Янгиликлар

17.03.2025

Халқ депутатлари Уйчи туман Кенгаши Коррупцияга қарши курашиш ва хавфсизликни таъминлаш масалалари бўйича доимий комиссия раиси Р.Назарованинг брифингга тайёрлаган ҳисоботи.

Ассалому алайкум, ҳурматли брифинг иштирокчилари!

Коррупцияга қарши курашиш Ўзбекистонда давлат сиёсатининг энг устувор йўналишига айланди. Буни сўнгги йилларда соҳага оид қабул қилинган концептуал аҳамиятга эга норматив-ҳуқуқий ҳужжатлар, коррупциянинг олдини олишга қаратилган маъмурий ислоҳотлар мисолида ҳам кўришимиз мумкин. Президентимизнинг “Жамиятни «ҳалоллик вакцинаси билан эмлаш» зарурияти” ҳақидаги фикрлари бу борадаги ишларга қўйилган тамал тоши десак, асло муболаға бўлмайди. Зеро, Юртбошимиз 2020 йилнинг 24 январь куни Ўзбекистон Республикаси Олий Мажлисига қилган Мурожаатномасида таъкидлаганидек, «Жамиятимизда коррупция иллати ўзининг турли кўринишлари билан тараққиётимизга ғов бўлмоқда. Бу ёвуз балонинг олдини олмасак, ҳақиқий ишбилармонлик ва инвестиция муҳитини яратиб бўлмайди, умуман, жамиятнинг бирорта тармоғи ривожланмайди». Коррупция –бу жамиятни турли йўллар билан исканжага оладиган даҳшатли иллатдир. Мазкур иллат демократия ва ҳуқуқ устуворлиги асосларига путур етказади, инсон ҳуқуқлари бузилишига олиб келади, ҳаёт сифатини ёмонлаштиради ва одамлар хавфсизлигига таҳдид соладиган уюшган жиноятчилик, терроризм ва бошқа ҳодисалар илдиз отиб, гуллаши учун шароит яратиб беради.

Халқ депутатлари Уйчи туман Кенгаши Коррупцияга қарши курашиш ва хавфсизликни таъминлаш масалалари бўйича доимий комиссияси жорий йил учун 12 банддан иборат тадбирлар режасини белгилаб олган. Бунда асосий эътибор ҳуқуқбузарликлар профилактикаси, жамоат тартибини сақлаш, йўл ҳаракати хавфсизлигини таъминлаш борасидаги ишлар, туманда “Хавфсиз ва равон йўл” умуммиллий дастури, автомобиль йўлларида инсон хавфсизлигини ишончли таъминлаш доирасида амалга оширилаётган ишлар, ҳар бир соҳа бўйича амалга оширилаётган ислоҳотларни аҳолига етказиш, бунда, ОАВлардан, интернет тармоғидан фойдаланиш ҳолатларини ўрганиш ва натижаларини муҳокама этиш, тумандаги давлат органлари фаолиятида “Давлат ҳокимияти ва бошқаруви органлари фаолиятининг очиқлиги тўғрисида”ги Қонунига риоя этилиши йўналишларга қаратилган.Жорий йилнинг ўтган даврида комиссиямиз томонидан туман Ички ишлар бўлими, туман прокуратураси, Адлия бўлими, мажбурий ижро бўлими, Халқ қабулхонаси ва бошқа давлат ташкилотлари фаолияти бўйича ҳисоботлари доимий комиссияда ҳамда Халқ депутатлари Кенгаши Сессияларида муҳокама қилиниб, ҳисоботи эшитилди, тегишлича қарорлар қабул қилиниб “E.kengash” платформаси орқали аҳолига етказиш чоралари кўрилди. Бундан ташқари Халқ депутатлари туман Кенгаши сессиялари тўғридан тўғри эфир орқали узатилиб, сессия материаллари туман рўзномаси ва туман интернет саҳифаларида кузатиб бориш имконияти яратилмоқда.

Жорий йил 5 март куни Президентмиз раислигида коррупциянинг олдини олиш бўйича ишлар натижадорлиги ва келгусидаги устувор вазифаларга бағишланган кенгайтирилган йиғилиш бўлиб ўтди.Давлатимиз раҳбари сўзининг аввалида ислоҳотлар ҳал қилувчи босқичга кираётган ҳозирги вақтда юртимизда коррупциядан холи муҳит яратиш бўйича ишларга баҳо бериб, келгуси вазифаларни аниқ белгилаб олиш зарурлигини таъкидладилар.

