Сўнгги янгиликлар
ОРОМГОҲ БОЛАЛАРНИ ЧОРЛАЙДИ
ТАБИАТГА МЕҲР БОЛАЛИКДАН УЙҒОНАДИ
УЧ АВЛОД УЧРАШУВИ
ЎҚУВ-СЕМИНАР
Янгиликлар
Тасдиқланган бош режага кўра Қумтепа МФЙ ҳудудидан ажратилган мазкур саноат зонасининг 3,1 гектар ер майдонидаги 52 та лотда умумий қиймати 20,2 млрд. сўмлик темирчиликка ихтисослашган инвестицион лойиҳалар амалга оширилади. Ҳудуддаги Қумтепа, Деҳқон, Баландариқ, Жийдакапа МФЙларидан ишсиз фуқароларни ишга жалб этиш орқали 650 та янги иш ўринлари яратилади. Шунингдек, туман ҳудудида 244 та темирчилик билан шуғулланувчи аҳоли хонадонларидаги тадбиркорлик фаолиятлари учун шарт-шароитларга эга инфратузилма яратилади.Бугунги кунда кичик саноат зонасининг 6 та лотида ишлаб чиқилган лойиҳа асосида намуна сифатида қуриш учун танлаб олинган лидер тадбиркорлар томонидан қурилиш ишлари якунланмоқда. Ушбу “Қумтепа” кичик саноат зонасида 46 та лот “е-auksion” савдоларида бошланғич 429,1 млн.сўмга сотувга чиқарилган бўлиб, 37 та лот “Онлайн аукцион” орқали ўз эгасини топган. Инвестицион лойиҳаларнинг дастлабки қурилиш ишлари бошланмоқда ҳамда 9 та лотда “Онлайн аукцион” орқали қайта аукцион савдоси ўтказилиши режалаштирилмоқда.Лойиҳа ташаббускорларига шарт-шароитлар яратиш мақсадида саноат зонани барча инфратузилмалар билан таъминлаш учун жами 3,9 млрд. сўм маблағ сарфланиши кўзда тутилган.Наманган вилоят ҳокими Шавкатжон Абдуразаков саноат зонаси билан танишув жараёнида қурилиш ишларини жадаллаштириш ва сифатга алоҳида эътибор қаратиш зарурлигини таъкидлади.
Уйчи тумани прокурори, 2-сектор раҳбари Шерзод Раҳимов Қумтепа кичик саноат зонасида бўлиб, тадбиркорлик субъектлари билан учрашди ҳамда лойиҳаларни ўз вақтида ишга тушириш бўйича масъул ташкилотларга топшириқлар берди.