Янгиликлар

31.10.2023

Уйчи туманида куз-қиш мавсумини беталофат ўтказиш ва тайёргарлик кўриш бўйича ташкил этилган секторлар кесимидаги ишчи гуруҳи фаолияти давом этмоқда.

Айни дамда ишчи гуруҳи бўйича туман ҳокими Шуҳрат Мусаев, туман ИИБ бошлиғи, 3-сектор раҳбари Фурқат Мирзаев Гулзор МФЙда амалга ошириладиган навбатдаги вазифаларни белгилаб бердилар.

Жараёнда мутасаддиларга ҳар иш пухта ўрганилиб, зарурий чоралар кўрилиши таъкидланди.

31.10.2023

Тўртта юқори унумли техника ёрдамида ҳозирга қадар 300 гектар майдонда кузги шудгорлаш якунланди. Ўн кун давомида кузги шудгорлаш тўлиқ якунланиши кўзда тутилган.

"Ёрқўрғон ободончи" фермер хўжалигининг(раҳбари Обидхон Дадахонов) 33 гектар майдонида кузги шудгорлаш сифатли якунланди. Айни вақтда бу хўжаликда "Яшил макон" умумиллий лойиҳаси асосида кўчат экишга жой ҳозирланмоқда.

"Хосиятхон она" фермер хўжалигининг 15 гектарлик картасида ҳайдов уюшқоқликда давом этмоқда.

28.10.2023

Уйчи тумани 1-сектор ҳудудидаги Уйчи жисмоний тарбия ва спорт техникумида  навбатдаги  сайёр қабул ўтказилди.

Унда туман ҳокими Ш.Мусаев, туман ҳокимининг ўринбосарлари,  мутасадди ташкилотлар раҳбарлари қатнашдилар.

Ўтказилган сайёр қабулда  фуқаролар ўзларини қизиқтирган саволларга ҳамда ечимини кутаётган муаммоларига бевосита  раҳбарлардан жавоб олдилар.

Сайёр қабулда  тиббиёт,  электр, бандлик, контракт тўлови, кредит олиш ва бошқа масалалардаги мурожаатлар эшитилди. 18 та мурожаатдан 5 таси жойида ҳал этилди. 6 нафар  фуқаронинг  мурожаатига тушунтириш берилди, маълум бир вақт талаб этадиган 7 та  мурожаат  тегишлилиги юзасидан дахлдор мутасаддиларга йўналтирилди ва ижроси назоратга олинди.

28.10.2023

Унда иштирок этган инспекция ходимлари, маҳалла фуқаролар йиғинлари раисларига  туман иқтисодиётининг асосий таянчи бўлмиш мулк ва ер солиқларини ундиришда фуқаролар ўртасида тарғибот ишларини тўғри ташкил этиш юзасидан кўрсатмалар берилди.

25.10.2023

Xalq deputatlari tuman Kengashining oltinchi chaqiriq

66-sessiyasini chaqirish toʼgʼrisida

“Mahalliy davlat hokimiyati toʼgʼrisida”gi Oʼzbekiston Respublikasi Qonunining 17-moddasiga muvofiq

QАROR QILАMАN:

• I. Xalq deputatlari Uychi tuman Kengashining oltinchi chaqiriq 66-sessiyasi 2023-yil 31-oktabr kuni soat 10-00 da tuman hokimligining katta majlislar zaliga chaqirilsin.
• II. Xalq deputatlari tuman Kengashining oltinchi chaqiriq 66-sessiyasi kun tartibiga quyidagi masalalar kiritilsin:
• Uychi tumani sektor rahbarlarining tumanni kompleks ijtimoiy-iqtisodiy rivojlantirish, aholining turmush tarzi va ijtimoiy  muhofazasini yaxshilash, tadbirkorlikni  rivojlantirish va huquqbuzarliklar profilaktikasi bo`yicha  ishlarni tashkil etish yuzasidan hisobotlari haqida.
• Jinoyat ishlari boʼyicha Uychi tuman sudi, Uchqoʼrgʼon tumanlararo iqtisodiy sudi, Fuqarolik ishlari boʼyicha Uchqoʼrgʼon tumanlararo sudi raislarining axboroti toʼgʼrisida.
• Uychi tumani adliya boʼlimi boshlig`ining tumandagi davlat organlari va tashkilotlarining norma ijodkorligi hamda huquqni qoʼllash amaliyoti holati toʼgʼrisida axboroti haqida.
• Tuman ichki ishlar boʼlimi boshligʼi oʼrinbosarining jamoat xavfsizligi haqidagi hisoboti.
• Uychi tuman tibbiyot birlashmasi boshligʼining sogʼliqni saqlash tizimida 2023 yil oʼtgan davrida amalga oshirilgan ishlar, kelgusidagi rejalar toʼgʼrisidagi hisoboti haqida.
• Uychi tumani “Fuqarolar tashabbusi jamg‘armasi” mablag‘lari hisobidan “Ochiq byudjet” axborot portali orqali eng ko‘p ovoz to‘plagan takliflar uchun mablag‘ ajratish to‘g‘risida.
• 7. Boshqa masalalar.

Tuman hokimi                                         Sh.Musayev