Наманган вилоят ҳокимлигининг Ягона буюртмачи инжиниринг компанияси буюртмасига асосан мазкур қурилиш ишлари “Уйчитумангаз” филиалидан
Уйчи айланма йўлига қадар амалга оширилиши режалаштирилган. Узунлиги 5 километр , эни 3 метрли мазкур йўлакнинг 60 сантиметри кўзи ожизлар, 1,5 метри велосипед учун мўнжалланган. Кўзи ожизлар учун мўнжалланган қисмидаги вручаткаларда махсус бўртиқлар бўлиб, чорраҳага келган одам бурилиш, тўхташ, ўнгга ва чапга ҳаракатланиш белгиларини мустақил топа олади. Тошкентдаги “Ибрат” компаниясида ишлаб чиқарилган вручатканинг яна бошқа афзаллик томонлари ҳам бор. Музлама вақтида сирпанчиқ юзага келмайди, мустаҳкам ва чидамли, кўчиб кетган вақтида ўрнини янгилаш ҳам осонроқ. Ўйдим-чуқур бўлмайди.
Шунингдек, ҳар икки йўл четида 9800 квадрат метр жойда кўкаламзорлаштириш ишлари амалга оширилмоқда. Яшил майдонларни суғориш учун иккита сув ҳовузи қуриляпти. Бундан ташқари, иккита "Воркаут" ҳамда иккита "Стритбол" майдонлари қилинади.
7 млрд. сўмдан ортиқ маблағ эвазига бунёд этилаётган мазкур қурилиш ишлари якунланса, туман марказида пиёдалар, велосипедда ҳаракатланувчилар ҳамда кўзи ожиз фуқаролар учун қулай имкониятлар яратилади.
Уйчи туман ҳокимлиги ахборот хизмати.