир ташкилот ва муассасалар, қабристонларни янада обод ва кўркам қилиш, санитария ҳолатини яхшилаш.

Бугун эрта тонгдан Уйчи туманида ҳам «Маҳалла ободлиги – юрт фаровонлиги» шиори остида умумхалқ хайрия ҳашари кўтаринки руҳда ва уюшқоқликда бошланди. Аввало, қуриган шох-шаббалар, бегона ўтлар олиниб, ариқлар тозаланди, 100 тоннадан зиёд чиқинди ташиб кетилди. Кўча бўйлари, йўл қирғоқларига алоҳида эътибор қаратилиб, 15 минг тупдан ортиқ гул кўчатлари ўтқазилди.Айниқса, тумандаги мавжуд 56 та қабристонда кенг кўламда ободонлаштириш ишлари олиб борилди. Бу иш бошида нуронийлар, фаол аёллар, ёшлар вакиллари бўлиб, ҳамшиҳатликда иш ташкил этдилар.

Ҳашар кунларида одамлар орасида ўзаро меҳр-оқибат ва ҳамжиҳатликни янада кучайтириш, беғараз ёрдам, меҳр-мурувват каби эзгу фазилатларни юксалтириш, маҳаллалар ҳамда аҳоли тураржойларини обод қилиш умумхалқ ҳаракати даражасига кўтарилади. Умумхалқ хайрия ҳашари доирасида аҳолининг эҳтиёжманд қатламлари қўллаб-қувватланиб, уларнинг ҳолидан хабар олинди.

Шу куни «Яшил макон» умуммиллий лойиҳаси доирасида барча тураржой мавзелари, маҳаллаларда ўтқазилган манзарали ва мевали дарахтлар оқланиб, киши кўрса ҳавас қиладиган даражага келтирилди.

Туманнинг барча ҳудудларида ободонлаштириш ва кўкаламзорлаштириш ишлари давом этмоқда.

29.04.2022

27.04.2022

Наманган туманлараро маъмурий судининг раиси О.ЗиявитдиновУйчи туманидаги Тошлоқ маҳалла фуқаролар йиғини биносида фуқаролар ва тадбиркорлик субъектлари билан учрашди. Унда давлатимиз раҳбарининг 2022 йил 28 январь куни Ўзбекистон Республикаси Президентининг “2022-2026 йилларга мўлжалланган Янги Ўзбекистоннинг тараққиёт стратегияси тўғрисида”ги Фармони ҳамда тараққиёт стратегиясида белгиланган устувор вазифаларни амалга ошириш мақсадида 2022 йил 29 январь куни “Давлат органлари билан муносабатларда фуқаролар ва тадбиркорлик субъектлари ҳуқуқларининг самарали ҳимоя этилишини таъминлаш ҳамда аҳолининг судларга бўлган ишончини янада ошириш чора-тадбирлари тўғрисида”ги 107-сонли қарорига асосан маъмурий судларнинг биринчи навбатдаги вазифаси фуқаролар ва тадбиркорлик субъектларининг давлат органлари билан муносабатларида қонун устуворлигини таъминлаш билан бир қаторда улар ҳуқуқлари ва конуний манфаатлари самарали ҳимоя қилиш ҳисобланиши ҳақида ўз фикр-мулоҳазаларини билдирди. Тадбир давомида фуқаролар ва тадбиркорлик субъектлари ўзларини қизиқтирган барча саволларга жавоблар олишди.Давра суҳбатидан сўнг маҳалла фуқаролар биносида сайёр суд ўтказилди.

26.04.2022

Uychi tumanimizdagi 15-maktabda "Kitobim - oftobim" mavzusida kitobxonlar uchrashuvi bo'lib o'tdi. Ushbu uchrashuvda poytaxtdan kelgan Milliy universitet o'qituvchilari, kitobxonlar, oliygoh talabalari, shu maktab o'qituvchi va o'quvchilari ishtirok etishdi. Boshlang'ich sinf o'quvchilari tomonidan turli qiziqarli ko'rinishlar namoyish etildi.Oxirgi 3 oy davomida maktabning sobiq o'quvchisi, hozirda O'zbekiston Milliy universitetining tayanch doktoranti va "Qorako'l ziyo" NTMning ona tili va adabiyot fani o'qituvchisi Sadoqat Xolmonova tomonidan maktab o'quvchilarining savodini oshirish va kitobxonlikni targ'ib qilish maqsadida uch bosqichli olimpiada o'tkazilgan edi. Ushbu tadbir doirasida olimpiadaning so'nggi bosqichi ham o'tkazilib, g'oliblar aniqlandi va ularga esdalik sovg'alari topshirildi. Shuningdek, yurtimizdagi turli nashriyotlar: "Akademnashr", "Yangi asr avlodi", "Azbobooks", "Kitobdornashr" nashriyotlari vakillari ham ishtirok etib, maktab kutubxonasi va o'quvchilarga kitoblar sovg'a qilishdi. Facebook ijtimoiy tarmog'idagi "Kitobxonlar davrasi" guruhining a'zolari o'quvchilar o'rtasida qiziqarli tanlovlar o'tkazishdi. "Bizning maqsadimiz har bir o'quvchida kitobga muhabbat uyg'otish. Shu maqsadda yurtimizning turli hududlarida kitobxonlar uchrashuvini o'tkazib kelmoqdamiz, - deydi guruh boshqaruvchisi Sadoqat Xolmonova. - Bugungi uchrashuvdagi his-hayajon, o'quvchilar ko'zidagi ishtiyoq, bilimga, kitob o'qishga bo'lgan qiziqish mehmonlarni befarq qoldirmadi. Olimpiada g'oliblarining ko'zidagi quvonch yoshlari barchamizni yig'latdi. Ushbu olimpiada sinov tariqasida boshlangan edi, keyingi yillarda uni tumandagi boshqa maktablarda ham o'tkazishni niyat qildik". Mehmonlar tomonidan 200 dan ortiq kitob maktab kutubxonasiga topshirildi, o'quvchilarga sovg'a sifatida tarqatildi. Ularga maktabimiz nomidan o'z minnatdorchiligimizni bildiramiz.Mavjuda Mahmudova,15-maktabning boshlang'ich sinf o'qituvchisi.

26.04.2022

✅ Ўзбекистон Республикаси Олий Мажлиси Сенатининг 2022 йил 4 февралдаги " Ҳудудларда янги иш ўрни яратиш ишлари самарадорлиги устидан парламент назоратини амалга ошириш тўғрисида "ги СҚ-478-IV сонли қарори ижросини таъминлаш мақсадида депутатлик назорати йўлга қўйилган.

✅ 2022 йил март ойидан бошлаб ҳар ойда тасдиқланган режа асосида ҳудудларга чиқиб, янги иш ўринларини яратиш ва аҳоли бандлигини таъминлаш бўйича амалга оширилаётган ишлар самарадорлиги ўрганилмоқда.

✅ Уйчи туманидаги Дўстли, Зиёкор, Мустақиллик, Янгиҳаёт МФЙларида янги иш ўринларини яратиш ва аҳоли бандлигини таъминлаш бўйича амалга оширилаётган ишлар ишчи гуруҳи томонидан ўрганилди.

Адиба Ҳожимирзаева,халқ депутатлари туман Кенгаши депутати.