Уйчи туманида “Яшил макон” лойиҳаси доирасида ИИБ ходимлари томонидан кўчат экиш акцияси ўтказилди.
Лойиҳа доирасида кўчат экиш акцияси туман ИИБ биносида ташкил этилди. Тадбирда ИИБ бошлиғи У.Эшанов, ўринбосарлар, соҳавий хизматлар ва профилактика инспекторлари қатнашдилар.
Экилган кўчатлар узоқ йиллар давомида юртимиз кўркига кўрк қўшиши, ранг-баранг гуллар инсонлар учун хушкафият улашишига хизмат қилиши таъкидланди.
"Яшил макон" лойиҳаси доирасидаги тадбирлар маҳаллалар ва ИИБ ходимлари хизмат уйларида ҳам ташкил этилди. Бугунги тадбирда 125 туп павлония, 45 туп манзарали, 120 туп мевали дарахт, 250 туп гул кўчатлари ўтқазилди.
