Наманган вилояти ҳокимининг биринчи ўринбосари бошчилигида Уйчи туманида паст қувватда ишлаётган саноат корхоналари фаолияти ўрганилди.
Ҳудудларда саноат корхоналарининг ишлаб чиқариш қувватини ошириш ҳамда саноат ҳажмини кўпайтириш бўйича вилоят ҳокимининг биринчи ўринбосари А.Абдулхамидов, туман ҳокимининг биринчи ўринбосари Ф.Мамадалиев ҳамда тегишли ташкилот масъуллари томонидан жойларга чиққан ҳолда иш ташкил этилмоқда.
Тумандаги “NEWSTAR TEX GROUP” МЧЖ янги лойиҳаларини коммуникацияга уланиш, “Абдулвоҳид Билол Шамсиддин меҳнат” МЧЖ экспорт амалиёти, “Extra premier bat” МЧЖ хомашё, “Водий кумуш парранда” МЧЖнинг канализацияга уланиш каби муаммоли масалалари, шунингдек, тумандаги “Овчибулоқ”, “Ёркатай”, “Қумтепа” кичик саноат зоналарида саноат маҳсулотлари ишлаб чиқаришни ошириш бўйича муаммолари ўрганилди ва масъуллар иштирокида ҳал қилишга киришилди.
@uychihokimligi