Коррупцияни таг-томири билан қуритиш учун аввало инсон омили ва қоғозбозликни камайтиришга алоҳида эътибор қаратилгани айтиб ўтилди. "Коррупцияга қарши курашда барчамиз ягона куч бўлиб ҳаракат қилсак, албатта, янада катта ижобий самарага эришамиз.Шу боис, маҳалла фаоллари, нуронийлар, зиёлилар, ёзувчи ва шоирлар, санъат ва маданият ходимлари, тадбиркорлар, таниқли шахслар, раҳбарлар, депутат ва сенаторлар – умуман бутун жамоатчилик бирлашиб, коррупцияга “жамият танасидаги саратон” сифатида қарашимиз керак.

Халқ депутатлари Уйчи туман Кенгаши Коррупцияга қарши курашиш ва хавфсизликни таъминлаш масалалари бўйича доимий комиссияси ҳам келгусидаги фаолиятида бунга алоҳида эътибор қаратади ва барча ҳамюртларимизни фаолликка, ҳамкорликка чақиради.

Эътиборингиз учун раҳмат!

17.03.2025

Уйчи тумани Пастгузар маҳалласида "Замон мега дом строй" МЧЖ томонидан дастур доирасида суғориш тармоғини реконструкция қилиш ишлари амалга оширилмоқда. Айни вақтда 900 метр ички ариқ бетонлаштирилмоқда. Иш якунласа, мазкур ҳудудда яшовчи аҳолининг томорқа хўжалигига сув етказиб бериш имконияти яратилади.

17.03.2025

УЧ АВЛОД УЧРАШУВИ

Жийдакапа маданият марказида “Уч авлод учрашуви” бўлиб ўтди.

Унга Деҳқон маҳалласида яшовчи Маҳмудилла  Юнусов ҳамда Ҳамидахон Мирзааҳмедова, Бўстон маҳалласида яшовчи Рислиқхон ая ва Эргашали ота Исомиддинов,  Қумтепа маҳалласида яшовчи Жамилахон ая ҳамда Абдулаббос Акбаровлар таклиф этилди. Улар 51, 55, 58 йил оилалари билан тинч-тотув яшаб, фарзандларини комил инсонлар қилиб тарбиялашган. Тадбирга ҳарбийлар, ёш авлод вакиллари ҳам таклиф қилинди.

Республика “Нуроний” жамғармаси туман бўлими бошлиғи Т.Исматиллиев, меҳнат фахрийси Н.Раҳматов, байналминалчи жангчи Н.Бойматов, Республика маънавият ва маърифат маркази туман бўлинмаси бош мутахассиси Д.Абдиқахаровлар тадбир мазмун-моҳияти ҳақида тўхталиб, кексаларга ҳурмат, ёшлар тарбияси, оилани асраш ҳақида мулоҳазалар билдиришди.

2, 14-мактаблар ўқувчилари иштирокидаги бадиий чиқишлар кечага янада файз бағишлади.

Тадбир ниҳоясида кеча қаҳрамонларига ташаккурнома ҳамда эсдалик совғалари топширилди. Учрашувни ташкил этишда Қумтепа МФЙ кексалар маслаҳат гуруҳи раиси М.Юлдашев жонбозлик кўрсатди.

17.03.2025

🔹Uychi tumani maktabgacha va maktab ta’limi bo‘limiga qarashli 46 ta maktab direktori va ularning o‘rinbosarlari ishtirokida yig‘ilish bo‘lib o‘tdi.

👉Unda tuman IIB boshlig‘i Umidjon Eshanov, tyman maktabgacha va maktab ta’limi bo‘limi boshlig‘i Muzaffar Mo‘minov ishtirok etdi.

🔹Yig‘ilishda Oʻzbekiston Respublikasi Prezidentining 2025-yil 3-yanvardagi PQ-1-sonli qarori ijrosi boʻyicha 2025-yil davomida мактаб oʻquvchilar tomonidan jinoyatlar sodir etilishini keskin kamaytirish, davomat masalasi, 2024- yilning 12 oyi va joriy yil 2 oyi davomida tuman hududida maktab o‘quvchilari tomonidan sodir etilgan o‘g‘irlik, bezorilik, tan jarohati yetkazish, nomusga tegish bilan bog‘liq bo‘lgan jinoyatlar muhokama qilindi.

