Янгиликлар

17.05.2022

Уйчи тумани 1-сектор ҳудудида жойлашган Ҳожиобод МФЙда туман ҳокими, сектор раҳбари Шуҳрат Мусаев томонидан навбатдаги сайёр қабул ўтказилди.

Қабул давомида йигирмадан ортиқ фуқаронинг мурожаати тингланиб, айрим масалаларга шу ернинг ўзида ечим топилди. Фуқаро Сайёра Жакбарова, Наима Кимсанова, Инобат Мирвалиева,Муқаддас Бегматова, Шаҳноза Мунавварова уй-жой, Достон Йўлдошев, Улуғбек Абдуллажонов иш, Муҳаммадюсуф Турдиев йўл, Мўътабар Турсунованинг қурилиш материалларидан ёрдам бериш каби масалалардаги мурожаатлари тегишли тартибда назоратга олинди.

17.05.2022

Ўзбекистон Республикаси Давлат статистика қўмитаси аҳолини рўйхатга олиш соҳасидаги махсус ваколатли давлат органидир (бундан буён матнда махсус ваколатли давлат органи деб юритилади). Махсус ваколатли давлат органи: рўйхатга олиш ҳужжатлари шаклларини, рўйхатга олувчи ходимлар гувоҳномаси шаклини ишлаб чиқади ва тасдиқлайди; Аҳолини рўйхатга олиш дас-турини ва рўйхатга олиш варағининг шаклларини ишлаб чиқади; рўйхатга олиш варақлари тайёрланишини ва ҳудудларга етказилишини таъминлайди; аҳолини рўйхатга олишни ўтказиш тўғрисида аҳолини хабардор қилишга доир иш- ларни мувофиқлаштиради; рўйхатга олувчи ходимларни танлаб олиш ва ўқитиш тартибини, шунингдек шахсга доир маълумотларга ишлов бериш тартибини белгилайди ва уларга ишлов беришни амалга оширади; рўйхатга олиш варақлари ва бошқа рўйхатга олиш ҳужжатларининг сақланиши (шу жумладан вақтинча сақланиши), йўқ қилиниши тартибини белгилайди; рўйхатга олиш варақлари ва бошқа аҳолини рўйхатга олиш ҳужжатларини сақлаш ва йўқ қилишни таъминлайди.

16.05.2022

Уйчи туманининг 4-секторида жойлашган Пастгузар МФЙда 710 та хонадон бўлиб, 3615 нафар аҳоли истиқомат қилади. Мазкур маҳаллада кўплаб янги тураржой бинолари қад ростлаган.

Маҳалла туманда энг оғир ҳудуд сифатида танлаб олинган бўлиб, ўтган даврда инфратузилмани яхшилаш мақсадида бир қатор ишлар амалга оширилди. “Ниҳол” кўчасига битта янги подстанция, 65 та темир бетон таячн ўрнатилди, электр тармоғи тортилди. “Зилол” кўчасида 780 метр янги ичимлик суви тармоғи тортилди. Айни вақтда “Зилол” кўчасида 700 метр, “Ниҳол” кўчасида 1400 метр йўл шағаллаштириляпти.

Бугун туман ҳокими Шуҳрат Мусаев ҳамда сектор раҳбари Хондамир Бобаев маҳаллада бўлиб, инфратузилмани яхшилаш ва ободонлаштириш ишларини ташкиллаш бўйича мутасаддиларга тегишли топшириқлар бериб, кунлик ишни назорат қилиб боришмоқда.

16.05.2022

"Тадбир ўтказиш қонун-қоидасидан хабарингиз борми?"

❇️ Ўзбекистон Республикаси Вазирлар Маҳкамасининг Қарори:"Оммавий тадбирларни ташкил этиш ва ўтказиш тадбирини янада такомиллаштириш чора-тадбирлари тўғрисида"ги 2014 йил 29 июль кунги 205-сонли қарорига асосан туманда ўтказилаётган ҳар қандай тадбир туман ички ишлар бўлими билан келишган ҳолда ўтказилиши ёки туман ИИБ бошлиғи номига хат чиқарилиши лозим.

ОММАВИЙ ТАДБИР ДЕГАНДА — 100 ва ундан кўп кишиларнинг иштирокида ижтимоий-сиёсий (анжуманлар, конференциялар, съездлар ва бошқалар), маданий-оммавий ва кўнгилочар-томоша дастурлари (мусиқий, адабий ва бошқа фестиваллар, концерт, театр, спорт, реклама тадбирлари, халқ сайиллари, цирк, миллий намойишлар ва ўйинлар, кўрик¬танловлар ва бошқалар), шунингдек умумхалқ, диний, касб байрамларини ўтказиш мақсадида оммавий тадбирни ўтказиш объектида ташкил қилинадиган фуқароларнинг биргаликда қатнашишларига айтилади. Бундай тадбирларни юридик ва жисмоний шахслар ўтказадиган бўлса, тадбир бўлишидан ўн (10) кун олдин туман ички ишлар бўлимига алоқа хати орқали хабар берилиши шарт.

Агар тадбир ўтказиш тўғрисида хабар бермасангиз, Ўзбекистон Республикаси МЖТКнинг 200-моддасига асосан жавобгарликка тортилишингиз ҳақида огоҳлантирамиз.

Уйчи туман ИИБ.

16.05.2022

Уйчи туманида жорий йил май ойида 56 та маҳалла фуқаролар йиғинларида маҳалла раиси (оқсоқоли) сайловлари бўлиб ўтади. Сайловга тайёргарлик кўриш ва уни ўтказиш бўйича туман кўмаклашувчи комиссияси ҳамда ҳар бир маҳаллада тузилган фаол аҳоли вакилларидан иборат ишчи гуруҳлар томонидан сайловга тайёргарлик жараёнлари тизимли олиб борилди.

Бугун маҳалла фуқаролар йиғини раислигига (оқсоқоли) сайловларнинг биринчиси Хизиробод маҳалласида бўлиб ўтди.

Яширин овоз бериш йўли билан, шаффоф тарзда ташкил этилган сайловда аҳоли вакиллари блютенларни ҳисоблаш жараёнларини ҳам кузатиб боришди. Энг кўп овоз билан Баҳодир Аҳмадалиев маҳалла фуқаролар йиғини раиси этиб сайланди.

Эслатиб ўтамиз май ойи давомида тумандаги барча маҳалла фуқаролар йиғинларида маҳалла раислиги (оқсоқоли) учун сайловлар бўлиб ўтади.