Уйчи туманидаги 22-ИДУМда Ғайрат, Олмурут МФЙйфуқаролари, таълим фидойилари иштирокида “Янги ҳаёт учун, янги Ўзбекистон учун! ” шиори остида навбатдаги тарғибот тадбири ўтказилди.
“Илм-фан, таълим ва тарбия, маънавият биз учун устувор масаладир” мавзусидаги мазкур тадбирни Республика Маънавият ва маърифат маркази туман бўлинмаси раҳбари Э.Юнусова очди.
Туман ҳокимининг ўринбосари А.Собиров, маънавият тарғиботчилари Т.Исматиллаев, Р.Назарова, М.Қирғизовалар Ўзбекистондаги сўнгги ўзгаришлар, унинг дунё ҳамжамиятида тутган ўрни ҳақида гапириб, фарзандларимизда миллий ғоя тушунчаларини шакллантириш биз учун энг долзарб масала эканлиги ҳақида гипиришди.
1-спорт мактаби раҳбари Ш.Мадраимов юртимиздаги бир қатор чемпион, спортчиларни фахр билан тилга олди. Соҳадаги ютуқлар аввало, тинчлигимиз, мустақиллигимиз, бошқа соҳалар каби спортга бўлган эътибордан эканини гапириб ўтди.
