Янгиликлар

13.01.2025

Аҳоли билан доимий мулоқот ва мурожаатларга ечим топиш, фуқаролар дардини эшитиш, қийнаётган муаммоларга ечим топиш асосий вазифага айланди.

Уйчи тумани ҳокими, 1-сектор раҳбари Ш.Мусаев туман Халқ қабулхонаси бошлиғи иштирокида мутасадди ташкилот вакиллари билан Ҳожиобод МФЙ фуқароларига сайёр қабул ўтказди.

Қабул давомида 15 та мурожаат тингланди. Ҳар бир мурожаат алоҳида назоратга олинди, уларни ҳал этиш вақтлари белгиланди. Ижобий ҳал этиш бўйича ташкилот вакилларига вазифалар белгилаб берилди.

11.01.2025

Уйчи туманидаги 26-мактабда шахмат бўйича умумтаълим мактаблари ўқувчилари  ўртасида "Бошқарма бошлиғи кубоги" бўлиб ўтди.

Унда Мактабгача ва мактаб таълими вазирлигининг масъул ходими Ф. Ширинов, туман ҳокимининг ўринбосари А.Собиров, вилоят, туман ММТБ вакиллари иштирок этдилар.

Мусобақа якунларига кўра 1-4-синфлар қизлари ўртасида 36-мактаб ўқувчиси  Ширин Усмонжонова 1-, 6-мактаб ўқувчиси Моҳларойим Шарифжонова 2-, 26-мактаб ўқувчиси Муҳаррам Воҳобжанова 3-ўринларни, ўғил болалар ўртасида 45-мактаб ўқувчиси Асадулло Мирҳамидуллаев 1-, 26-мактаб ўқувчиси Ҳасанбой Илҳомжонов 2-ўрин, 32-мактаб ўқувчиси Исмоил Абдураҳмонов 3-ўринларни қўлга киритишди.

5-11-синфлар ўғил болалари ўртасида 32-мактаб ўқувчиси Сарварбек Ҳошимжонов 1-, 12-мактаб ўқувчиси Ҳасанбой Баҳриддинов 2-, 26-мактаб ўқувчиси  Яҳёбек Ёрқинов 3-ўринларни эгаллашди.

Қизлар ўртасидаги баҳсларда 37-мактаб ўқувчиси Мухтасар Одилжонова  1-, 26-мактаб ўқувчиси Нозима Олимжонова 2-, 36-мактаб ўқувчиси Сарвиноз Зокиржонова 3-ўринларни банд этишди.

11.01.2025

Уйчи туманидаги 8-ДМТТда “Мусиқа машғулотида чолғу асбобларида чалишга ўргатиш" мавзусида мусиқа раҳбарлари Атиқа Мамадалиева, Саида Абдураҳмоновалар томонидан ўқув-семинар бўлиб ўтди.

Семинарда барча ДМТТлардан мусиқа раҳбарлари қатнашдилар. Машғулот жараёнида педагогларнинг ижро услуби ва маҳорати барчага манзур бўлди. Рус тили фани ўқитувчиси Дилдора Темирова ижросидаги қўшиқ ҳам олқишлар билан кутиб олинди.

Тарбиячилар Мафтуна Дўланова, Муаззам Исроилова, дефектолог Сурайё Набижановалар ҳам тадбир давомида ўз маҳоратларини кўрсатишди.

11.01.2025

🟢Namangan viloyatining Uychi tumanidagi "Ittifoq" mahallasida ijtimoiy muammolarni hal qilish borasida olib borilayotgan samarali ishlar va tajribalarni ommalashtirish maqsadida maxsus o‘quv-amaliy seminar tashkil etildi. Ushbu seminar kambag‘allikni qisqartirish va fuqarolarni ijtimoiy farovonlikka yetaklash yo‘lida innovatsion yondashuvlarni ilgari surishga qaratildi.

🧮Seminarning asosiy qismi "Ittifoq" mahallasida samarali faoliyat olib borayotgan kompleks ijtimoiy xizmat ko‘rsatuvchi xodimning tajribasi va ishlash uslublarini boshqa hududlarda ham qo‘llash imkoniyatlarini o‘rganishga bag‘ishlandi. Seminar davomida tuman va shahar "Inson" ijtimoiy xizmatlar markazlarining bosh ijtimoiy xodimlari hamda supervayzerlari ishtirok etdilar.

💻Kunning birinchi qismida bosh ijtimoiy xodimlar tomonidan fuqarolarni "Kambag‘allik reestri"dan chiqarish bo‘yicha taqdimotlar namoyish etildi. Ular o‘z hududlarida qo‘llanilayotgan metodlarni, shuningdek, aholining ijtimoiy-iqtisodiy holatini yaxshilash borasidagi innovatsion yondashuvlarini tanishtirdilar.

👥Kunning ikkinchi yarmida seminar ishtirokchilari "Ittifoq" mahallasida amalga oshirilgan muvaffaqiyatli keyslar bilan yaqindan tanishdilar. Xonadonlarga borib, ularning hozirgi ijtimoiy-iqtisodiy ahvoli o‘rganildi, mavjud muammolar va ularning yechimlari bo‘yicha amaliy ko‘rsatmalar berildi. Ushbu yondashuv kambag‘allikni qisqartirishda mahalliy sharoitlarni chuqur o‘rganish va individual yondashuvning ahamiyatini yana bir bor ko‘rsatdi.

⚠️Seminar davomida ishtirokchilarning savollariga boshqarma mutaxassislari batafsil javob berib, mavjud tajribalarni kengaytirish bo‘yicha zaruriy tavsiyalarni berdilar. Shuningdek, kelgusida ushbu tajribalarni boshqa tumanlarda ham joriy etish rejalashtirildi.

✅Mazkur o‘quv-amaliy seminar kambag‘allikni kamaytirish bo‘yicha tizimli ishlarni yanada takomillashtirishda muhim qadam bo‘ldi. Ishtirokchilar o‘z hududlarida bu uslub va yondashuvlardan samarali foydalanishga tayyor ekanliklarini bildirdilar.

🟢Ijtimoiy himoya milliy agentligi Namangan viloyati boshqarmasi matbuot xizmati

10.01.2025

ҚУМТЕПА КЧС - ЯНГИ ИМКОНИЯТЛАР САРИ

ЖИЗЗАХЛИК ВАКИЛЛАР САНОАТ ЗОНАСИДА

Уйчи тумани 3-сектор ҳудудидаги Қумтепа ёшлар кичик саноат зонасининг биринчи босқичида умумий қиймати 55,0 млрд. сўмлик 52 та лойиҳа ишга туширилиб, 1500 дан зиёд иш ўрни яратилди.

Бугунги кунга келиб, темирчилик саноат зонасининг 2-босқичи учун қўшимча 2,0 гектар майдон ажратилиши натижасида 33 та ёш уста ҳунарманд томонидан қиймати 22,1 млрд. сўмлик лойиҳа амалга оширилиб, 500 дан зиёд янги иш ўринлари яратилди. Мазкур саноат зонасининг ташкил этилиши ҳудудда фаолият юритаётган ёш темирчи уста-ҳунармандлар учун айни муддао бўлди.

Жиззах вилоятидан ташриф буюрган бир гуруҳ вакиллар бугун Қумтепа КСЗ бўлиб, тадбиркорлар томонидан амалга оширилаётган ишлар билан танишдилар ва ўзаро тажриба алмашдилар.