Каналимизга кўплаб мурожаатлар келмоқда. Уларнинг орасида пенсионерлар ҳам бор. Коронавирус пандемияси (https://t.me/zednewsuz/3534)вақтида уйдан чиқмай туриб, пенсияни олиш мумкинми, дея қизиққан улар. Пенсия тарқатиш вазифасини Халқ банки аллақачон замон ва вазиятга мослаб олган. Эндиликда банк ходимлари пенсия пулларини ҳар бир хонадонга ўзлари етказиб беради. Бунинг учун улар дам олиш кунисиз ишлайди ва уларга меҳнат қонунчилиги бўйича ҳақ тўланади. Бу хавфсизми? Пенсия пуллари стерилланган пакетларда тарқатилади. Ходимларнинг барчаси тиббий ниқоб, қўлқоп, антисептик гел ва бошқа зарурий жиҳозлар билан таъминланган. Бундан ташқари, машина етишмагани учун 290 та инкассация автомобили ҳам ёрдамга жалб қилинган. Яна бир вариант Пенсия олиш учун кўчага ҳам чиқманг, банк ходими пенсиянгизни бериб кетишини ҳам кутманг. Бунинг-да йўли бор: Халқ банки пенсия овердрафт картасидан фойданишни тавсия қиляпти.

Хитойлик бир гуруҳ шифокорлар коронавирусга қарши курашда кўмаклашиш учун 30 март куни Ўзбекистонга келиши кутиляпти. Кейинроқ уларнинг сафига яна 15 нафар хитойлик тиббиёт ходими қўшилиши мумкин.Бу ҳақда Kun.uz`га Ўзбекистоннинг Пекиндаги элчихонаси маълум қилди. «Элчихонанинг мурожаатига жавобан, Хитой Халқ Республикаси етакчи шифокорлари гуруҳи жорий йил 30 март куни ўзбек ҳамкасбларига амалий кўмак кўрсатиш учун Ўзбекистонга учиб боришга тайёр эканликларини билдиришди. Шу билан бирга, Хитой Халқ Республикаси ҳукумати яқинда 15 кишидан иборат хитойлик шифокорларнинг яна бир гуруҳини Ўзбекистонга юбориш масаласини кўриб чиқмоқда», – дейилади элчихона ахборотида.

4 март куни АҚШда коронавирус инфекциясига чалинганлар сони 158 кишини ташкил этарди. 30 март куни бу рақам 142 735 тага етди. Шундан 2489 киши ҳаётдан кўз юмди. 30 март куни Ўзбекистонда коронавирус инфекциясига чалинганлар сони 145 кишини ташкил этмоқда. Қатъий чоралар белгиланган муддатнинг охирги санаси – 20 апрелда бу рақам қанча бўлиши сиз ва бизга боғлиқ! Уйда ўтиринг! Коронавирус профилактикаси талабларига амал қилинг, ҳаётингизни, оилангизни, фарзандларингизни, ота-онангизни, халқимиз келажагини хатарга қўйманг!

                   “Bankir va Mijozlar” каналида ёритилган тумандаги иқтисодий идора вакиллари уйма-уй юриб солиқ ундираётганлиги иддао қилинган лавҳага МУНОСАБАТ   Лавҳага маҳалла фуқаролар йиғинларида коронавирус инфекцияси тарқалишига қарши курашиш, тумандаги тадбиркор, саноат корхоналари бир маромда ишлаши ва вирус сабабли тадбиркорлик субъектларида юзага келаётган муаммоларни ўрганиш, жисмоний ва юридик шахслардан мол-мулк ва ер солиқларининг ундирилиши бўйича бириктирилган иқтисодий идора вакилларининг рўйхати илова этилиб, карантин даврида тумандаги иқтисодий идора вакиллари уйма-уй юриб солиқ ундираётганлиги иддао қилинган.Дарҳақиқат, бугунги кунда мамлакатимизда юзага келган вазият, карантин даври ҳар биримиздан ҳушёрлик ва эҳтиёткорликни талаб этади. Юқорида рўйхатда бириктирилган вакиллар туманда карантин даврида иқтисодий барқарорликни таъминлаш, ҳудудлардаги вазиятни ўрганиш ва бевосита ҳал этишга масъул бўлган раҳбар-ходимлар саналади. Масалага дахлдор бўлмаган ишчи-ходимларнинг барчаси маълум муддат таътилга чиқарилган. Халқимиз тинчлиги, саломатлиги, дастурхонларимиз тўкинчилиги учун фидойилик кўрсатиб ишлаётган барча масъул раҳбарлар белгиланган тартиб-қоидаларга риоя этиб, фаолият кўрсатишлари назоратга олинганлигини билдирамиз.   Уйчи туман ҳокимлиги ахборот хизмати.

Ижтимоий тармоқларда ёритилган Уйчи тумани “Деҳқон бозори”да қишлоқ хўжалик маҳсулотлари нархи кескин ошиб кетганлиги ҳақидаги лавҳага МУНОСАБАТ              Уйчи туман ҳокимлиги, туман Давлат солиқ инспекцияси, Ўзбекистон Республикаси Бош прокуратураси ҳузуридаги иқтисодий жиноятларга қарши курашиш департаменти туман бўлими томонидан туманда қишлоқ хўжалик ва озиқ-овқат маҳсулотлари нархи сунъий равишда ошиб кетишининг олдини олиш мақсадида кунлик назорат йўлга қўйилган. Лавҳада 27 март куни туман “Деҳқон бозори”да 1 кг. картошка 6000 сўм, пиёз 3000 сўм, деб кўрсатилган. Ёзувдаги овозда картошка 4500-5000 сўм, пиёз 2000 сўм, деб айтилган.Шу куни ишчи гуруҳ томонидан эрталабдан соат 12.00 гача ва тушдан сўнг 16.00 гача бўлган даврда бозордаги ҳолат ўрганилганда, ҳақиқатда, картошка 3500 сўмдан 5000 сўмгача, пиёз 2000 сўмдан, сабзи 1000 сўмдан 1500 сўмгача бўлган нархларда сотилган. 28 март куни ҳам туман бозорларидаги нарх шундай ҳолатда. Вилоятимиз бозорларидаги нархларда ҳам бугунги кунда шундай ҳолат кузатилмоқда.28 март куни талаб-эҳтиёждан келиб чиқиб, қўшимча 4 тонна картошка 4000 сўмдан, 2 тонна пиёз 1500 сўмдан 2000 сўмгача нархларда сотилиши йўлга қўйилди. 6 тонна ун маҳсулотлари 135000 сўмдан сотилди.Фуқароларимиздан асоссиз равишда нарх-наволар ошириб юборилган тақдирда туман давлат солиқ инспекциясида 69-48-22-146, туман департаментида 69-48-21-181 рақамли “Ишонч телефони”га хабар беришларини сўраймиз.Бугун коронавирус пандемияси муносабати билан карантин эълон қилинган даврда ҳамюртларимизни белгиланган тартиб-қоидаларга риоя этиб, ижтимоий тармоқларда нарх-наволар ошиб кетганлиги ҳақида асоссиз хабарлар тарқатмасликка ва якдил бўлишга чақирамиз.Мазкур масала бундан кейин ҳам туман ҳокимлигининг доимий эътиборида эканлиги ва барча зарур чоралар кўрилаётганлигини билдирамиз.                Уйчи туман ҳокимлиги ахборот хизмати.