✔️O‘zaro savol-javob, tahlil asosida o‘tgan yig‘ilishda ijtimoiy-ma’naviy muhitni sog‘lomlashtirish, o‘zaro hamkorlik, o‘quvchilar o‘rtasida jinoyatchilikka nisbatan murosasizlik ruhini shakllantirish kerakligi alohida ta’kidlandi.

17.03.2025

Ассалому алайкум, ҳурматли брифинг иштирокчилари!

Уйчи туманида, “Яшил макон” умуммиллий лойиҳаси доирасида 2021-2024 йилларда 4 млн 502 минг туп дарахт кўчатлари экилди.

Хусусан, Вазирлар Маҳкамасининг 2024 йил 7 март кунги 144-Ф сонли фармойиши билан баҳор мавсумида 737.5 минг туп, куз мавсумида 518.1 минг 2024 йилда жами 1 млн 255 минг туп кўчат экиш ишлари амалга оширилди.

2025 йил баҳор мавсуми учун кўчат экиш прогноз кўрсаткичлари режаси 746.2 минг туп манзарали, мевали ва бошқа турдаги дарахт кўчатларини экиш режалаштирилган.

Шундан соҳалар кесимида қуйидагича

- Фермер хўжаликлари далалари четларида иҳота барпо қилиш учун 236,5 минг туп;

- Боғзорлар, токзор ва янги тутзорлар барпо этишга          270,2 минг туп;

- МФЙлар, аҳоли томорқалари атрофига 104,9 минг туп;

- Ободонлаштириш бошқармалари ҳудудларига 32,5 минг туп;

- Ўрмон фонди ерларида ўрмон барпо этишга 14 минг туп;

- Автомобил ва темир йўлар бўйларига 9,1 минг туп;

- Дарёлар, каналлар, ариқлар ва зовурлар бўйларига 9,6 минг туп;

- Саноат корхоналари томонидан “яшил белбоғ”лар барпо этишга 36 минг туп;

- Мактабгача ва мактаб таълими муассасалари ҳудудларига 0,7 минг туп;

- Соғлиқни сақлаш объектлари ҳамда уларга туташ ҳудудлар 0,7 минг туп;

- Олий таълим муассасалари ҳамда уларга туташ ҳудудлар 1,9 минг туп;

- Вазирлик, идоралар, хўжалик бирлашмалари ва корхоналар ҳамда уларга туташ ҳудудларга 26,8 минг туп;

Тижорат банклари 3,3 минг туп;

Туманда 1 гектардан “Яшил боғ” ва 0,5 гектардан кам бўлмаган “Яшил жамоат парки” ташкил этилади.

“Менинг боғим” лойиҳаси доирасида барча туман ва шаҳарларда жамоатчилик фикри асосида “Яшил боғ” ёки “Яшил жамоат парки” барпо этиш режалаштириляпти.

“Яшил макон” умуммиллий лойиҳасини амалга оширишда янгиланган назорат механизми татбиқ этилиб,

Биринчи босқичда, “Яшил макон” умуммиллий лойиҳаси доирасида yashilmakon.eco ахборот тизимига ташкил этилган штаблар томонидан кунлик маълумотлар (кўчат тури, сони, сув таъминоти, манзили) киритиб борилади.

Иккинчи боcқичда, планшетлар билан таъминланган 3 нафар экоинспекторлар томонидан штаблар киритган маълумотлар ҳаққонийлиги жойига чиқиб текширилади ва планшетларида расмларга олинган ҳолда геолокация орқали экилган жойи белгиланиб, тасдиқланади.

Учинчи босқичда, инспекторлар экилган кўчатларни парваришлаш мажбуриятини масъулларга далолатнома  асосида бириктириб боради.

“Яшил макон” умумиллий лойиҳаси доирасидаги ишлар туманимизда давом. Туманимизни обод ва кўркам бўлишига ҳар биримиз  ўз ҳиссамизни  қўшайлик!

Эътиборингиз учун раҳмат!