Уйчи туманида ғўза парваришида биринчи комплекс ишлов бериш, жумладан, культивация, чуқур юмшатиш, яганалаш ва чопиқ ўтказиш, минерал ўғитлар билан озиқлантириш, ғўзани баргидан биостимуляторлар билан озиқлантириш ҳамда ғўза зараркунандаларига қарши курашиш, биомаҳсулот қўйиш, олтингугурт чангитиш бўйича вилоят кўргазмали семинар йиғилиши ўтказилди.
“Зарбол Навоий” ММТП ҳудудидаги “Илҳомжон Икромжон” фермер хўжалигида бўлиб ўтган семинарда вилоят ҳокимининг ўринбосари А.Ҳакимов иштирок этиб, навбатдаги муҳим вазифаларни белгилаб берди.