Уйчи туман маданият марказида ана шу номдаги Республика кўрик-танловининг туман босқичи бўлиб ўтди. Унда барча тарғиботчилар фаол иштирок этиб, Низом талаблари асосида 8 та йўналиш бўйича ҳакамлар ҳайъати томонидан баҳолаб борилди.
Низом талабига кўра 1,2,3-ўринга 2 нафардан номзод танлаб олинди. 26,36-мактабларнинг тарғиботчилари Шокиржон Бойхонов, Машҳура Аҳмаджоновалар биринчи ўринни қўлга киритишди. 8,11-мактаблар тарғиботчилари Раъно Асқарова, Алишер Жўраевлар иккинчи, 2-, 23, 43-мактаблар тарғиботчилари Маҳаммаджон Нишонов, Моҳирахон Холмирзаевалар фахрли учинчи ўринларни эгаллашди.
Танлов якунида туман ҳокимининг ўринбосари А. Собиров, Республика Маънавият ва маърифат маркази туман бўлинмаси раҳбари Э.Юнусова ғолибларга туман ҳокимлигининг эсдалик совғаси ҳамда туман маънавият ва маърифат кенгашининг дипломларини топширдилар. “Тарона” ашула ва рақс халқ ансамбли хонандалари томонидан маданий хизмат кўрсатилди.