Уйчи туманида бугунги кунда 6 хил йўналишдаги корхона хорижий инвестиция маблағлари асосида ташкил этилган.
Ахси МФЙ ҳудудида фаолият юритаётган "Uychi chemical" МЧЖ қўшма корхонасига юз фоиз хорижий инвестиция маблағлари асосида хитойлик инвестор Хан Жианмин томонидан асос солинган.
Айни вақтда мазкур корхонада кимёвий маҳсулотлар ишлаб чиқариш йўлга қўйилди. Ҳозирда кир ювиш машинаси, идиш-товоқлар учун суюқлик, суюқ совун, бир нечта кимёвий маҳсулотлар ишлаб чиқарилмоқда.
Бу ерда 20 дан ортиқ ишчи ўрни яратилган. Келгусида аёллар ва эркаклар сумкасини ишлаб чиқариш мақсад қилинган.
Бугун Наманган вилояти ҳокими Шавкатжон Абдураззоқов мазкур корхонада бўлиб, фаолиятни янада кучайтириш борасидаги режалар билан танишди.
Ўз навбатида хитойлик инвесторлар Наманган вилояти ҳокимига кўрсатилаётган эътибор ва амалий ёрдам учун миннатдорлик билдирдилар.
Ўрганиш давом этмоқда.
Наманган вилояти ҳокимлиги ахборот хизмати.