Бугун Наманганда 30 мингдан зиёд тадбиркорлик субьектлари фаолият олиб бормоқда. Айнан давлатимиз раҳбарининг тадбиркорни қўллаб-қувватлаш борасидаги қарор ва фармонлари натижасида шу йилни ўзида 7 700 та янги корхоналар иш бошлади. Муҳими 23 мингга яқин иш ўринлари яратилди.
Наманган вилояти ҳокимлигида бўлиб ўтган тадбирда вилоят иқтисодиётини ривожлантириш, аҳоли учун иш ўринлари ярашиш, экспорт салоҳиятини ошириш, маҳаллийлаштириш борасида фаоллик кўрсатган бир гуруҳ наманганлик тадбиркорлар Президентимиз ва халқ эътирофи бўлган “Фаол тадбиркор” кўкрак нишонларини вилоят ҳокими топширди.
Тадбиркор бой бўлса, халк бой бўлишини янги Ўзбекистоннинг тараққиёт йўли кўрсатди. 20 августни тадбиркорлар куни деб белгиланиши эса ишбилармонларга янги қанот берди. Президентимизнинг ўтган йил тадбиркорлар билан ўтказган очиқ мулоқотда берилган имтиёзлар, яратилган янги имконият майдони бугун Наманганда ҳам янги тадбиркорларни кашф этди, улар сафини кенгайтирди.
Вилоятда ҳафтани ҳар чоршанба куни тадбиркорлар куни деб белгиланиши ва вилоят ҳокимининг тадбиркорлар билан очиқ мулоқоти натижасида мингга яқин мурожатлар ўрганилиб, уларнинг 91 фоизи ҳал этилди.
Бугун тадбиркорликнинг турли йўналишларида намунали фаолият олиб бораётган йирик ва кичик бизнес вакилларини Президентимиз қарори билан “Фаол тадбиркор” кўкрак нишони билан тақдирлангани ҳам соҳа эгаларига куч, шижоат бергани рост.
Меҳнатлар эътирофи янги илҳомга йўл, янги ғояларга эшик очиши бор гап. Сўзга чиққан тадбиркорлар айнан тадбиркорлик муҳити бугун тадбиркорларни бор сармоясини қўрқмай сарфлашга, йирик лойиҳаларни ишга солиш имконини берганини айтиб, муҳими тадбирокрлар ортида муҳтарам Президентимиз борлиги ва эътибор кундан-кун кучайиб бораётганини эътироф этиб, ташаккур изҳор этдилар.