Сўнгги янгиликлар
ОРОМГОҲ БОЛАЛАРНИ ЧОРЛАЙДИ
ТАБИАТГА МЕҲР БОЛАЛИКДАН УЙҒОНАДИ
УЧ АВЛОД УЧРАШУВИ
ЎҚУВ-СЕМИНАР
Янгиликлар
Уйчи тумани 1-сектор биносида муаммоли кредитлар, маҳаллий солиқдан қарздорликларни камайтириш, "Тоза ҳудуд", сафарбарлик чақируви резерви тўловлари бўйича келгусида амалга ошириладиган ишлар белгилаб олинди
Аҳолини тадбиркорликка жалб этиш, уй шароитида ҳам банд бўлишларини таъминлаш борасидаги ишларни янада жонлантириш зарур. Ҳоким ёрдамчилари, МФЙ раислари билан ушбу мавзуда суҳбатлашилиб, бир қатор вазифалар белгиланди. Унда туман ҳокими, сектор раҳбари Шуҳрат Мусаев иштирок этди.
Ўзбекистон Мустақиллигининг 31 йиллиги байрами муносабати билан вилоят Маҳалла ва нуронийларни қўллаб-қувватлаш бошқармаси бошлиғи Аҳмаджон Алаходжаев, “Маҳалла” хайрия жамоат фонди вилоят бўлими бошқарув раиси Аҳмаджон Мукаррамов ҳамда Уйчи туман ҳокимлиги масъуллари томонидан Уйчи туманида узоқ вақт даволанаётган беморлар, ногиронлар, юрт равнақига ҳисса қўшган инсонлар, якка-ёлғиз яшовчилар оилавий шароити билан танишилди, уларга озиқ-овқатлар тақдим этилди. Саломатлик қадрига инсон бемор бўлганда етади, узоқ вақтдан буён даволанаётган ва турли қийинчиликларга дуч келган ҳамюртларимиздан кимдир нолиса кимдир шукур қилади. Мустақиллик байрами арафасида ўтказилган тадбир Уйчи туманида яшаб келаётган бир қатор оилалар қалбида ватанга муҳаббат, эзгу ишларга даъват кўринишига айланди, берилган бу каби эътибор уларнинг қалбини яхшиликларга йўналтирди, байрам кайфиятини тақдим этди.Уйчи тумани - аҳолисининг меҳнаткашлиги, серҳосил боғлари ва унумдор ерлари билан машҳур.Уйчи тумани “Машад” маҳалласида яшовчи Камалов Жалол отани кўпчилик ҳурмат қилади, 75 ёшни қоралаётган Жалол ота турли қурилиш ташкилотларида ишлаши билан баробарида қўни-қўшнилар учун уй-жойлар, хаммомлар қуришда ўз касбининг устаси ҳисобланади. Шунингдек, маҳалланинг муаммоларини ҳал қилишда бош-қош бўлганлар, яқинда маҳалланинг 650 метр кўчасини хашар йўли билан бетонлаштириб равон бўлишига катта ҳисса қўшганлар. “Файзобод” маҳалласида яшовчи Турсунов Рўзибой ота ҳам хаммом қуриш касби билан рўзғор тебратганлардан, 5 та фарзандни халқ хизматига қўшганлар, бироқ кейинги 25 йил давомида паркинсон касаллигига дучор бўлиб ётиб қолганлар, дори-дармонлар сотиб олишда қийинчилик бўлаётганлиги сабабли бу оилага “Саҳоват ва кўмак” жамғармаси маблағларидан моддий ёрдам ажратиш кўзда тутилди.Уйчи туманининг энг олис ҳудудларидан бири – “Янгиер” маҳалласида яшовчи Эсанбоев Олимжон вилоят Божхона тизимида меҳнат қилган, қандли диабет ва 2016 йилда қорасон касалликлари авжидан оёғининг бир қисми кесилган.“Ғайрат” маҳалласида яшовчи Эрмамат Нурматов 2-гурух ногирони, 2017 йилда инсульт касаллигига йўлиққан, фарзандлари ёшлиги ва уй-жойини таъмирталаблигини эътиборга олиб “Маҳалла” хайрия жамоат фонди ҳисобидан 25 дона шифер ажратиладиган бўлди.“Боғ кўча” МФЙда яшовчи Исомиддинова Ойпўлатхон ая 8 та фарзандни вояга етказган, савдо соҳасида ишлаган, ипак қурти боқиб халқ хизматида бўлган. Қўл бармоқларида касаллик туфайли бир бармоқни кесилган, қон босими касаллигига дуч келган.