Уйчи туманида ташкил этилган “Оила ва хотин-қизлар маскани”да маҳаллалардан ўқиш истагида бўлган хотин-қизлар сафи кундан-кунга ортмоқда. Касб-ҳунар ва тадбиркорликка йўналтириш, ҳунармандчилик, компьютер саводхонлиги ўқув курслари учун 1200 нафардан ортиқ рўйхат шакллантирилди ва тренерлар томонидан йил давомида ўқитиш графиги тасдиқланди.
Бугун “Оила ва хотин-қизлар маскани”га келган аёллар учун малакали тренер Нигора Хайруллаева томонидан тренинг машғулоти ўтказилди. Тренинг давомида аёлларга ўзига бўлган ишонч, шукроналик, аёлларнинг оилада ва жамиятдаги ўрни ҳақида маълумот берилди.