Уйчи туманидаги 37-мактаб психологи Феруза Қодирова юқори синф ўқувчилари билан "Замонавий касблар ва электрон қурилмалар" мавзусида очиқ машғулот ўтиб берди.
Машғулотни 10-синф ўқувчиси Баҳромжон Жалолиддинов тренер ўқитувчи сифатида олиб борди. Ўқувчилар баҳс-мунозара, жамоавий ишлаш ва янги лойиҳалар ғояларини биргаликда ишлаб чиқишди.
Очиқ машғулотда иштирок этган туман ИИБ бошлиғи У.Эшонов, 4-сектор раҳбари М.Қодиров, туман ҳокимлиги вакиллари А.Собиров, Ж.Қосимов, туман ММТБ бошлиғи М.Мўминов, ёшлар ишлари агентлиги туман бўлими раҳбари М.Зоитов, туман ММТБ ташхис бўлими раҳбари М.Эргашевлар ўқувчиларнинг икки-уч тилда бемалол сўзлаша олиши, дарс давомидаги маҳоратлари ва билимларига юқори баҳо беришди. Ўқувчиларга эсдалик совғалари топширилди.
Баҳромжон Ғайбуллаев бошчилигидаги мактаб жамоасига муваффақиятлар, янги марраларни забт этишлари тиланди.