“Гулзор” маҳалласида яшовчи Мамадалиева Ширмонхон ая якка-ёлғиз яшайди, уй-жойи таъмирлашга мухтож бўлганлиги учун “Маҳалла” хайрия жамоат фонди ҳисобидан қурилиш материаллари билан таъминланадиган ва маҳалла аҳли хашари билан таъмирланадиган бўлди.“Пастгузар” маҳалласидан Якуббоева Карима ая деҳқонлик қилган, болалар боғчасида ошпаз бўлиб ишлаган, бироқ кейинги йилларда қон босими ортиши, суяк синиши каби касалликлар билан оғриган.“Соку”лик Эргашев Хасанбой уй қурувчи уста, яқинда инсульт касаллигига дучор бўлган, маҳалла томонидан имконият даражасида моддий ёрдам кўрсатилиб, даволанишига ёрдамлар кўрсатиб келинмоқда.“Президентимиз томонларидан бу йилни инсон қадрини улуғлаш йили деб бежизга айтилмаган экан, юртимизда инсон қадрини улуғлашга катта эътибор берилмоқда. Мустақиллик байрами арафасида вилоят ҳокимлиги номидан уйимизга келган масъуллар озиқ-овқатлар билан йўқлашди, тўғрисини айтсам кутмагандим. Айниқса нима ёрдам керак, қандай муаммолар бор деб сўрашди, уй-жойимни таъмирлашга ёрдам беришадиган бўлди, рахмат”,-деди Эрмамат Нурматов.
Аҳоли саломатлигини муҳофаза қилиш, касалликларнинг олдини олиш, соғлом турмуш тарзини тарғиб қилиш бўйича тиббиёт соҳасида жуда катта ишлар амалга оширилмоқда. Хусусан, 40 ёшдан катта аҳоли ўртасида юқумсиз касалликларнинг олдини олиш ва уни барвақт аниқлаш, ушбу касалликларга мойиллиги бор инсонлар соғлигини мустаҳкамлаш борасида "Скрининг текширув" лари ўтказилмоқда. Юрак-қон томир ва қандли диабетни хавф белгиларини аниқлаш учун ҳар бир оила поликлиника ва оила шифокорлик пунктларида текширувлар ўтказилмоқда. Натижада ушбу касалликларга мойиллиги борлар аниқланиб, белгиланган профилактик ва соғломлаштириш тадбирлари олиб борилмоқда.
Қуйида Уйчи туман тиббиёт бирлашмасига қарашли Ахси оила шифокорлик пункти "Тиббий бригада" фаолиятидан лавҳалар.
Уйчи туманидаги 1-сектор ҳудудида жойлашган 28-мактаб биносида навбатдаги сайёр қабул ўтказилди.
Қабул давомида туман ҳокими, сектор раҳбари Шуҳрат Мусаев, ҳокимнинг ўринбосарлари ҳамда мутасадди ташкилотлар раҳбарлари қатнашиб, мурожаатларни тинглашди. Аҳолини қийнаётган муаммолар ечими бўйича тавсиялар берилди, айрим мурожаатлар жойида ҳал этилди.
Сайёр қабулда қурилиш, электр, йўл, саломатликни мустаҳкамлаш каби масалалардаги мурожаатлар тегишли тартибда назоратга олинди.
🔹Ўзбекистон Республикаси Давлат Мустақиллигининг 31 йиллиги муносабати билан Олмурут МФЙда яшовчи Атамирзаевлар хонадонида “Мунис муаллимлар, сизга ташаккур” мавзуида маданий-маърифий тадбир ташкил этилди.
🔸Бугун кунда Замирахон Атамирзаевалар оиласида қизлари Эъзоза, келинлари Муқаддас, Дилноза, Моҳигул Атамирзаевалар таълим соҳасида фаолият юритишади. Шу муносабат билан маърифатли оила аъзоларининг ижтимоий-маънавий муҳит ҳамда таълим ривожига қўшаётган ҳиссалари эътироф этилди.
🔹Мазкур тадбир доирасида туман АКМ томонидан китоблар кўргазмаси, 7,36-мактаблар ўқувчилари томонидан Ватан, ота-она, устозни улуғловчи шеърлар, саҳна кўринишлари ижро этилди. Туман маданият бўлими томонидан байрам дастури намойиш қилинди.
🔸Туман фаоллари томонидан миллий қадриятлар, урф-одатларимиз юзасидан гапириб, ёшларга ибратли ўгитлар, панд-насиҳатлар берилди. Якунда муаллимлар оиласига байрам табриклари, эсдалик совғалари ва китоблар топширилди.