Уйчи тумани Беруний МФЙда жойлашган 1-мактаб ўқувчи-ёшлари иштирокида ижтимоий-маънавий муҳитни соғломлаштириш, ўсиб келаётган авлодни ватанга садоқат руҳида тарбиялаш ҳамда ёшларни терроризм, радикализм каби салбий иллатлардан асраш мавзуларида мулоқот ўтказилди.
Мулоқот давомида дунёда дин ниқоби остида содир этилаётган хунрезликлар муҳокама қилиниб, юртимизда ҳукм сураётган тинчлик ва осойишталикнинг қадрига етиш, лоқайд ва бепарволикка йўл қўймаслик бўйича тушунчалар берилди. Иштирокчиларга "Сохта даволар” номли видеоролик намойиш этилди.