Янгиликлар

20.01.2023

Аномал совуқ об-ҳаво шароитида ижтимоий ҳимояга муҳтож, ногиронлиги бор, имконияти чекланган фуқароларга амалий кўмак берилмоқда.

Уйчи тумани ИИБ бошлиғи, 3-сектор раҳбари Фурқат Мирзаев ташаббуси билан сектор ҳудудидаги Гулистон маҳалласида навбатдаги саховат тадбири уюштирилди. Дошқозонда ош дамланиб, маҳалла ҳудудидаги эҳтиёжманд оилаларга тарқатилди.

Сектор раҳбари Фурқат Мирзаев маҳалла нуронийлари ва фаоллари билан ҳозирги аномал совуқ даврида юзага келган электр таъминотидаги узилишлар ҳақида суҳбатлашиб, ушбу муаммони қисқа муддатларда ҳал қилиниши бўйича барча масъул раҳбарлар туну кун хизмат олиб бораётганини таъкидлади.

20.01.2023

Уйчи туман ДСИ бошлиғи ўринбосари ташаббуси билан Беруний МФЙдаги кўп қаватли уйларда ош дамланиб, кексалар, ногиронлиги бор ва ижтимоий ҳимояга муҳтож эҳтиёжманд оилаларга кийим-бош, озиқ-овқат маҳсулотлари тарқатилди.

Дарҳақиқат, бу синовли кунларда мана шундай эзгу ташаббуслар фуқароларни бир мақсад сари бирлаштирмоқда. Инсонийлик ва меҳр-мурувват дунёни қутқариши бежиз айтилмаган.

Бундай эзгу ишлар давом этмоқда.

20.01.2023

Уйчи тумани ҳокими, 1-сектор раҳбари Шуҳрат Мусаев Ҳожиобод маҳалла фуқаролар йиғинида хонадонбай ўрганишларни олиб борди.

Хонадон олдиларини музламалардан тозалаш, қишнинг совуқ кунларини беталофат ўтказиш мақсадида хонадон эгаларига иситиш печларидан фойдаланишда эҳтиёт бўлиш тушунтирилди. Газ балонларни алмаштириш бўйича тумангаз мутасаддиларига график асосида тарқатиш вазифаси қўйилди. Электрдаги узилишлар бўйича тушунтириш бериб ўтилди.

20.01.2023

Uychi tumani 4- sektor hududidagi yoshlar o'rtasida sportning mini futbol turidan musobaqa o'tkazildi.Ushbu musonaqada faxrli 1-o'rinni Hurriyat MFY, 2-o'rinni Xo'jaobod MFY, 3-o'rinni Yangichek MFY yoshlari qo'lga kiritishdi. G'olib bo'lgan yoshlar tuman DSI va Yoshlar ishlari agentligi tomonidan diplom va esdalik sovg'alari bilan taqdirlandilar.

20.01.2023

Davlat xizmatini rivojlantirish agentligi tomonidan tashkil etilgan navbatdagi o‘quvda Uychi tumani hokimligi apparati xodimlari ham ishtirok etdilar.

Bugungi o‘quvda ishtirokchilarga muhim va dolzarb mavzular haqida ma’lumot berildi.

Siyosiy-ma’rifiy soatda spikerlar ijtimoiy-iqtisodiy, siyosiy-huquqiy va davlat boshqaruvi sohalarida amalga oshirilayotgan islohotlar va qabul qilinayotgan normativ-huquqiy hujjatlarning mazmun-mohiyati hamda ahamiyatiga to‘xtalib o‘tdi.