Уйчи тумани прокурори, 2-сектор раҳбари ташаббуси билан туман маданият марказида концерт дастури уюштирилди.
Туман аҳолиси ва ёшларининг маданий дам олишлари ва бўш вақтларининг мазмунли ўтишини таъминлаш мақсадида ташкил этилган тадбирни туман ҳокимининг ўринбосари Аброр Собиров очди.
Дастур давомида янграган тинчлик, она-Ватанни улуғловчи, меҳр ва садоқатни тараннум этувчи куй-қўшиқлар йиғилганларга хуш кайфият, кўтаринкилик бағишлади. Ёшларда юрт равнақи, эртанги кун тараққиёти учун даҳлдорлик ҳиссини оширди.